ସାଇବର ଠକମାନେ ଏବେ ସୋସିଆଲ ମିଡିଆ ପ୍ଲାଟଫର୍ମ ‘X’ (ପୂର୍ବତନ ଟ୍ୱିଟର) ବ୍ୟବହାରକାରୀଙ୍କୁ ଟାର୍ଗେଟ୍ କରୁଛନ୍ତି। ଫେକ୍ ଇ-ମେଲ ଏବଂ ମେସେଜ୍ ଜରିଆରେ ଲୋକଙ୍କ ଆକାଉଣ୍ଟ ହ୍ୟାକ୍ କରିବା ସହ ସେମାନଙ୍କ ବ୍ୟକ୍ତିଗତ ଏବଂ ବ୍ୟାଙ୍କିଙ୍ଗ୍ ସମ୍ବନ୍ଧୀୟ ତଥ୍ୟ ଚୋରି କରିବାର ଉଦ୍ୟମ କରାଯାଉଛି।
ଠକମାନେ ପ୍ରଥମେ ବ୍ୟବହାରକାରୀଙ୍କୁ ଏକ ମେସେଜ୍ ପଠାଇ ତାଙ୍କର ‘X’ ଆକାଉଣ୍ଟ ଅନ୍ୟ କୌଣସି ଡିଭାଇସରେ ଲଗଇନ୍ ହୋଇଥିବା ଦାବି କରୁଛନ୍ତି। ଏହି ମେସେଜ୍ରେ ଆକାଉଣ୍ଟକୁ ସୁରକ୍ଷିତ କରିବା ପାଇଁ ଏକ ଲିଙ୍କ ମଧ୍ୟ ଦିଆଯାଉଛି। ଭୟଭୀତ ହୋଇ ଅନେକ ବ୍ୟବହାରକାରୀ ସେହି ଲିଙ୍କରେ କ୍ଲିକ୍ କରିଦେଉଛନ୍ତି।
ସାଇବର ବିଶେଷଜ୍ଞଙ୍କ ମତାନୁସାରେ, ଏହି ଲିଙ୍କଗୁଡ଼ିକ ସମ୍ପୂର୍ଣ୍ଣ ଫର୍ଜି। ଏଥିରେ କ୍ଲିକ୍ କରିବା ମାତ୍ରେ ଠକମାନେ ବ୍ୟବହାରକାରୀଙ୍କ ଲଗଇନ୍ ସୂଚନା ହାସଲ କରିନେଉଛନ୍ତି। ଫଳରେ ସେମାନେ ‘X’ ଆକାଉଣ୍ଟକୁ ନିଜ କବଜାକୁ ନେବା ସହ ସ୍ମାର୍ଟଫୋନ୍ରେ ଥିବା ଅନ୍ୟ ତଥ୍ୟ ଏବଂ ବ୍ୟାଙ୍କ ଖାତାକୁ ମଧ୍ୟ ଟାର୍ଗେଟ୍ କରିପାରନ୍ତି।
ବିଦେଶରେ ଏଭଳି ଅନେକ ସାଇବର ଠକେଇ ଘଟଣା ସାମ୍ନାକୁ ଆସିଥିବା ବେଳେ, ଭାରତୀୟ ବ୍ୟବହାରକାରୀମାନଙ୍କୁ ମଧ୍ୟ ସତର୍କ ରହିବାକୁ ପରାମର୍ଶ ଦିଆଯାଇଛି। ବିଶେଷ କରି ଅଜଣା ଲିଙ୍କରେ କ୍ଲିକ୍ ନକରିବା, ଇ-ମେଲର ପ୍ରେରକଙ୍କ ଠିକଣା ଯାଞ୍ଚ କରିବା ଏବଂ ଦୁଇ-ସ୍ତରୀୟ ସୁରକ୍ଷା ବ୍ୟବସ୍ଥା (Two-Factor Authentication) ବ୍ୟବହାର କରିବା ଜରୁରୀ।
କେମିତି ରହିବେ ସୁରକ୍ଷିତ ?
ସାଇବର ଠକଙ୍କ ଏଭଳି ନୂଆ କୌଶଳରୁ ବଞ୍ଚିବା ପାଇଁ ସଚେତନତା ହିଁ ସବୁଠାରୁ ବଡ଼ ସୁରକ୍ଷା କବଚ ବୋଲି ବିଶେଷଜ୍ଞମାନେ କହିଛନ୍ତି।
ବଲିଉଡ୍‌ର ବହୁ ପ୍ରତୀକ୍ଷିତ ଫିଲ୍ମ ‘ରାମାୟଣ:...
ସକାଳୁ ଦାନ୍ତ ଘଷିବା ବେଳେ ଅସାବଧାନତା ଯୋଗୁଁ ଜଣେ ବ୍ୟକ୍ତି...
ନୂଆଦିଲ୍ଲୀ: ଆଜିକାଲି ଅଧିକାଂଶ ଲୋକ ଅସୁସ୍ଥ ହେଲେ ହିଁ ଡାକ...
ନିତେଶ ତିୱାରୀଙ୍କ ବହୁଚର୍ଚ୍ଚିତ ଫିଲ୍ମ ‘ରାମାୟଣ: ର...
ଦେଶରେ ବଢ଼ୁଥିବା ତାପମାତ୍ରା ଏବେ କେବଳ ସାଧାରଣ ଜନଜୀବନକୁ...
ଭାରତରେ ଡେଙ୍ଗୁ ରୋଗର ମୁକାବିଲା ପାଇଁ ଏକ ନୂଆ ଆଶା ସୃଷ୍ଟି...
ବହୁ ପ୍ରତୀକ୍ଷାର ଅନ୍ତ ଘଟାଇ ନଭେମ୍ବର ୫ ତାରିଖରେ ପରଦାକୁ...
ସୁପରଷ୍ଟାର ରଜନୀକାନ୍ତଙ୍କ ପ୍ରଶଂସକଙ୍କ ପାଇଁ ଖୁସି ଖବର। ବ...
