ବିଶ୍ୱ ୨୦ ବର୍ଷରୁ କମ୍ ଦୌଡ଼କୁଦ ପ୍ରତିଯୋଗିତାରେ ଭାରତୀୟ ଆଥଲେଟ୍ମାନେ ଚମତ୍କାର ପ୍ରଦର୍ଶନ କରିଛନ୍ତି। ହାଇଜମ୍ପ୍ରେ ବସନ୍ତ କୁମାର ମେଘୱାଲ ଐତିହାସିକ ରୌପ୍ୟ ପଦକ ଜିତି ଦେଶ ପାଇଁ ଗୌରବ ଆଣିଛନ୍ତି।
୧୯ ବର୍ଷୀୟ ବସନ୍ତ ୨.୨୧ ମିଟର ଉଚ୍ଚତା ଡେଇଁ ଦ୍ୱିତୀୟ ସ୍ଥାନ ହାସଲ କରିଛନ୍ତି। ଏହା ସହ ସେ ବିଶ୍ୱ U-20 ଦୌଡ଼କୁଦ ପ୍ରତିଯୋଗିତାର ହାଇଜମ୍ପ୍ରେ ପଦକ ଜିତିଥିବା ପ୍ରଥମ ଭାରତୀୟ ଆଥଲେଟ୍ ହୋଇଛନ୍ତି। ଆଲଜେରିଆର ୟୁନେସ ଆୟାଚି ସ୍ୱର୍ଣ୍ଣ ଏବଂ ଗ୍ରେଟ୍ ବ୍ରିଟେନ୍ର ଓଟିସ୍ ପୁଲେ କାଂସ୍ୟ ପଦକ ଜିତିଛନ୍ତି।
ବସନ୍ତ ପୂର୍ବତନ ଭାରତୀୟ ମହିଳା ହାଇଜମ୍ପ୍ ରେକର୍ଡଧାରୀ ସାହାନା କୁମାରୀଙ୍କଠାରୁ ପ୍ରଶିକ୍ଷଣ ନେଉଛନ୍ତି। ତାଙ୍କ ପ୍ରଶିକ୍ଷଣର ଫଳସ୍ୱରୂପ ବସନ୍ତ ନିଜର ପୂର୍ବ ବ୍ୟକ୍ତିଗତ ଶ୍ରେଷ୍ଠ ପ୍ରଦର୍ଶନଠାରୁ ୧୦ ସେଣ୍ଟିମିଟର ଅଧିକ ଉଚ୍ଚତା ଡେଇଁବାରେ ସଫଳ ହୋଇଛନ୍ତି।
ଅନ୍ୟପକ୍ଷରେ ଲଙ୍ଗ୍ଜମ୍ପ୍ରେ ମଧ୍ୟ ଭାରତକୁ ସଫଳତା ମିଳିଛି। ୧୮ ବର୍ଷୀୟ ଶାହନୱାଜ ଖାନ୍ ୭.୮୪ ମିଟର ଡେଇଁ ତୃତୀୟ ସ୍ଥାନ ହାସଲ କରି କାଂସ୍ୟ ପଦକ ଜିତିଛନ୍ତି।
ଲଙ୍ଗ୍ଜମ୍ପ୍ ଫାଇନାଲ୍ରେ ଭାରତର ଅନ୍ୟ ଆଥଲେଟ୍ ଆର୍ସି ଜିତିନ ଅର୍ଜୁନାନ୍ ୭.୫୯ ମିଟର ଡେଇଁ ଅଷ୍ଟମ ସ୍ଥାନରେ ରହିଥିଲେ। ଇଟାଲୀର ଡାନିଏଲ ଏଞ୍ଜୋଲି ୭.୯୭ ମିଟର ଡେଇଁ ସ୍ୱର୍ଣ୍ଣ ଏବଂ ଅଷ୍ଟ୍ରେଲିଆର ମାସୁନ ମ୍ୟାକ୍ଗ୍ରଡର ୭.୯୬ ମିଟର ସହ ରୌପ୍ୟ ପଦକ ଜିତିଛନ୍ତି।
ବସନ୍ତଙ୍କ ରୌପ୍ୟ ଓ ଶାହନୱାଜଙ୍କ କାଂସ୍ୟ ପଦକ ସହ ବିଶ୍ୱ U-20 ଦୌଡ଼କୁଦ ପ୍ରତିଯୋଗିତାରେ ଭାରତର ମୋଟ ପଦକ ସଂଖ୍ୟା ୩ରେ ପହଞ୍ଚିଛି। ଏହା ପୂର୍ବରୁ ଜାଭେଲିନ୍ ଥ୍ରୋରେ ଆଶିଷ ଯାଦବ ରୌପ୍ୟ ପଦକ ଜିତିଥିଲେ।
ଆମେରିକାର ମଧ୍ୟବର୍ତ୍ତୀ ନିର୍ବାଚନ ଫଳାଫଳ ପରେ ଭାରତୀୟ ସେୟ...
ବହୁ ପ୍ରତୀକ୍ଷାର ଅନ୍ତ ଘଟାଇ ନଭେମ୍ବର ୫ ତାରିଖରେ ପରଦାକୁ...
ଭୁବନେଶ୍ୱର: ବାତ୍ୟା ‘ଅର୍ଣ୍ଣବ’ ଓ ଏହା ପରେ...
ଧନତେରସ ଆସିଲେ ସୁନା କିଣିବାର ପରମ୍ପରା ଭାରତୀୟ ପରିବାରରେ...
ସୁପରଷ୍ଟାର ରଜନୀକାନ୍ତଙ୍କ ପ୍ରଶଂସକଙ୍କ ପାଇଁ ଖୁସି ଖବର। ବ...
ମହଙ୍ଗା ବିମାନ ଇନ୍ଧନ ଏବେ ଭାରତୀୟ ବିମାନ ଚଳାଚଳ କ୍ଷେତ୍ର...
ବହୁ ଦିନର ଅପେକ୍ଷା ପରେ ନଭେମ୍ବର ୫ ତାରିଖରେ ସାରା ବିଶ୍ୱର...
ଭୁବନେଶ୍ୱର: ବାତ୍ୟା ‘ଅର୍ଣ୍ଣବ’ ଓ ଏହା ପରେ...
