ଓଡ଼ିଶା-ଝାଡ଼ଖଣ୍ଡ ସୀମାନ୍ତ ଅଞ୍ଚଳରେ ବାମପନ୍ଥୀ ଉଗ୍ରବାଦ ବିରୋଧୀ ଅଭିଯାନରେ ସୁରକ୍ଷାବାହିନୀକୁ ବଡ଼ ସଫଳତା ମିଳିଛି। ଝାଡ଼ଖଣ୍ଡର ଚାଇବାସାରେ ନିଷିଦ୍ଧ CPI (Maoist) ସଂଗଠନର ୪ ଜଣ ମାଓବାଦୀ ମଙ୍ଗଳବାର ସୁରକ୍ଷାବାହିନୀ ନିକଟରେ ଆତ୍ମସମର୍ପଣ କରିଛନ୍ତି। ଆତ୍ମସମର୍ପଣକାରୀଙ୍କ ମଧ୍ୟରେ ୩ ଜଣ ମହିଳା ରହିଛନ୍ତି।
ଚାଇବାସା ପୁଲିସ, CRPF ଯବାନ ଏବଂ ଝାଡ଼ଖଣ୍ଡ ଜାଗୁଆରଙ୍କ ସମ୍ମୁଖରେ ଏହି ଆତ୍ମସମର୍ପଣ ହୋଇଥିବା ସୂଚନା ମିଳିଛି। ସୂଚନା ଅନୁସାରେ, ଆତ୍ମସମର୍ପଣ କରିଥିବା ଜଣେ ମାଓବାଦୀଙ୍କ ମୁଣ୍ଡରେ ୧୦ ଲକ୍ଷ ଟଙ୍କାର ପୁରସ୍କାର ଘୋଷଣା ହୋଇଥିଲା। ସେହିପରି ଜଣେ ମହିଳା ମାଓବାଦୀଙ୍କ ଉପରେ ୧ ଲକ୍ଷ ଟଙ୍କାର ପୁରସ୍କାର ଥିଲା।
ସାରଣ୍ଡା ଅଞ୍ଚଳରେ ଦୀର୍ଘ ସମୟ ଧରି ସକ୍ରିୟ ଥିବା ଏହି ୪ ଜଣ ଆତ୍ମସମର୍ପଣ ସମୟରେ ବିପୁଳ ଅସ୍ତ୍ରଶସ୍ତ୍ର ଓ ଗୁଳିଗୋଳା ସୁରକ୍ଷାବାହିନୀକୁ ହସ୍ତାନ୍ତର କରିଛନ୍ତି। ଏଥିରେ ଗୋଟିଏ AK-47 ରାଇଫଲ, ଗୋଟିଏ INSAS ରାଇଫଲ, ୭ଟି ମାଓବାଦୀ ସାହିତ୍ୟ, ୨ଟି ୱାକି-ଟାକି ଏବଂ ୨,୨୭୬ ରାଉଣ୍ଡ ଜୀବନ୍ତ ଗୁଳି ରହିଛି।
ଅଧିକାରୀଙ୍କ ଅନୁସାରେ, ଝାଡ଼ଖଣ୍ଡ ସରକାରଙ୍କ ପୁନର୍ବାସ ନୀତିରେ ପ୍ରଭାବିତ ହୋଇ ଏହି ମାଓବାଦୀମାନେ ସଶସ୍ତ୍ର ଆନ୍ଦୋଳନ ଛାଡ଼ି ମୁଖ୍ୟସ୍ରୋତକୁ ଫେରିବା ନିଷ୍ପତ୍ତି ନେଇଛନ୍ତି।
ଓଡ଼ିଶା ସୀମା ନିକଟରେ ଥିବା ସାରଣ୍ଡା ଅଞ୍ଚଳ ଦୀର୍ଘଦିନ ଧରି ମାଓବାଦୀ କାର୍ଯ୍ୟକଳାପ ଯୋଗୁଁ ସୁରକ୍ଷା ଦୃଷ୍ଟିରୁ ସମ୍ବେଦନଶୀଳ ରହିଛି। ଏହି ଅଞ୍ଚଳରେ ଉଭୟ ରାଜ୍ୟର ସୁରକ୍ଷାବାହିନୀ ସମନ୍ୱୟରେ ଅଭିଯାନ ଚଳାଇଆସୁଛନ୍ତି।
