ଭୁବନେଶ୍ୱରସ୍ଥିତ ଓଡ଼ିଶାର ଅନ୍ୟତମ ପ୍ରମୁଖ ଉଚ୍ଚଶିକ୍ଷା ଅନୁଷ୍ଠାନ ଉତ୍କଳ ବିଶ୍ୱବିଦ୍ୟାଳୟରେ ଦେଖାଦେଇଛି ବଡ଼ ଅଧ୍ୟାପକ ସଙ୍କଟ। ବିଶ୍ୱବିଦ୍ୟାଳୟରେ ମଞ୍ଜୁରୀପ୍ରାପ୍ତ ଅଧ୍ୟାପକ ପଦର ୫୭ ପ୍ରତିଶତରୁ ଅଧିକ ଖାଲି ପଡ଼ିଥିବା ଜଣାପଡ଼ିଛି। ଫଳରେ ନିୟମିତ ଅଧ୍ୟାପକଙ୍କ ବଦଳରେ ଅତିଥି ଅଧ୍ୟାପକଙ୍କ ଭରସାରେ ଚାଲିଛି ବିଶ୍ୱବିଦ୍ୟାଳୟର ପାଠପଢ଼ା।
ବିଧାନସଭାରେ ଏକ ପ୍ରଶ୍ନର ଉତ୍ତର ଦେଇ ଉଚ୍ଚଶିକ୍ଷା ମନ୍ତ୍ରୀ ସୂର୍ଯ୍ୟବଂଶୀ ସୂରଜ ଏହି ତଥ୍ୟ ପ୍ରଦାନ କରିଛନ୍ତି। ମନ୍ତ୍ରୀଙ୍କ ସୂଚନା ଅନୁଯାୟୀ, ଉତ୍କଳ ବିଶ୍ୱବିଦ୍ୟାଳୟରେ ମୋଟ ୨୪୪ଟି ଅଧ୍ୟାପକ ପଦ ମଞ୍ଜୁରୀପ୍ରାପ୍ତ ହୋଇଛି। କିନ୍ତୁ ସେଥିମଧ୍ୟରୁ ମାତ୍ର ୧୦୩ଟି ପଦରେ ଅଧ୍ୟାପକ କାର୍ଯ୍ୟରତ ଥିବାବେଳେ ୧୪୧ଟି ପଦ ଖାଲି ରହିଛି।
ବିଜନେସ୍ ଆଡମିନିଷ୍ଟ୍ରେସନ୍ ବିଭାଗରେ ସର୍ବାଧିକ ଖାଲି ପଦ
ବିଭାଗୱାରୀ ତଥ୍ୟ ଅନୁଯାୟୀ, ବିଜନେସ୍ ଆଡମିନିଷ୍ଟ୍ରେସନ୍ ବିଭାଗରେ ସର୍ବାଧିକ ୧୧ଟି ଅଧ୍ୟାପକ ପଦ ଖାଲି ପଡ଼ିଛି। ସେହିପରି ସାଇକୋଲୋଜି ବିଭାଗରେ ୧୦ଟି, କମର୍ସ ବିଭାଗରେ ୯ଟି ଏବଂ ଫିଜିକ୍ସ ବିଭାଗରେ ୮ଟି ପଦ ଖାଲି ରହିଛି।
ଅନ୍ୟ ବିଭାଗଗୁଡ଼ିକର ସ୍ଥିତି ମଧ୍ୟ ଚିନ୍ତାଜନକ। ବଟାନି ବିଭାଗରେ ୭ଟି ପଦ ଖାଲି ଥିବାବେଳେ କେମିଷ୍ଟ୍ରି, ଗଣିତ ଓ ଓଡ଼ିଆ ବିଭାଗରେ ୬ଟି ଲେଖାଏଁ ପଦ ଖାଲି ରହିଛି। ଇଂରାଜୀ, ଭୂଗୋଳ ଓ ରାଜନୀତି ବିଜ୍ଞାନ ବିଭାଗରେ ୫ଟି ଲେଖାଏଁ ଅଧ୍ୟାପକ ପଦ ପୂରଣ ହୋଇନାହିଁ।
ଆହୁରି ପଢନ୍ତୁ: ‘ସବୁଠାରୁ ବଡ଼ ରୋଗ ସରକାରୀ ଚାକିରି ମୋହ!’ ଯୁବପିଢ଼ିଙ୍କୁ HR ବିଶେଷଜ୍ଞଙ୍କ କଡ଼ା ପରାମର୍ଶ
ଲାଇବ୍ରେରୀ ବିଭାଗରେ ଜଣେ ବି ନିୟମିତ ଅଧ୍ୟାପକ ନାହାନ୍ତି
