୨୦୨୬ର ବହୁ ପ୍ରତୀକ୍ଷିତ ବଲିଉଡ୍ ଫିଲ୍ମ ‘ଅୱାରାପନ୍ ୨’ ମୁକ୍ତିଲାଭ ପୂର୍ବରୁ ଚର୍ଚ୍ଚାରେ ରହିଛି। ଅଗଷ୍ଟ ୧୪ରେ ପ୍ରେକ୍ଷାଳୟକୁ ଆସିବାକୁ ଥିବା ଏହି ଫିଲ୍ମର ନୂଆ ଗୀତ ‘ୟେ ଅୱାରାପନ୍’ ମୁକ୍ତିଲାଭ କରିବା ପରେ ସୋସିଆଲ ମିଡିଆରେ ବେଶ୍ ପ୍ରଶଂସା ସାଉଁଟୁଛି।
ନିତିନ କକ୍କରଙ୍କ ନିର୍ଦ୍ଦେଶିତ ଏହି ଫିଲ୍ମଟି ୨୦୦୭ ମସିହାର ସୁପରହିଟ୍ ଫିଲ୍ମ ‘ଅୱାରାପନ୍’ର ସିକ୍ୱେଲ୍। ପ୍ରଥମ ଭାଗରେ ଇମ୍ରାନ ହାସମୀ ଏବଂ ଶ୍ରିୟା ସରନଙ୍କ ଅଭିନୟ ଦର୍ଶକଙ୍କ ମନ ଜିଣିଥିଲା। ଏବେ ‘ଅୱାରାପନ୍ ୨’ରେ ଇମ୍ରାନ ହାସମୀ ପୁଣିଥରେ ଶିବମ ପଣ୍ଡିତ ଚରିତ୍ରରେ ନଜର ଆସିବେ।
‘ୟେ ଅୱାରାପନ୍’ ଗୀତର ସବୁଠାରୁ ବଡ଼ ଆକର୍ଷଣ ହେଉଛି ଅରିଜିତ୍ ସିଂହଙ୍କ କଣ୍ଠ। ଚଳିତ ବର୍ଷ ପ୍ଲେବ୍ୟାକ୍ ସିଙ୍ଗିଂରୁ ଅବସର ନେବା ଘୋଷଣା କରିଥିବା ଅରିଜିତଙ୍କ ସ୍ୱର ଗୀତଟିକୁ ଆହୁରି ଭାବପ୍ରବଣ କରିଛି। ତାଙ୍କ କଣ୍ଠରେ ପ୍ରେମ, ବିରହ ଓ ଯନ୍ତ୍ରଣାର ଅନୁଭୂତି ସ୍ପଷ୍ଟ ଭାବେ ପ୍ରତିଫଳିତ ହୋଇଛି।
ଗୀତଟିରେ ଶିବମ ପଣ୍ଡିତଙ୍କ ଭଙ୍ଗା ହୃଦୟ ଏବଂ ଅତୀତର ପ୍ରେମର ସ୍ମୃତିକୁ ଅତ୍ୟନ୍ତ ସୁନ୍ଦର ଭାବରେ ଉପସ୍ଥାପନ କରାଯାଇଛି। ଏହାର ଭିଜୁଆଲରେ ମୂଳ ଫିଲ୍ମର କିଛି ସ୍ମୃତିକୁ ପୁଣି ଥରେ ଜୀବନ୍ତ କରାଯାଇଛି। ଶ୍ରିୟା ସରନଙ୍କ କିଛି ଝଲକ ଦର୍ଶକଙ୍କୁ ପୁରୁଣା ଦିନର ସ୍ମୃତିକୁ ଫେରାଇ ନେଉଛି। ତେବେ ଫିଲ୍ମର ନୂଆ ନାୟିକା ଦିଶା ପଟାନୀ ଏହି ଗୀତରେ ନଜର ଆସିନାହାନ୍ତି।
ଆମାଲ ମଲ୍ଲିକଙ୍କ ସଙ୍ଗୀତ ଏବଂ ରଶ୍ମି-ବିରାଗଙ୍କ ଲିଖିତ ଗୀତ ଏହି ଭାବପ୍ରବଣ ସଙ୍ଗୀତକୁ ଆହୁରି ସମୃଦ୍ଧ କରିଛି। ଇମ୍ରାନ ହାସମୀ ଏବଂ ଅରିଜିତ୍ ସିଂହଙ୍କ ଏହି ଯୋଡ଼ିକୁ ନେଇ ପ୍ରଶଂସକମାନେ ବେଶ୍ ଉତ୍ସାହିତ ଅଛନ୍ତି।
ବିଶେଷ କଥା ହେଉଛି, ସ୍ୱାଧୀନତା ଦିବସ ଅବସରରେ ମୁକ୍ତିଲାଭ କରିବାକୁ ଥିବା ‘ଅୱାରାପନ୍ ୨’ର ସିଧାସଳଖ ଟକ୍କର ‘ବଟୱାରା ୧୯୪୭’ ସହ ହେବ। ସନି ଦେଓଲ, ପ୍ରୀତି ଜିଣ୍ଟା ଏବଂ କରଣ ଦେଓଲଙ୍କ ଅଭିନୀତ ଏହି ଫିଲ୍ମ ମଧ୍ୟ ସେହି ଦିନ ମୁକ୍ତିଲାଭ କରିବାକୁ ଯାଉଛି। ତେଣୁ ଏଥର ସ୍ୱାଧୀନତା ଦିବସରେ ବକ୍ସ ଅଫିସରେ ଜୋରଦାର ମୁକାବିଲା ଦେଖିବାକୁ ମିଳିବ।
ଆଠଗଡ଼ର ଜୀବନରେଖା ଭାବେ ପରିଚିତ ସାପୁଆ ନଦୀ ଚଳିତ ବର୍ଷ ଭୟ...
ରାଜଧାନୀ ଭୁବନେଶ୍ୱରରେ ମଙ୍ଗଳବାର ସନ୍ଧ୍ୟାରେ ପ୍ରବଳ ବର୍ଷା...
ଅଯୋଧ୍ୟା ରାମ ମନ୍ଦିର ଟ୍ରଷ୍ଟ ଆର୍ଥିକ ସ୍ୱଚ୍ଛତା ଓ ଜବାବଦେ...
ଜମ୍ମୁ-କଶ୍ମୀରର ଅଖନୁର ସେକ୍ଟର ଅଧୀନ ଅନ୍ତର୍ଜାତିକ ସୀମା ନ...
ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆସନ୍ତା ଅଗଷ୍ଟ ୩ରୁ ୫ ତାରିଖ...
ମଧ୍ୟପ୍ରାଚ୍ୟରେ ଜାରି ରହିଥିବା ଯୁଦ୍ଧ ପରିସ୍ଥିତି ମଧ୍ୟରେ...
ଦିଲ୍ଲୀ ସଂଲଗ୍ନ ଗାଜିଆବାଦ-ନୂଆଦିଲ୍ଲୀ ରେଳ ସେକ୍ସନରେ ମଙ୍ଗ...
ସକ୍ରିୟ ଲଘୁଚାପ ପ୍ରଭାବରେ ଓଡ଼ିଶାର ବିଭିନ୍ନ ଅଞ୍ଚଳରେ ଲଗା...
ସକ୍ରିୟ ଘୂର୍ଣ୍ଣିବଳୟର ପ୍ରଭାବରେ ଓଡ଼ିଶାରେ ଆଗାମୀ ଦୁଇ ଦି...