୪ ଜଣ ମାଓବାଦୀଙ୍କ ଆତ୍ମସମର୍ପଣକୁ ମାଓବାଦୀ ନେଟୱର୍କକୁ ଦୁର୍ବଳ କରିବା ଏବଂ ଉଗ୍ରବାଦୀଙ୍କୁ ମୁଖ୍ୟସ୍ରୋତକୁ ଫେରାଇ ଆଣିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଭାବେ ଦେଖାଯାଉଛି। ଆତ୍ମସମର୍ପଣକାରୀଙ୍କ ପୃଷ୍ଠଭୂମି ଓ ସଂଗଠନରେ ସେମାନଙ୍କ ଭୂମିକା ସମ୍ପର୍କରେ ଅଧିକ ଯାଞ୍ଚ ପରେ ପୁନର୍ବାସ ପ୍ରକ୍ରିୟା ଆଗକୁ ବଢ଼ିବ।
ଓଡ଼ିଶାରେ ଆସନ୍ତା ପାଞ୍ଚ ଦିନ ଧରି ବ୍ୟାପକ ବର୍ଷା ଜାରି ରହ...
ପ୍ରଥମ ଶ୍ରେଣୀ ପାଠ୍ୟପୁସ୍ତକକୁ ନେଇ ଚାଲିଥିବା ବିବାଦ ମଧ୍ୟ...
ସରକାରୀ ଚାକିରିର ସ୍ଥିରତା ଛାଡ଼ି ନିଜ ପିଲାଦିନର ସ୍ୱପ୍ନ ପ...
ନୂଆଦିଲ୍ଲୀ:NEET-UG 2026 ପ୍ରଶ୍ନପତ୍ର ଲିକ୍ ମାମଲାରେ କେନ...
ଲଘୁଚାପର ପ୍ରଭାବରେ ବାଲେଶ୍ୱର ଜିଲ୍ଲାରନୀଳଗିରି ଅଞ୍ଚଳରେ ପ...
ବିରାଟ କୋହଲିଙ୍କ ବ୍ୟାଟ୍ରୁ ଆଉ ଏକ ବଡ଼ ରେକର୍ଡର ଅପେକ୍ଷା...
ଟିମ୍ ଇଣ୍ଡିଆର ଷ୍ଟାର୍ ଅଲରାଉଣ୍ଡରହାର୍ଦ୍ଦିକ ପାଣ୍ଡ୍ୟାଙ୍କ...
ଟୋକିଓ/ବେଜିଂ:ଜାପାନର ଦକ୍ଷିଣ ଓକିନାୱା ପ୍ରାନ୍ତରେ ଶନିବାର...
ଓଡ଼ିଶାରେ ପୁଣି ଏକ ବର୍ଷା ପର୍ଯ୍ୟାୟ ଆସିବାର ସମ୍ଭାବନା ରହ...
ନାଇଜେରିଆର ଲାଗୋସ୍‌ରେ ଆୟୋଜିତ ୨୩ ବର୍ଷରୁ କମ୍&zwnj...
କୋରାପୁଟସ୍ଥିତ କେନ୍ଦ୍ରୀୟ ଓଡ଼ିଶା ବିଶ୍ୱବିଦ୍ୟାଳୟ (CUO)ର...
ଆଇପିଏଲ୍‌ ୨୦୨୭ ନିଲାମକୁ ଆହୁରି କିଛି ମାସ ବାକି ଥିବ...
