ମୁମ୍ବାଇ:କ୍ରିକେଟ୍ ଓ ସିନେମା ଜଗତର ଚର୍ଚ୍ଚିତ ଦମ୍ପତି ବିରାଟ କୋହଲି ଓ ଅନୁଷ୍କା ଶର୍ମା ଏବେ ଆଧ୍ୟାତ୍ମିକ ସଙ୍ଗୀତକୁ ନେଇ ଚର୍ଚ୍ଚାରେ। ମୁମ୍ବାଇରେ ଆୟୋଜିତ ଆମେରିକୀୟ ଭକ୍ତି ସଙ୍ଗୀତ ଗାୟକକୃଷ୍ଣ ଦାସଙ୍କ ଲାଇଭ୍ କୀର୍ତ୍ତନକାର୍ଯ୍ୟକ୍ରମରେ ଉଭୟ ଯୋଗ ଦେଇଥିଲେ।

ସୋସିଆଲ୍ ମିଡିଆରେ ଆସିଥିବା ଭିଡିଓରେ ବିରାଟ ଓ ଅନୁଷ୍କାଙ୍କୁ ପାଖାପାଖି ବସି କୀର୍ତ୍ତନ ଶୁଣିବା ସହ ଭକ୍ତି ସଙ୍ଗୀତର ତାଳେ ତାଳେ ଝୁମୁଥିବା ଦେଖିବାକୁ ମିଳିଛି। କିଛି ସମୟ ପାଇଁ ଉଭୟ କ୍ୟାମେରା ଆଡ଼କୁ ମଧ୍ୟ ଚାହିଁଥିଲେ। ଏହି ଶାନ୍ତ ଓ ସରଳ ମୁହୂର୍ତ୍ତର ଭିଡିଓ ପ୍ରଶଂସକଙ୍କ ମଧ୍ୟରେ ଖୁବ୍ ପସନ୍ଦ କରାଯାଉଛି।

କିଏ ଏହି କୃଷ୍ଣ ଦାସ?

କୃଷ୍ଣ ଦାସ ଜଣେ ଆମେରିକୀୟ ଭକ୍ତି ସଙ୍ଗୀତ ଗାୟକ। ଭାରତୀୟ ମନ୍ତ୍ର, ଭଜନ ଓ କୀର୍ତ୍ତନକୁ ପାଶ୍ଚାତ୍ୟ ସଙ୍ଗୀତ ଶୈଳୀ ସହ ମିଶାଇ ପରିବେଷଣ କରିବା ପାଇଁ ସେ ପରିଚିତ। ତାଙ୍କ କୀର୍ତ୍ତନ କାର୍ଯ୍ୟକ୍ରମ ବିଶ୍ୱର ବିଭିନ୍ନ ସ୍ଥାନରେ ଆୟୋଜିତ ହୋଇଥାଏ।

ଆଧ୍ୟାତ୍ମିକତା ପ୍ରତି ବିରାଟ-ଅନୁଷ୍କାଙ୍କ ଆଗ୍ରହ

ବିରାଟ ଓ ଅନୁଷ୍କାଙ୍କ ଆଧ୍ୟାତ୍ମିକତା ପ୍ରତି ଆଗ୍ରହ ନେଇ ପୂର୍ବରୁ ମଧ୍ୟ ଚର୍ଚ୍ଚା ହୋଇଛି। ରିପୋର୍ଟ ଅନୁସାରେ, ୨୦୨୬ ଜୁଲାଇରେ ଲଣ୍ଡନର ୟୁନିଅନ୍ ଚାପେଲ୍ରେ ଆୟୋଜିତ କୃଷ୍ଣ ଦାସଙ୍କ ଏକ କାର୍ଯ୍ୟକ୍ରମରେ ମଧ୍ୟ ଏହି ଦମ୍ପତି ଉପସ୍ଥିତ ଥିଲେ।

ନୀମ୍ କରୋଲି ବାବାଙ୍କ ଶିକ୍ଷା ଓ ଆଧ୍ୟାତ୍ମିକ ଚିନ୍ତାଧାରା ପ୍ରତି ମଧ୍ୟ ଏହି ଦମ୍ପତିଙ୍କ ଆଗ୍ରହ ଥିବା ନେଇ ପୂର୍ବରୁ ଖବର ପ୍ରକାଶ ପାଇଛି। ଏବେ କୃଷ୍ଣ ଦାସଙ୍କ କୀର୍ତ୍ତନରେ ଉଭୟଙ୍କ ଉପସ୍ଥିତି ପୁଣିଥରେ ସେମାନଙ୍କ ଆଧ୍ୟାତ୍ମିକ ରୁଚିକୁ ଚର୍ଚ୍ଚାକୁ ଆଣିଛି।