ଆଠଗଡ଼ର ଜୀବନରେଖା ଭାବେ ପରିଚିତ ସାପୁଆ ନଦୀ ଚଳିତ ବର୍ଷ ଭୟଙ୍କର ବନ୍ୟା ଯୋଗୁଁ ସ୍ଥାନୀୟ ଚାଷୀଙ୍କ ପାଇଁ ବିପଦର କାରଣ ପାଲଟିଛି। ନଦୀବନ୍ଧରେ ଘାଇ ସୃଷ୍ଟି ହେବା ପରେ ବନ୍ୟାଜଳ ଗୋଟିଏ ପରେ ଗୋଟିଏ ଗାଁରେ ପ୍ରବେଶ କରି ହଜାର ହଜାର ଏକର ଚାଷଜମିକୁ ଉଜାଡ଼ି ଦେଇଛି।
କେଉଁଠି ଧାନ ଫସଲ ପାଣିରେ ବୁଡ଼ି ନଷ୍ଟ ହୋଇଥିବା ବେଳେ ଆଉ କେଉଁଠି ଉର୍ବର ଚାଷ ଜମି ଉପରେ ବାଲିଚର ମାଡ଼ିଯାଇଛି। ଏହା ଫଳରେ ବର୍ଷକର ପରିଶ୍ରମ ଏବଂ ଆଶା ଆଖି ଆଗରେ ଉଜୁଡ଼ି ଯାଇଥିବାରୁ ଚାଷୀମାନେ ଏବେ ଗଭୀର ଚିନ୍ତାରେ ପଡ଼ିଛନ୍ତି।
ସାପୁଆ ନଦୀର ବନ୍ୟାରେ ବିଶେଷ ଭାବେ କରିକୋଲ, ତରଡ଼ିଙ୍ଗ, ବାଇଲୋ, କରିକମଳ, ଦହିସରା ଏବଂ ଗୁଡ଼ୁପଡ଼ା ଭଳି ଗାଁଗୁଡ଼ିକ ବ୍ୟାପକ ଭାବେ ପ୍ରଭାବିତ ହୋଇଛି। ଏହି ସମସ୍ତ ଅଞ୍ଚଳରେ ପନିପରିବା ଚାଷ ସମ୍ପୂର୍ଣ୍ଣ ପାଣି ତଳେ ବୁଡ଼ି ନଷ୍ଟ ହୋଇଯାଇଥିବା ବେଳେ ବହୁ ଧାନ କ୍ଷେତ ମଧ୍ୟ ଉଜୁଡ଼ି ଯାଇଛି।
ବର୍ତ୍ତମାନ ବନ୍ୟାଜଳ କମିଥିଲେ ମଧ୍ୟ ଚାଷୀଙ୍କ ଦୁର୍ଦ୍ଦଶା କମିନାହିଁ। ପ୍ରଖର ସ୍ରୋତ ଯୋଗୁଁ ବହୁ ରାସ୍ତାଘାଟ ଧୋଇ ଯାଇଥିବା ବେଳେ ଅନେକ ଚାଷ ଜମି ବାଲିଚରରେ ପରିଣତ ହୋଇଛି। ଏପରି ସ୍ଥିତିରେ କ୍ଷୟକ୍ଷତିର ତୁରନ୍ତ ଆକଳନ କରି ସରକାରୀ ସହାୟତା ଓ ଉପଯୁକ୍ତ କ୍ଷତିପୂରଣ ଯୋଗାଇ ଦେବାକୁ ସ୍ଥାନୀୟ ଚାଷୀମାନେ ପ୍ରଶାସନ ନିକଟରେ ଦୃଢ଼ ଦାବି ଜଣାଇଛନ୍ତି।
ନୂଆଦିଲ୍ଲୀ: ଏସିଆନ୍ ପାରା ଗେମ୍ସ ୨୦୨୬ରେ ଭାରତୀୟ ଖେଳାଳିମ...
ସକାଳୁ ଦାନ୍ତ ଘଷିବା ବେଳେ ଅସାବଧାନତା ଯୋଗୁଁ ଜଣେ ବ୍ୟକ୍ତି...
ପୁଣି ଚର୍ଚ୍ଚାରେ ଓଡ଼ିଶା-ଆନ୍ଧ୍ର ସୀମା ବିବାଦୀୟ ଅଞ୍ଚଳ କୋ...
ଭୁବନେଶ୍ୱର:ଦିନରେ ପୁଲିସ ଡ୍ରାଇଭର, ଆଉ ସନ୍ଧ୍ୟା ହେଲେ ଚେନ...
କୋହଲିଙ୍କ ବ୍ୟାଟିଂରେ ମୁଗ୍ଧ ରବି ଶାସ୍ତ୍ରୀ, କହିଲେ&ndash...
ଅଣ୍ଡର-୧୯ ଏସିଆ କପ୍‌ରେ ଆଜିଠାରୁ ଭାରତର ଅଭିଯାନ ଆରମ...
ଭାରତରେ ଡେଙ୍ଗୁ ରୋଗର ମୁକାବିଲା ପାଇଁ ଏକ ନୂଆ ଆଶା ସୃଷ୍ଟି...
ଏସିଆନ୍ ପାରା ଗେମ୍ସ ୨୦୨୬ରେ ଦେଶ ପାଇଁ ଗୌରବ ଆଣିଥିବା ଭାର...
