କେରଳର ୱାୟାନାଡ ଜିଲ୍ଲାରେ ଟନେଲ୍ ନିର୍ମାଣ ପ୍ରକଳ୍ପ ସ୍ଥଳରେ ଘଟିଥିବା ଭୟଙ୍କର ଭୂସ୍ଖଳନକୁ ନେଇ ରାଜ୍ୟ ସରକାର ବଡ଼ ବୟାନ ଦେଇଛନ୍ତି। ସରକାରଙ୍କ ମତରେ ଏହା କେବଳ ପ୍ରାକୃତିକ ବିପର୍ଯ୍ୟୟ ନୁହେଁ, ବରଂ‘ମାନବକୃତ ବିପର୍ଯ୍ୟୟ’।
ଏହି ଭୂସ୍ଖଳନ କୋଝିକୋଡ–ୱାୟାନାଡ ଟନେଲ୍ ପ୍ରକଳ୍ପର କଲ୍ଲାଡି ନିର୍ମାଣ ସ୍ଥଳରେ ଘଟିଥିଲା। ଏଥିରେ ଅନେକ ଶ୍ରମିକଙ୍କ ମୃତ୍ୟୁ ଘଟିଥିବା ବେଳେ କିଛି ଆହତ ହୋଇଛନ୍ତି ଏବଂ କେତେକ ନିଖୋଜ ଥିବାରୁ ଉଦ୍ଧାର କାର୍ଯ୍ୟ ଜାରି ରହିଛି।
କେରଳ କୃଷିମନ୍ତ୍ରୀ ଟି. ସିଦ୍ଦିକ୍ କହିଛନ୍ତି ଯେ ଜୁନ୍ ୨୦ରେ ଜିଲ୍ଲା ପ୍ରଶାସନ ଓ ରାଜ୍ୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ ଖନନରୁ ବାହାରିଥିବା ମାଟି ଓ ପଥରକୁ ତୁରନ୍ତ ହଟାଇବାକୁ ନିର୍ଦ୍ଦେଶ ଦେଇଥିଲେ। କିନ୍ତୁ ସେହି ନିର୍ଦ୍ଦେଶକୁ ପାଳନ କରାଯାଇନଥିଲା। ମାଟିକୁ ବୈଜ୍ଞାନିକ ପଦ୍ଧତିରେ ପରିଚାଳନା ନକରି ନିର୍ମାଣ ସ୍ଥଳ ନିକଟରେ ଗଦା କରି ରଖାଯାଇଥିବାରୁ ଭୂସ୍ଖଳନ ଘଟିଥିବା ସେ ଅଭିଯୋଗ କରିଛନ୍ତି।
ମନ୍ତ୍ରୀଙ୍କ କହିବା ଅନୁଯାୟୀ, ଏହା ପ୍ରାକୃତିକ ଭୂସ୍ଖଳନ ନୁହେଁ। ଖନନରୁ ବାହାରୁଥିବା ମାଟିକୁ ଅବୈଜ୍ଞାନିକ ଭାବେ ଗଦା କରି ରଖାଯିବା ହିଁ ଏହି ଦୁର୍ଘଟଣାର ପ୍ରମୁଖ କାରଣ।
ଅନ୍ୟପଟେ କେରଳ ମୁଖ୍ୟମନ୍ତ୍ରୀ ଭି.ଡି. ସତୀଶନ ମଧ୍ୟ ଠିକା ସଂସ୍ଥାର ଅବହେଳାକୁ ଦାୟୀ କରିଛନ୍ତି। ତାଙ୍କ କହିବା ଅନୁସାରେ, ଜିଲ୍ଲା ପ୍ରଶାସନ ପକ୍ଷରୁ ବାରମ୍ବାର ସତର୍କ କରାଯାଇଥିଲେ ମଧ୍ୟ ନିର୍ମାଣ ସଂସ୍ଥା ସେଥିପାଇଁ ଗୁରୁତ୍ୱ ଦେଇନଥିଲା।
