ବାଲିଅନ୍ତା ଗଣପିଟି ଘଟଣାରେ ମୃତ୍ୟୁବରଣ କରିଥିବା ଜିଆରପି କନଷ୍ଟେବଳ ସୌମ୍ୟ ରଞ୍ଜନ ସ୍ୱାଇଁଙ୍କ ମୃତ୍ୟୁ ମାମଲାରେ କ୍ରାଇମବ୍ରାଞ୍ଚ ତଦନ୍ତକୁ ଆହୁରି ତ୍ୱରାନ୍ୱିତ କରିଛି। ଶୁକ୍ରବାର ସୌମ୍ୟଙ୍କ ବନ୍ଧୁ ଓମ୍ ପ୍ରକାଶଙ୍କର ଲାଏ ଡିଟେକ୍ସନ୍ (ପଲିଗ୍ରାଫ) ଟେଷ୍ଟ କରାଯାଇଛି।
ରିପୋର୍ଟ ଅନୁଯାୟୀ, ଭୁବନେଶ୍ୱର ଅଦାଲତଙ୍କ ଅନୁମତି ପରେ ଏବଂ ଓମ୍ ପ୍ରକାଶଙ୍କ ସହମତି କ୍ରମେ ରାଜ୍ୟ ଫରେନ୍ସିକ ସାଇନ୍ସ ଲ୍ୟାବରେଟୋରୀ (SFSL)ରେ କଡ଼ା ସୁରକ୍ଷା ମଧ୍ୟରେ ଏହି ପରୀକ୍ଷା କରାଯାଇଥିଲା। ତଦନ୍ତ ସମୟରେ ସେ ଦେଇଥିବା ସୂଚନା ଓ ବୟାନର ସତ୍ୟତା ଯାଞ୍ଚ କରିବା ହେଉଛି ଏହି ପରୀକ୍ଷାର ମୂଳ ଉଦ୍ଦେଶ୍ୟ।
ଏପଟେ ସୌମ୍ୟଙ୍କ ପରିବାର ପକ୍ଷରୁ ଏହା ଏକ ପୂର୍ବ ଯୋଜନାବଦ୍ଧ ହତ୍ୟା ବୋଲି ଅଭିଯୋଗ କରାଯାଇଛି। ପରିବାର ସଦସ୍ୟମାନେ ଓମ୍ ପ୍ରକାଶଙ୍କ ଭୂମିକାକୁ ନେଇ ସନ୍ଦେହ ପ୍ରକାଶ କରିଥିବା ବେଳେ ଲାଏ ଡିଟେକ୍ସନ୍ ଟେଷ୍ଟ ତଦନ୍ତରେ ଗୁରୁତ୍ୱପୂର୍ଣ୍ଣ ସୁରାକ ଦେଇପାରିବ ବୋଲି ଆଶା ରଖିଛନ୍ତି।
ତେବେ ଏହି ପରୀକ୍ଷାର କୌଣସି ଫଳାଫଳ କିମ୍ବା ତଥ୍ୟ କ୍ରାଇମବ୍ରାଞ୍ଚ ପକ୍ଷରୁ ସାର୍ବଜନୀନ କରାଯାଇନାହିଁ। ମାମଲାର ତଦନ୍ତ ଜାରି ରହିଛି।
ଉଲ୍ଲେଖଯୋଗ୍ୟ ଯେ, ମେ' ୭ ତାରିଖରେ ଭୁବନେଶ୍ୱର ଉପକଣ୍ଠ ଭିଙ୍ଗାରପୁର-କାଜା ଅଞ୍ଚଳରେ ଦୁଇ ମହିଳାଙ୍କ ଅଭିଯୋଗ ପରେ ସ୍ଥାନୀୟ ଲୋକେ ଦୁଇ ଯୁବକଙ୍କୁ ଧରି ଗଣପିଟି କରିଥିଲେ। ଏଥିରେ ଜିଆରପି କନଷ୍ଟେବଳ ସୌମ୍ୟ ରଞ୍ଜନ ସ୍ୱାଇଁଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଆହତ ହୋଇଥିଲେ। ପରେ ରାଜ୍ୟ ସରକାର ଏହି ମାମଲାର ତଦନ୍ତ ଭାର CID-କ୍ରାଇମବ୍ରାଞ୍ଚକୁ ଦେଇଥିଲେ। ଏହା ସହ ରାଜ୍ୟ ମହିଳା ଆୟୋଗ ମଧ୍ୟ ପୃଥକ ଭାବେ ଘଟଣାର ତଦନ୍ତ କରୁଛନ୍ତି।
ନେପାଳରେ ଅଗଷ୍ଟ ୨୬ରେ ଘଟିଥିବା ଭୟଙ୍କର Bhotekoshi ବନ୍ୟା...
ଭାରତୀୟ ଖାଦ୍ୟପେୟରେ ଘିଅର ଏକ ପାରମ୍ପରିକ ସ୍ଥାନ ରହିଛି। କ...
ଆମ ଶରୀରରେ ଗଟ୍ ବା ପାଚନତନ୍ତ୍ରର ଭୂମିକା କେବଳ ଖାଦ୍ୟ ହଜମ...
ନେପାଳର ଉତ୍ତର ଅଞ୍ଚଳରେ ଘଟିଥିବା ଭୟଙ୍କର ବନ୍ୟା ଓ ଭୂସ୍ଖଳ...
ଭାରତରେ ବ୍ୟବହୃତ ଆଣ୍ଟି-ରାବିଜ୍ ଟିକାAbhayrabକୁ ନେଇ ପୁଣ...
ମହାରାଷ୍ଟ୍ରରେ ଗଣେଶ ଚତୁର୍ଥୀ ପୂର୍ବରୁ ରାଜନୈତିକ ମାହୋଲ ମ...
ହର୍ମୁଜ୍ ପ୍ରଣାଳୀକୁ ନେଇ ଆମେରିକା ଓ ଇରାନ ମଧ୍ୟରେ ତିକ୍ତତ...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ଆମେରିକା ରାଷ୍ଟ୍ରପତିଡୋନାଲ୍ଡ ଟ୍ରମ୍ପଆମେରିକାର ରାଜ୍ୟନ୍ୟୁ...
