ଏସିଆର ଚାକିରି ବଜାରରେ AIର ବଡ଼ ପ୍ରଭାବ

AI କେବଳ କାର୍ଯ୍ୟ ପ୍ରଣାଳୀକୁ ବଦଳାଉନାହିଁ, ଏହା କେଉଁ ପ୍ରକାରର ଚାକିରି ପାଇଁ ଚାହିଦା ରହିବ ତାହାକୁ ମଧ୍ୟ ପ୍ରଭାବିତ କରୁଛି। ସାମ୍ପ୍ରତିକ ରିପୋର୍ଟ ଅନୁସାରେ, ChatGPT ଆସିବା ପରଠାରୁ AIରେ ଅଧିକ exposure ଥିବା କାର୍ଯ୍ୟକ୍ଷେତ୍ରରେ ଚାକିରି ଚାହିଦା ପ୍ରାୟ ୧୦% କମିଛି।

ଅର୍ଥାତ୍ AIର ପ୍ରଭାବ ସମସ୍ତ କ୍ଷେତ୍ରରେ ସମାନ ନୁହେଁ। ଯେଉଁ କାମଗୁଡ଼ିକ routine, repetitive କିମ୍ବା ସହଜରେ automate କରାଯାଇପାରେ, ସେଗୁଡ଼ିକ ଅଧିକ ଚାପରେ ରହିଛି।

AI ଚାକିରି ନଷ୍ଟ କରୁଛି, କି ନୂଆ ଚାକିରି ସୃଷ୍ଟି କରୁଛି?

ଚିତ୍ରଟି ଏକପାଖିଆ ନୁହେଁ। ଏସିଆରେ AI ଯୋଗୁଁ କେତେକ ଚାକିରି କମିଥିବା ବେଳେ ନୂଆ AI-ସମ୍ପର୍କିତ ଚାକିରି ମଧ୍ୟ ସୃଷ୍ଟି ହେଉଛି।

Nomuraର ବିଶ୍ଳେଷଣ ଅନୁସାରେ, ୨୦୨୨ରୁ ଅଗଷ୍ଟ ୨୦୨୬ ମଧ୍ୟରେ ଏସିଆରେ AI ସହ ଜଡ଼ିତ ପ୍ରାୟ୧,୩୦,୭୫୮ ନୂଆ ନିଯୁକ୍ତିଘୋଷଣା ହୋଇଥିବା ବେଳେ ପ୍ରାୟ୬୦,୬୫୪ ଚାକିରିAI ସମ୍ପର୍କିତ layoffs କିମ୍ବା attritionରେ ପ୍ରଭାବିତ ହୋଇଥିଲା। କିନ୍ତୁ ଏହି ହିସାବ ମୋଟ ଚାକିରି ବଜାରର ପୂର୍ଣ୍ଣ ଚିତ୍ର ନୁହେଁ; ଏହା କମ୍ପାନୀ ଘୋଷଣା ଓ ରିପୋର୍ଟ ଆଧାରିତ ଏକ ସୂଚକ ବିଶ୍ଳେଷଣ।

ଭାରତରେ କ’ଣ ହେଉଛି?

ଭାରତ AI ଆଧାରିତ ଚାକିରି ପରିବର୍ତ୍ତନର ଏକ ପ୍ରମୁଖ କେନ୍ଦ୍ର ଭାବେ ଉଭା ହେଉଛି। ଦେଶର ବଡ଼ IT workforce, global capability centres ଏବଂ outsourcing industry ଥିବାରୁ AIର ପ୍ରଭାବ ଭାରତୀୟ ଚାକିରି ବଜାରରେ ବିଶେଷ ଭାବେ ଦେଖାଯାଉଛି।

Nomuraର ତଥ୍ୟ ଅନୁସାରେ, ଭାରତରେ ପ୍ରାୟ୮୩,୧୦୦ AI-related hiresହୋଇଥିବା ବେଳେ୩୧,୯୨୧ layoffs ଓ attritionAI ସହ ସମ୍ପର୍କିତ ଥିଲା। ଅର୍ଥାତ୍ ଏପର୍ଯ୍ୟନ୍ତ ନୂଆ AI ଚାକିରିର ସଂଖ୍ୟା ପ୍ରଭାବିତ ଚାକିରିଠାରୁ ଅଧିକ।

କିନ୍ତୁ freshersଙ୍କ ପାଇଁ ବଢ଼ୁଛି ଚିନ୍ତା

ଏଠାରେ ରହିଛି ଭାରତ ପାଇଁ ବଡ଼ ଚ୍ୟାଲେଞ୍ଜ। AI ଯୁଗରେ ସମସ୍ତ ପ୍ରକାରର କର୍ମଚାରୀ ସମାନ ଭାବରେ ଲାଭ ପାଉନାହାନ୍ତି।