ତେବେ ଟନେଲ୍ ନିର୍ମାଣ କରୁଥିବାଦିଲୀପ ବିଲ୍ଡକନ୍କମ୍ପାନୀ ସମସ୍ତ ଅଭିଯୋଗକୁ ଖଣ୍ଡନ କରିଛି। କମ୍ପାନୀର କହିବା ଅନୁଯାୟୀ, ଘଟଣା ଦିନ ୱାୟାନାଡରେ ୨୪ ଘଣ୍ଟା ମଧ୍ୟରେ ସାଧାରଣ ଜୁଲାଇ ଦିନ ତୁଳନାରେ ୯ରୁ ୧୦ ଗୁଣ ଅଧିକ ବର୍ଷା ହୋଇଥିଲା। ଏହି ଅସ୍ୱାଭାବିକ ବର୍ଷା ଯୋଗୁଁ ଭୂସ୍ଖଳନ ଘଟିଥିବା କମ୍ପାନୀ ଦାବି କରିଛି।
କମ୍ପାନୀ ଆହୁରି କହିଛି ଯେ ପ୍ରକଳ୍ପଟି ସୁପ୍ରିମକୋର୍ଟ ନିଯୁକ୍ତ କେନ୍ଦ୍ରୀୟ ସଶକ୍ତ କମିଟିଙ୍କ ତତ୍ତ୍ୱାବଧାନରେ ଚାଲୁଥିଲା। ତେଣୁ ଏହାକୁ ‘ମାନବକୃତ ବିପର୍ଯ୍ୟୟ’ ବୋଲି କହିବା ଠିକ୍ ନୁହେଁ ବୋଲି କମ୍ପାନୀ ମତ ରଖିଛି।
ଏହି ଘଟଣା ପୁଣିଥରେ ୨୦୨୪ ମସିହାର ୱାୟାନାଡ ଭୂସ୍ଖଳନକୁ ମନେ ପକାଇଛି, ଯେଉଁଥିରେ ଶହ ଶହ ଲୋକଙ୍କ ମୃତ୍ୟୁ ଘଟିଥିଲା। ବର୍ତ୍ତମାନ ଉଦ୍ଧାର କାର୍ଯ୍ୟ ସହ ଘଟଣାର ପ୍ରକୃତ କାରଣ ଓ ଦାୟୀ ବ୍ୟକ୍ତିଙ୍କୁ ଚିହ୍ନଟ କରିବା ପାଇଁ ତଦନ୍ତ ଜାରି ରହିଛି।
ଜୟପୁରରେ ଆୟୋଜିତ ନ୍ୟାସନାଲ୍ ୟୁଥ୍ ପାର୍ଲାମେଣ୍ଟ-୨୦୨୬ରେ ଜ...
ଆମେରିକାର ରାଷ୍ଟ୍ରପତିଡୋନାଲ୍ଡ ଟ୍ରମ୍ପଏବଂ ଇଟାଲୀର ପ୍ରଧାନ...
ଆନ୍ଧ୍ରପ୍ରଦେଶର ଜଣାଶୁଣା ୟୁଟ୍ୟୁବରବାଚାଲାକୁରୀ ଜୋସେଫ୍, ଯ...
‘ଓଏମଜି ୨’ର ସଫଳତା ପରେ ନିର୍ଦ୍ଦେଶକ ଅମିତ ର...
ରାଜ୍ୟରେ ଆଡଭେଞ୍ଚର ପର୍ଯ୍ୟଟନର ବିକାଶକୁ ଆହୁରି ଗତି ଦେବା...
ବଲିଉଡ୍ ସୁପରଷ୍ଟାର ଆମିର ଖାନ ସମ୍ପ୍ରତି ତାଙ୍କ ଦୀର୍ଘଦିନର...
ମଧ୍ୟପ୍ରାଚ୍ୟରେ ବଢୁଥିବା ଆଞ୍ଚଳିକ ଉତ୍ତେଜନା ମଧ୍ୟରେ ଇରାନ...
ଗ୍ରାମୀଣ ବିକଶିତ ଭାରତ ନିଶ୍ଚିତ ରୋଜଗାର ଏବଂ ଆଜିବିକା ମିଶ...
ଭାରତୀୟ କ୍ରିକେଟର ଅନ୍ୟତମ ସଫଳ ଅଧିନାୟକ ସୌରଭ ଗାଙ୍ଗୁଲିଙ୍...
ଓଡ଼ିଶାର ପାରମ୍ପରିକ ଖାଦ୍ୟ ପଖାଳକୁ ବିଶ୍ୱସ୍ତରରେ ପରିଚିତ...
