ଆମେରିକାର ପ୍ରମୁଖ କମ୍ପାନୀ Berkshire Hathawayରେ ନେତୃତ୍ୱ ପରିବର୍ତ୍ତନର ଆଉ ଏକ ବଡ଼ ପଦକ୍ଷେପ ନିଆଯାଇଛି। କମ୍ପାନୀର ଦୀର୍ଘଦିନର ଚେୟାରମ୍ୟାନ୍ ୱାରେନ୍ ବଫେଟ୍ ଏବେ‘ଚେୟାରମ୍ୟାନ୍ ଏମେରିଟସ୍’ଭାବେ ଦାୟିତ୍ୱ ନେଇଛନ୍ତି। Berkshire Hathaway ୧୮ ସେପ୍ଟେମ୍ବର ୨୦୨୬ରେ ଏହି ଘୋଷଣା କରିଛି।

କମ୍ପାନୀର ବୋର୍ଡ ତାଙ୍କ ପୁଅହାୱାର୍ଡ ଜି. ବଫେଟ୍ଙ୍କୁ ନୂଆ ଚେୟାରମ୍ୟାନ୍ ଭାବେ ନିର୍ବାଚିତ କରିଛି। ହାୱାର୍ଡ ୧୯୯୩ରୁ Berkshire Hathawayର ନିର୍ଦ୍ଦେଶକ ଭାବେ କାମ କରୁଛନ୍ତି। ତାଙ୍କ ନୂଆ ଭୂମିକା ମୁଖ୍ୟତଃ କମ୍ପାନୀର ସଂସ୍କୃତି ଓ ମୂଲ୍ୟବୋଧକୁ ରକ୍ଷା କରିବା ସହିତ ଜଡିତ ରହିବ।

ୱାରେନ୍ ବଫେଟ୍ Berkshireର ବୋର୍ଡରେ ନିର୍ଦ୍ଦେଶକ ଭାବେ ରହିବେ। କମ୍ପାନୀ କହିଛି ଯେ ସେ ନିଜର ଅଭିଜ୍ଞତା, ବିଚାର ଓ ଦୃଷ୍ଟିକୋଣ ମାଧ୍ୟମରେ କମ୍ପାନୀକୁ ପରାମର୍ଶ ଦେଇ ଚାଲିବେ।

ୱାରେନ୍ ବଫେଟ୍ ୧୯୬୫ରେ ଏକ ସଂଘର୍ଷରତ ଟେକ୍ସଟାଇଲ୍ କମ୍ପାନୀ ଭାବେ ଥିବା Berkshire Hathawayକୁ ଧୀରେ ଧୀରେ ଏକ ବିଶାଳ ବ୍ୟବସାୟିକ ଓ ନିବେଶ ସାମ୍ରାଜ୍ୟରେ ପରିଣତ କରିଥିଲେ। ଆଜି ଏହାର ମୂଲ୍ୟ ପ୍ରାୟ୧.୧ ଟ୍ରିଲିୟନ୍ ଡଲାରବୋଲି Reuters ରିପୋର୍ଟ କରିଛି।

୨୦୨୬ ଆରମ୍ଭରେ ୱାରେନ୍ ବଫେଟ୍ CEO ପଦରୁ ହଟିଥିଲେ ଏବଂ ତାଙ୍କ ଦୀର୍ଘଦିନର ସହଯୋଗୀGreg AbelCEO ଦାୟିତ୍ୱ ନେଇଥିଲେ। ଏବେ ଚେୟାରମ୍ୟାନ୍ ପଦରେ ମଧ୍ୟ ପରିବର୍ତ୍ତନ ହେବା ସହିତ Berkshireର ଦୀର୍ଘକାଳୀନ succession plan ଆଉ ଏକ ପର୍ଯ୍ୟାୟକୁ ପହଞ୍ଚିଛି।

Berkshire Hathawayର CEO Greg Abel କହିଛନ୍ତି ଯେ ୱାରେନ୍ ବଫେଟ୍ ଗଢ଼ିଥିବା କମ୍ପାନୀର ସଂସ୍କୃତି ଓ ମୂଲ୍ୟବୋଧ Berkshireର କେନ୍ଦ୍ରରେ ରହିବ ଏବଂ ହାୱାର୍ଡ ବଫେଟ୍ ସେଗୁଡ଼ିକର ସୁରକ୍ଷା କରିବେ।