କମ୍ପାନୀଗୁଡ଼ିକ ଏବେ ଅଧିକ ଅଭିଜ୍ଞ କର୍ମଚାରୀଙ୍କୁ ପସନ୍ଦ କରୁଛନ୍ତି—ବିଶେଷକରି ଯେଉଁମାନଙ୍କ ପାଖରେ domain knowledge, problem-solving, management ଏବଂ AI tools ସହ କାମ କରିବାର କ୍ଷମତା ରହିଛି। ଫଳରେ entry-level hiring ଉପରେ ଚାପ ବଢ଼ୁଛି।

ଏହା ଭାରତ ଭଳି ଯୁବ workforce ଥିବା ଦେଶ ପାଇଁ ଏକ ଗୁରୁତର ନୀତିଗତ ପ୍ରଶ୍ନ—AI productivity ବଢ଼ାଇବ, କିନ୍ତୁ ନୂଆ ଯୁବକ-ଯୁବତୀଙ୍କୁ ପ୍ରଥମ ଚାକିରି କିପରି ମିଳିବ?

ଭାରତର outsourcing model ଉପରେ ମଧ୍ୟ ପ୍ରଭାବ

ଭାରତର IT services ଓ business-process outsourcing ମଡେଲ୍ ଦୀର୍ଘଦିନ ଧରି ଦେଶର ବଡ଼ employment engine ରହିଆସିଛି। କିନ୍ତୁ Generative AI routine coding, customer support, documentation ଓ back-office ଭଳି କାମର କିଛି ଅଂଶ automate କରିପାରୁଥିବାରୁ ଏହି ପାରମ୍ପରିକ advantage ଉପରେ ଚାପ ସୃଷ୍ଟି ହେଉଛି।

World Bankର ୨୦୨୬ ବିଶ୍ଳେଷଣ ମଧ୍ୟ South Asiaରେ ChatGPT ପରବର୍ତ୍ତୀ ସମୟରେ online job postings କମିଥିବା ଏବଂ AI-related skills ପାଇଁ ଚାହିଦା ବଢ଼ିଥିବା ଦିଗକୁ ଇଙ୍ଗିତ କରିଛି।

ତେବେ ଭାରତ ପାଇଁ ସୁଯୋଗ କେଉଁଠି?

AIକୁ କେବଳ job killer ଭାବେ ଦେଖିବା ଭାରତ ପାଇଁ ଠିକ୍ ହେବ ନାହିଁ। AI adoption ସହ AI engineering, data, cybersecurity, AI governance, cloud, automation ଏବଂ AI implementation ଭଳି ନୂଆ କ୍ଷେତ୍ରରେ ଚାହିଦା ବଢ଼ୁଛି।

ଭାରତର challenge ହେଉଛି—ଏହି ନୂଆ ଚାକିରି ପାଇଁ ଯେଉଁ skills ଆବଶ୍ୟକ, ସେଗୁଡ଼ିକ ପାଇଁ ବଡ଼ ପରିମାଣର workforceକୁ ପ୍ରସ୍ତୁତ କରିବା। ଭାରତର AI talent pool ବଡ଼ ହୋଇଥିଲେ ମଧ୍ୟ deployment, governance ଓ security ଭଳି production-level skillsରେ gap ରହିଛି।

Reskilling ହେବ ମୁଖ୍ୟ ଅସ୍ତ୍ର

Asian Development Bankର ଅକ୍ଟୋବର ୨୦୨୬ ବିଶ୍ଳେଷଣ ଅନୁସାରେ, AI ଯୋଗୁଁ ଏସିଆର ପାରମ୍ପରିକ low-cost labour advantage ଉପରେ ଚାପ ବଢ଼ୁଛି। ତେଣୁ education curriculumରେ AI literacy, critical thinking, technical training ଓ vocational educationକୁ ଅଧିକ ଗୁରୁତ୍ୱ ଦେବା ଆବଶ୍ୟକ। ସେହି ସହିତ ନିରନ୍ତର reskilling ବ୍ୟବସ୍ଥା ଓ ପରିବର୍ତ୍ତିତ ଚାକିରି ବଜାରରେ ସୁରକ୍ଷା ବ୍ୟବସ୍ଥା ମଧ୍ୟ ଦରକାର।

ଭାରତ ପାଇଁ ଆସଲ ପ୍ରଶ୍ନ

AI ଭାରତରୁ ଚାକିରି ନେଇଯିବ କି ନୂଆ ଚାକିରି ଦେବ—ଏହା ଏବେ ସରଳ ‘ହଁ’ କିମ୍ବା ‘ନା’ ପ୍ରଶ୍ନ ନୁହେଁ। ଆସଲ ପ୍ରଶ୍ନ ହେଉଛି,AI ପରିବର୍ତ୍ତନ ପାଇଁ ଭାରତୀୟ workforce କେତେ ଶୀଘ୍ର ପ୍ରସ୍ତୁତ ହୋଇପାରିବ।