ଲାଇବ୍ରେରୀ ଆଣ୍ଡ ଇନଫରମେସନ୍ ସାଇନ୍ସ ବିଭାଗରେ ମୋଟ ୪ଟି ଅଧ୍ୟାପକ ପଦ ମଞ୍ଜୁରୀପ୍ରାପ୍ତ ହୋଇଥିବାବେଳେ ସେଥିରୁ ଗୋଟିଏ ମଧ୍ୟ ପୂରଣ ହୋଇନାହିଁ। ଅର୍ଥାତ୍ ଏହି ବିଭାଗରେ ସମସ୍ତ ୪ଟି ପଦ ଖାଲି ପଡ଼ିଛି।
ଅତିଥି ଅଧ୍ୟାପକଙ୍କ ଭରସାରେ ପାଠପଢ଼ା
ବିଧାନସଭାରେ ମନ୍ତ୍ରୀ କହିଛନ୍ତି ଯେ, ଖାଲି ଥିବା ଅଧ୍ୟାପକ ପଦ ବିପକ୍ଷରେ ଅତିଥି ଅଧ୍ୟାପକଙ୍କୁ ନିୟୋଜିତ କରାଯାଇଛି। ଯାହାଦ୍ୱାରା ପାଠପଢ଼ା ଯେପରି ବାଧାପ୍ରାପ୍ତ ନହୁଏ, ସେଥିପ୍ରତି ଧ୍ୟାନ ଦିଆଯାଉଛି।
ଏଥିସହ ଖାଲି ପଡ଼ିଥିବା ନିୟମିତ ଅଧ୍ୟାପକ ପଦଗୁଡ଼ିକ ପୂରଣ କରିବା ପାଇଁ ନିଯୁକ୍ତି ପ୍ରକ୍ରିୟା ଚାଲିଥିବା ମଧ୍ୟ ମନ୍ତ୍ରୀ ବିଧାନସଭାରେ ସୂଚନା ଦେଇଛନ୍ତି।
ଉତ୍କଳ ବିଶ୍ୱବିଦ୍ୟାଳୟ ଭଳି ଏକ ପ୍ରମୁଖ ଶିକ୍ଷାନୁଷ୍ଠାନରେ ପ୍ରାୟ ପାଞ୍ଚରୁ ତିନି ଭାଗ ଅଧ୍ୟାପକ ପଦ ଖାଲି ରହିବା ଉଚ୍ଚଶିକ୍ଷା ବ୍ୟବସ୍ଥାରେ ନିୟମିତ ଅଧ୍ୟାପକ ନିଯୁକ୍ତିର ଆବଶ୍ୟକତାକୁ ପୁଣି ସାମ୍ନାକୁ ଆଣିଛି।
ଆହୁରି ପଢନ୍ତୁ: ପୁରୀରେ ପବିତ୍ର ପଞ୍ଚୁକ ଆରମ୍ଭ, ଶ୍ରୀମନ୍ଦିର ସୁରକ୍ଷାରେ ୩୦ ପ୍ଲାଟୁନ୍ ପୋଲିସ ମୁତୟନ
ମହାରାଷ୍ଟ୍ର ମହିଳା କଂଗ୍ରେସର ନୂଆ ଅଧ୍ୟକ୍ଷା ଭାବେ ଦାୟିତ୍...
ରାଜସ୍ଥାନର ପଞ୍ଚାୟତ ନିର୍ବାଚନ ଫଳାଫଳ ରାଜ୍ୟର ରାଜନୈତିକ ମ...
ଆମେରିକା, ଚୀନ୍‌ ଓ ରୁଷ୍‌ର ଶୀର୍ଷ ନେତାଙ୍କ ଏକ...
ଜୟପୁର: ରାଜସ୍ଥାନରେ ହେବାକୁ ଥିବା ଜାତୀୟ ସାଂସ୍କୃତିକ ଓ ବ...
ବୟସ ମାତ୍ର ୨୦ ବର୍ଷ। କିନ୍ତୁ ସ୍ୱପ୍ନ ବେଶ୍ ବଡ଼। ଏସିଆର ସ...
CSIR-UGC NET ଡିସେମ୍ବର ୨୦୨୬ ପରୀକ୍ଷାକୁ ଅପେକ୍ଷା କରିଥି...
ଆମେରିକା ରାଜନୀତିରେ ୨୦୨୮ ରାଷ୍ଟ୍ରପତି ନିର୍ବାଚନକୁ ନେଇ ଏ...
ଭାରତରେ ଅନେକ ଯୁବକଯୁବତୀଙ୍କ ସ୍ୱପ୍ନ ହେଉଛି ସରକାରୀ ଚାକିର...