ଭାରତୀୟ ସେନାପ୍ରମୁଖ ଜେନେରାଲ୍ ଉପେନ୍ଦ୍ର ଦ୍ୱିବେଦୀ ଶନିବାର ପୁରୀ ଯାଇ ପରିବାର ସହ ଶ୍ରୀଜଗନ୍ନାଥ ମନ୍ଦିରରେ ଦର୍ଶନ କରିଥିଲେ। ସେ ଶ୍ରୀଜଗନ୍ନାଥଙ୍କ ପାଖରେ ଦେଶର ସୁରକ୍ଷା ଓ ସେନାବାହିନୀର ସୁସ୍ଥତା ପାଇଁ ପ୍ରାର୍ଥନା କରିଥିଲେ।
ଦର୍ଶନ ପରେ ସେ କହିଥିଲେ ଯେ ପୁରୀ ଆସି ତାଙ୍କୁ ଅତ୍ୟନ୍ତ ଶାନ୍ତି ଓ ଆଧ୍ୟାତ୍ମିକ ଅନୁଭୂତି ମିଳିଛି। ସେ ଭାରତୀୟ ସେନାର ଶକ୍ତି ଓ ସୁରକ୍ଷା ନିରନ୍ତର ରହୁ ବୋଲି ମଧ୍ୟ ପ୍ରାର୍ଥନା କରିଥିଲେ।
ସୂଚନା ଅନୁସାରେ, ସେନାପ୍ରମୁଖ ସକାଳ ୫ଟା ୧୫ମିନିଟ୍ ସମୟରେ NH-316 ମାର୍ଗରେ ପୁରୀ ପହଞ୍ଚିଥିଲେ। ମନ୍ଦିର ଦର୍ଶନ ପରେ ସେ ସକାଳ ୮ଟା ସମୟରେ ସୈନିକ ସଦନକୁ ଫେରିଥିଲେ ଓ ସେଠାରେ କିଛି ସମୟ ବିତାଇଥିଲେ।
ପରବର୍ତ୍ତୀ କାର୍ଯ୍ୟସୂଚୀ ଅନୁଯାୟୀ ସେ ତାଳବାଣିଆ ହେଲିପ୍ୟାଡ଼ରୁ ସକାଳ ୯ଟା ୨୦ମିନିଟ୍ ସମୟରେ ଗୋପାଳପୁର ମିଲିଟାରୀ ଷ୍ଟେସନକୁ ଯାଇଥିଲେ। ସେଠାରେ ସେ ଟ୍ରେନିଂ ବ୍ୟବସ୍ଥାର ସମୀକ୍ଷା କରିବା ସହ ଅବସରପ୍ରାପ୍ତ ସେନା ସଦସ୍ୟମାନଙ୍କୁ ସମ୍ମାନିତ କରିବେ।
ଏହା ସହିତ ସେ ଫିଲ୍ଡ ଫାୟାରିଂ ରେଞ୍ଜରେ ଲାଇଭ୍ ଫାୟାରିଂ ଅଭ୍ୟାସ ଓ ଅସ୍ତ୍ର ପ୍ରଦର୍ଶନୀ ମଧ୍ୟ ନିରୀକ୍ଷଣ କରିବେ। ସନ୍ଧ୍ୟା ସମୟରେ ସେ ସେବାରତ ଓ ପୂର୍ବତନ ସେନା ସଦସ୍ୟଙ୍କ ସହ ଆଲୋଚନା କରିବେ।
ସେ ଗୋପାଳପୁରରେ ରାତି ରହିବା ପରେ ପରବର୍ତ୍ତୀ ଦିନ ହେଲିକପ୍ଟର ଯୋଗେ ଭୁବନେଶ୍ୱର ମାର୍ଗରେ ଦିଲ୍ଲୀ ଫେରିବେ।
ବିଶ୍ୱରେ ଚାଲିଥିବା ଭୌଗୋଳିକ ଓ ରାଜନୈତିକ ତଣାପୋଡ଼ର ପ୍ରଭା...
ସିଜିମାଳି ବକ୍ସାଇଟ୍ ଖଣି ପ୍ରକଳ୍ପକୁ ନେଇ ଚାଲିଥିବା ଆଦିବା...
ରାଜ୍ୟସଭାରେ ବିଜୁ ଜନତା ଦଳ (ବିଜେଡି) ତାହାର ନୂତନ ସଂସଦୀୟ...
ରାଜ୍ୟରେ ଆସନ୍ତା କିଛି ଦିନ ଧରି ଗରମ ଓ ଆର୍ଦ୍ରତାପୂର୍ଣ୍ଣ...
Sun Pharmaceutical Industries ଶେୟରରେ ଆଜି ଭାରି ପତନ...
ଭାରତୀୟ ଶେୟର ବଜାରରେ ଆଜି ଜୋରଦାର ର୍ୟାଲି ଦେଖାଯାଇଛି, ସେ...
Infosys, Tata Consultancy Services ଓ HCLTech ଭଳି ପ...
ବିହାରର ଦୀର୍ଘକାଳୀନ ମୁଖ୍ୟମନ୍ତ୍ରୀ Nitish Kumar ଏବେ ଜା...
ସଂସଦ ପ୍ରାଙ୍ଗଣରେ ଏକ ସଂକ୍ଷିପ୍ତ କିନ୍ତୁ ଗୁରୁତ୍ୱପୂର୍ଣ୍ଣ...
