ଉତ୍ତର ପ୍ରଦେଶରେ ଏକ ଚାଞ୍ଚଲ୍ୟକର ହତ୍ୟା ମାମଲା ସାମ୍ନାକୁ ଆସିଛି। ଜଣେ ମହିଳା ନିଜ ପ୍ରେମିକଙ୍କ ସହ ମିଶି ସ୍ୱାମୀଙ୍କୁ ବିଷଧର ସାପ କାମୁଡ଼ାଇ ହତ୍ୟା କରିଥିବା ଅଭିଯୋଗରେ ପୋଲିସ ସ୍ତ୍ରୀ, ତାଙ୍କ ପ୍ରେମିକ ଏବଂ ଅନ୍ୟ ଦୁଇଜଣଙ୍କୁ ଗିରଫ କରିଛି।
ମୃତକଙ୍କ ପରିଚୟଅତୁଲ ପାୱାରଭାବେ ହୋଇଥିବାବେଳେ ପ୍ରମୁଖ ଅଭିଯୁକ୍ତ ହେଲେ ତାଙ୍କ ସ୍ତ୍ରୀଦାମିନୀ ପାୱାରଓ ତାଙ୍କ ପ୍ରେମିକତୁଷାର।
ପୋଲିସର ସୂଚନା ଅନୁସାରେ, ଦାମିନୀ ଓ ତୁଷାରଙ୍କ ମଧ୍ୟରେ ପ୍ରେମ ସମ୍ପର୍କ ଥିଲା। ସ୍ୱାମୀ ଅତୁଲ ସେମାନଙ୍କ ସମ୍ପର୍କରେ ବାଧକ ସାଜିଥିବାରୁ ତାଙ୍କୁ ହତ୍ୟା କରିବାକୁ ଯୋଜନା କରାଯାଇଥିଲା।
ସମ୍ପ୍ରତି ଅତୁଲଙ୍କ ନାମରେ୨୦ ଲକ୍ଷ ଟଙ୍କାର ଜୀବନ ବୀମାକରାଯାଇଥିଲା। ବୀମା ଟଙ୍କା ହାସଲ କରିବା, ତୁଷାରଙ୍କୁ ନିଜ ସ୍ତ୍ରୀଙ୍କଠାରୁ ଛାଡ଼ପତ୍ର ଦେଇ ପରେ ଦୁହେଁ ବିବାହ କରିବା ପାଇଁ ଏହି ହତ୍ୟା ଯୋଜନା କରାଯାଇଥିବା ଅଭିଯୋଗ ହୋଇଛି।
ତଦନ୍ତ ଅନୁସାରେ, ଦାମିନୀ ପ୍ରଥମେ ସ୍ୱାମୀଙ୍କୁ ଶୋଇବା ଔଷଧ ଖୁଆଇଥିଲେ। ସେ ଗଭୀର ନିଦ୍ରାରେ ଥିବା ବେଳେ ସାପ ଧରାଳିଙ୍କଠାରୁ ଆଣିଥିବା ଏକ ବିଷଧର ସାପକୁ ତାଙ୍କ ଉପରେ ଛାଡ଼ି ଦେଇଥିଲେ।
ଘଟଣାକୁ ସ୍ୱାଭାବିକ ସାପ କାମୁଡ଼ା ମୃତ୍ୟୁ ଭାବେ ଦେଖାଇବା ପାଇଁ ସେ ନିଜ ସନ୍ତାନକୁ ଅନ୍ୟ ଘରେ ଶୁଆଇଥିଲେ। ପରଦିନ ସକାଳେ ଘଟଣାକୁ ଦୁର୍ଘଟଣା ବୋଲି ଦର୍ଶାଇବାକୁ ଚେଷ୍ଟା କରିଥିଲେ।
ପୋଲିସ କହିଛି ଯେ, ଏହା ପ୍ରଥମ ହତ୍ୟା ଉଦ୍ୟମ ନଥିଲା। ମେରଠର ଏସଏସପି ଅବିନାଶ ପାଣ୍ଡେଙ୍କ କହିବା ଅନୁସାରେ, ସାପ କାମୁଡ଼ା ଘଟଣାର ଗୋଟିଏ ଦିନ ପୂର୍ବରୁ ଅଭିଯୁକ୍ତମାନେ ଅତୁଲଙ୍କ ଚାରିଚକିଆ ଗାଡ଼ିକୁ ଧକ୍କା ଦେଇ ତାଙ୍କୁ ହତ୍ୟା କରିବାକୁ ଚେଷ୍ଟା କରିଥିଲେ।
ଅତୁଲ ଏହି ଘଟଣାରେ ଅଭିଯୋଗ କରିବାକୁ ଚାହିଁଥିଲେ, କିନ୍ତୁ ଦାମିନୀ ତାଙ୍କୁ ଅଭିଯୋଗ ନ କରିବାକୁ ବୁଝାଇଥିଲେ।
ପୋଲିସ ଘଟଣାରେ ବ୍ୟବହୃତ ସାପକୁ ଜବତ କରି ପରୀକ୍ଷା ପାଇଁ ପଠାଇଛି। ମୋବାଇଲ ଫୋନ ଏବଂ ଡିଜିଟାଲ ସର୍ଭିଲାନ୍ସରୁ ସଂଗ୍ରହ କରାଯାଇଥିବା ପ୍ରମାଣକୁ ମଧ୍ୟ ଫରେନସିକ୍ ବିଶେଷଜ୍ଞଙ୍କ ନିକଟକୁ ପଠାଯାଇଛି। ତଦନ୍ତ ଜାରି ରହିଥିବା ବେଳେ ପୋଲିସ ଅଧିକ ତଥ୍ୟ ସଂଗ୍ରହ କରୁଛି।
ମୟୂରଭଞ୍ଜ:ମୟୂରଭଞ୍ଜ ଜିଲ୍ଲାରେ ଆଜି ସମସ୍ତ ସ୍କୁଲ ବନ୍ଦ ରହ...
ଆବୁଧାବି:ଓଡ଼ିଶାରେ ବୃହତ୍ ନିବେଶ ଆଣିବା ଲକ୍ଷ୍ୟରେ ୟୁଏଇ ଗ...
ଭଦ୍ରକ: ଭଦ୍ରକ ଜିଲ୍ଲା ବାସୁଦେବପୁର ମୁଖ୍ୟ ବଜାରରେ ବୁଧବାର...
ମୟୂରଭଞ୍ଜ: ଜାତୀୟ ରାଜପଥ ନା ମୃତ୍ୟୁପଥ? NH-18ର କଳମାରୁ ବ...
