ଢେଙ୍କାନାଳ ଜିଲ୍ଲାରେ ପୁଣି ଥରେ ଡକାୟତଙ୍କ ଆତଙ୍କ ଦେଖିବାକୁ ମିଳିଛି। ପରଜଙ୍ଗ ଥାନା ଅଧୀନ ସାଣ୍ଡା କଲେଜ ନିକଟସ୍ଥ ସାଣ୍ଡା ଗ୍ରାମରେ ଶସ୍ତ୍ରଧାରୀ ଦୁର୍ବୃତ୍ତମାନେ ଜଣେ ଦମ୍ପତିଙ୍କ ଘରେ ପଶି ମାରଣାସ୍ତ୍ର ଦେଖାଇ ଲୁଟ୍ପାଟ୍ କରିଥିବା ଅଭିଯୋଗ ହୋଇଛି।
ସୋମବାର ବିଳମ୍ବିତ ରାତିରେ କିଛି ମୁଖା ପିନ୍ଧିଥିବା ଦୁର୍ବୃତ୍ତ ସୁରେଶ ଚନ୍ଦ୍ର ପାଣିଙ୍କ ଘରର ବାଲକୋନି ପଟୁ ଘର ଭିତରକୁ ପ୍ରବେଶ କରିଥିଲେ। ସେମାନେ ଘରର କବାଟ ଭାଙ୍ଗି ଭିତରକୁ ପଶିବା ପରେ ସୁରେଶ ଚନ୍ଦ୍ର ପାଣି ଏବଂ ତାଙ୍କ ପତ୍ନୀ ମୀରା ପାଣିଙ୍କୁ ଖଣ୍ଡା ଓ ଭୁଜାଲି ଭଳି ମାରଣାସ୍ତ୍ର ଦେଖାଇ ଲକରର ଚାବି ଦେବାକୁ ଧମକ ଦେଇଥିଲେ।
ଅଭିଯୁକ୍ତମାନେ ସୁରେଶଙ୍କୁ କମ୍ବଳ ଘୋଡ଼ାଇ ନିର୍ମମ ଭାବେ ମାଡ଼ ମାରିଥିଲେ। ଏହାପରେ ସେମାନେ ଲକରରୁ ସମସ୍ତ ସୁନାଗହଣା ଲୁଟି ନେଇଥିଲେ। ଏଥିସହ ମୀରା ପାଣି ପିନ୍ଧିଥିବା ସମସ୍ତ ଅଳଙ୍କାର ଛଡ଼ାଇ ନେବା ସହ ଘରର ଅନ୍ୟ ସ୍ଥାନରେ ରଖାଯାଇଥିବା ଗହଣା ମଧ୍ୟ ଲୁଟ୍ କରିଥିଲେ।
ଏହି ଲୁଟ୍ପାଟ୍ରେ ଦୁର୍ବୃତ୍ତମାନେ ୧୦ ତୋଳାରୁ ଅଧିକ ସୁନାଗହଣା, ୫ ହଜାର ଟଙ୍କା ନଗଦ ଏବଂ ଦୁଇଟି ମୋବାଇଲ ଫୋନ୍ ନେଇ ଫେରାର ହୋଇଯାଇଛନ୍ତି। ଘଟଣାସ୍ଥଳରୁ ପଳାଇବା ପୂର୍ବରୁ ସେମାନେ ଦମ୍ପତିଙ୍କୁ ଏକ କୋଠରୀ ଭିତରେ ବନ୍ଦ କରିଦେଇଥିଲେ।
ପୀଡ଼ିତ ସୁରେଶ ଚନ୍ଦ୍ର ପାଣି କହିଛନ୍ତି, "ମୁଖା ପିନ୍ଧିଥିବା କିଛି ଦୁର୍ବୃତ୍ତ ଆମ ଘରକୁ ପଶି ଲକରର ଚାବି ମାଗିଥିଲେ। ନ ଦେଲେ ଆମକୁ ହତ୍ୟା କରିବାକୁ ଧମକ ଦେଇଥିଲେ। ମୋତେ କମ୍ବଳ ଘୋଡ଼ାଇ ମାଡ଼ ମାରିବା ପରେ ସମସ୍ତ ଗହଣା ଲୁଟି ନେଇଥିଲେ।"
ଅନ୍ୟପଟେ ତାଙ୍କ ପତ୍ନୀ ମୀରା ପାଣି କହିଛନ୍ତି, "ସେମାନେ ମୋ ସ୍ୱାମୀଙ୍କୁ ଖଣ୍ଡା ଦେଖାଇ ଧମକ ଦେଇଥିଲେ। ବାଡ଼ି ଓ ଖଣ୍ଡାରେ ଆମକୁ ଆକ୍ରମଣ କରି ସମସ୍ତ ଗହଣା ଲୁଟି ନେଇଛନ୍ତି।"
ଘଟଣା ସମ୍ପର୍କରେ ଖବର ପାଇ ପରଜଙ୍ଗ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଲୁଟେରାଙ୍କୁ ଧରିବା ପାଇଁ ପୋଲିସ ପକ୍ଷରୁ ବିଭିନ୍ନ ଦିଗରୁ ତଦନ୍ତ ଚାଲିଛି।
ବୟସ କେବେ ମଧ୍ୟ ଶିକ୍ଷା ଓ ସ୍ୱପ୍ନ ପୂରଣରେ ବାଧା ହୋଇପାରେ...
ତୃଣମୂଳ କଂଗ୍ରେସ (ଟିଏମସି) ମୁଖ୍ୟ ଏବଂ ପଶ୍ଚିମବଙ୍ଗ ମୁଖ୍ୟ...
ନିଟ୍ ପ୍ରଶ୍ନପତ୍ର ଲିକ୍ ମାମଲାର ନ୍ୟାୟିକ ତଦନ୍ତ ଏବଂ କେନ୍...
SCERT ପାଠ୍ୟପୁସ୍ତକରେ ତ୍ରୁଟି ଘଟଣାକୁ ନେଇ ଚାଲିଥିବା କ୍ର...
ଜାତୀୟ ସୁରକ୍ଷା ପରାମର୍ଶଦାତା (NSA) ଅଜିତ ଡୋଭାଲ ସାଉଦି ଆ...
କୃତ୍ରିମ ବୁଦ୍ଧିମତା (AI) କ୍ଷେତ୍ରରେ ବିଶ୍ୱସ୍ତରରେ ବଢ଼ୁଥ...
୨୦୨୭ ମସିହାରେ ହେବାକୁ ଥିବା ପଞ୍ଚାୟତ ଓ ସହରାଞ୍ଚଳ ସ୍ଥାନୀ...
ରାଜ୍ୟ ସରକାରଙ୍କ ପକ୍ଷରୁ ଶିକ୍ଷା ପ୍ରଶାସନ କ୍ଷେତ୍ରରେ ଏକ...
ମେଷ ଏହି ସପ୍ତାହ ଆପଣଙ୍କ କର୍ମକ୍ଷେତ୍ର ପାଇଁ ଉତ୍ସାହଜନ...
