ରଥଯାତ୍ରା ୨୦୨୬ ଅବସରରେ ଲକ୍ଷାଧିକ ଶ୍ରଦ୍ଧାଳୁ ପୁରୀକୁ ଆସିବାକୁ ଥିବାରୁ ସୁରକ୍ଷା ବ୍ୟବସ୍ଥାକୁ ଆହୁରି ସୁଦୃଢ଼ କରିବା ଲକ୍ଷ୍ୟରେ ମଙ୍ଗଳବାର ପୁରୀ ରେଳ ଷ୍ଟେସନରେ ଏକ ବ୍ୟାପକ ଆତଙ୍କବାଦ ବିରୋଧୀ ମକ୍ ଡ୍ରିଲ୍ ଅନୁଷ୍ଠିତ ହୋଇଛି।
ଏହି ଅଭ୍ୟାସରେ ରେଳ ଷ୍ଟେସନରେ ଆତଙ୍କବାଦୀ ଆକ୍ରମଣ ଘଟିଥିବା ଭଳି କଳ୍ପନାମୂଳକ ପରିସ୍ଥିତି ସୃଷ୍ଟି କରାଯାଇ ବିଭିନ୍ନ ସୁରକ୍ଷା ଓ ଜରୁରୀକାଳୀନ ସେବା ସଂସ୍ଥାର ସମନ୍ୱୟ, ପ୍ରତିକ୍ରିୟା ସମୟ ଏବଂ ଉଦ୍ଧାର କାର୍ଯ୍ୟର ପରୀକ୍ଷା କରାଯାଇଥିଲା।
ମକ୍ ଡ୍ରିଲ୍ରେ ସ୍ପେଶାଲ ଟାକ୍ଟିକାଲ ୟୁନିଟ୍ (STU), ପୁରୀ ପୁଲିସ, ସରକାରୀ ରେଳ ପୁଲିସ (GRP), ରେଳ ସୁରକ୍ଷା ବାହିନୀ (RPF), ଓଡ୍ରାଫ୍ (ODRAF), ଅଗ୍ନିଶମ ବିଭାଗ, ଚିକିତ୍ସା ଦଳ ଓ କେନାଇନ୍ ୟୁନିଟ୍ ସମେତ ବିଭିନ୍ନ ସଂସ୍ଥା ଅଂଶଗ୍ରହଣ କରିଥିଲେ। ସର୍ଚ୍ଚ ଅପରେସନ୍, ଉଦ୍ଧାର, ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର ଏବଂ ଆପାତକାଳୀନ ଚିକିତ୍ସା ସେବାର ଅଭ୍ୟାସ କରାଯାଇଥିଲା।
ପୁରୀ ଏସପି ପ୍ରତୀକ ସିଂହ କହିଛନ୍ତି ଯେ, ରଥଯାତ୍ରା ସମୟରେ ଶ୍ରଦ୍ଧାଳୁଙ୍କ ସୁରକ୍ଷା ସର୍ବୋଚ୍ଚ ପ୍ରାଥମିକତା। ଭିଡ଼ ପରିଚାଳନା, ଟ୍ରାଫିକ୍ ନିୟନ୍ତ୍ରଣ ଓ ଯେକୌଣସି ଅପ୍ରୀତିକର ଘଟଣାର ତୁରନ୍ତ ମୁକାବିଲା ପାଇଁ STU, NSG ଓ ଅନ୍ୟାନ୍ୟ ସ୍ୱତନ୍ତ୍ର ପ୍ରଶିକ୍ଷିତ ଦଳ ନିୟୋଜିତ ହୋଇଛନ୍ତି।
ସେ କହିଛନ୍ତି, ଜିଲ୍ଲା ପୁଲିସ ପ୍ରଥମ ପ୍ରତିକ୍ରିୟାକାରୀ ଭାବେ କାର୍ଯ୍ୟ କରିବେ। ରେଳ ଷ୍ଟେସନରେ GRP ଓ RPF ସୁରକ୍ଷା ଦାୟିତ୍ୱ ସମ୍ଭାଳିବେ। ବିଭିନ୍ନ ବିଭାଗ ମଧ୍ୟରେ ସମନ୍ୱୟ, ପ୍ରତିକ୍ରିୟା ସମୟ ଏବଂ ସମ୍ଭାବ୍ୟ ତ୍ରୁଟିକୁ ଚିହ୍ନଟ କରିବା ଏହି ମକ୍ ଡ୍ରିଲ୍ର ମୁଖ୍ୟ ଉଦ୍ଦେଶ୍ୟ।
ରେଳ ଷ୍ଟେସନ ବ୍ୟତୀତ ପୁରୀର ବିଭିନ୍ନ ହୋଟେଲ ଓ ବଡ଼ଦାଣ୍ଡରେ ମଧ୍ୟ ସମାନ ମକ୍ ଡ୍ରିଲ୍ କରାଯାଉଛି। ରଥଯାତ୍ରା ସମୟରେ ଦେଶ-ବିଦେଶରୁ ଆସୁଥିବା ଶ୍ରଦ୍ଧାଳୁମାନେ ଯେପରି ସୁରକ୍ଷିତ ଭାବେ ଦର୍ଶନ କରିପାରିବେ, ସେଥିପାଇଁ ପ୍ରଶାସନ ସମସ୍ତ ପ୍ରକାର ପ୍ରସ୍ତୁତି ଜୋରଦାର କରିଛି।
ଭାରତରେ ବ୍ୟବହୃତ ଆଣ୍ଟି-ରାବିଜ୍ ଟିକାAbhayrabକୁ ନେଇ ପୁଣ...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ନେପାଳର ଉତ୍ତର ଅଞ୍ଚଳରେ ଘଟିଥିବା ଭୟଙ୍କର ବନ୍ୟା ଓ ଭୂସ୍ଖଳ...
ହର୍ମୁଜ୍ ପ୍ରଣାଳୀକୁ ନେଇ ଆମେରିକା ଓ ଇରାନ ମଧ୍ୟରେ ତିକ୍ତତ...
ନେପାଳରେ ଅଗଷ୍ଟ ୨୬ରେ ଘଟିଥିବା ଭୟଙ୍କର Bhotekoshi ବନ୍ୟା...
ଆମେରିକା ରାଷ୍ଟ୍ରପତିଡୋନାଲ୍ଡ ଟ୍ରମ୍ପଆମେରିକାର ରାଜ୍ୟନ୍ୟୁ...
ଆମ ଶରୀରରେ ଗଟ୍ ବା ପାଚନତନ୍ତ୍ରର ଭୂମିକା କେବଳ ଖାଦ୍ୟ ହଜମ...
ଭାରତୀୟ ଖାଦ୍ୟପେୟରେ ଘିଅର ଏକ ପାରମ୍ପରିକ ସ୍ଥାନ ରହିଛି। କ...
ମହାରାଷ୍ଟ୍ରରେ ଗଣେଶ ଚତୁର୍ଥୀ ପୂର୍ବରୁ ରାଜନୈତିକ ମାହୋଲ ମ...
