ନୂଆଦିଲ୍ଲୀ: ଶାନ୍ତି, ସ୍ୱାଧୀନତା ଓ ବିକାଶକୁ ପରସ୍ପରଠାରୁ ଅଲଗା କରି ଦେଖିହେବ ନାହିଁ। ଏହି ତିନୋଟି ଆଦର୍ଶକୁ ନିଜ ଜୀବନ ଓ ରାଜନୈତିକ ଚିନ୍ତାଧାରାରେ ଗୁରୁତ୍ୱ ଦେଇଥିଲେ ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ। ଦିଲ୍ଲୀରେ ଆୟୋଜିତ ୨୦୨୫ ମସିହାର ଇନ୍ଦିରା ଗାନ୍ଧୀ ଶାନ୍ତି, ନିରସ୍ତ୍ରୀକରଣ ଓ ବିକାଶ ପୁରସ୍କାର କାର୍ଯ୍ୟକ୍ରମରେ ଏଭଳି କହିଛନ୍ତି କଂଗ୍ରେସ ସଂସଦୀୟ ଦଳର ଅଧ୍ୟକ୍ଷା ସୋନିଆ ଗାନ୍ଧୀ।
ସୋନିଆ କହିଛନ୍ତି ଯେ, ଇନ୍ଦିରା ଗାନ୍ଧୀଙ୍କ ପାଇଁ ପ୍ରକୃତ ବିକାଶର ଅର୍ଥ ଥିଲା ଲୋକଙ୍କ ମର୍ଯ୍ୟାଦା, ସୁଖସମୃଦ୍ଧି ଓ ଉନ୍ନତ ଜୀବନ। ବିଶେଷକରି ସମାଜର ଅବହେଳିତ ଓ ଦୁର୍ବଳ ବର୍ଗଙ୍କ ଜୀବନରେ ସକାରାତ୍ମକ ପରିବର୍ତ୍ତନ ଆଣିବାକୁ ସେ ଗୁରୁତ୍ୱ ଦେଉଥିଲେ। ତାଙ୍କ ମତରେ, ରାଜନୈତିକ ସ୍ୱାଧୀନତା ସେତେବେଳେ ଅର୍ଥପୂର୍ଣ୍ଣ ହୁଏ, ଯେତେବେଳେ ଏହା ସାଧାରଣ ଲୋକଙ୍କ ଜୀବନରେ ପ୍ରକୃତ ପରିବର୍ତ୍ତନ ଆଣିପାରେ।
ଏହି ଅବସରରେ ୨୦୨୫ ମସିହାର ଇନ୍ଦିରା ଗାନ୍ଧୀ ଶାନ୍ତି, ନିରସ୍ତ୍ରୀକରଣ ଓ ବିକାଶ ପୁରସ୍କାର ପାଇଁ ମନୋନୀତ ହୋଇଥିବା ମାଡାମ୍ ଗ୍ରାସା ମାଚେଲଙ୍କ କାର୍ଯ୍ୟକୁ ମଧ୍ୟ ସୋନିଆ ପ୍ରଶଂସା କରିଛନ୍ତି। ମୋଜାମ୍ବିକ୍ର ସ୍ୱାଧୀନତା ସଂଗ୍ରାମଠାରୁ ଆରମ୍ଭ କରି ମହିଳା ଓ ଶିଶୁଙ୍କ ଅଧିକାର ପାଇଁ ତାଙ୍କର ଦୀର୍ଘଦିନର ସଂଘର୍ଷ ସମାଜିକ ନ୍ୟାୟ, ମାନବୀୟ ମର୍ଯ୍ୟାଦା ଓ ସମାନତାର ଉଦାହରଣ ବୋଲି ସେ କହିଛନ୍ତି।
ଆହୁରି ପଢନ୍ତୁ:COP31ରେ ଭାରତ-ଜାପାନ ଆଲୋଚନା: ସର୍କୁଲାର ଇକୋନୋମି, ଖଣିଜ ସମ୍ପଦ ଓ ଆଗୁଆ ସତର୍କ ସୂଚନା ବ୍ୟବସ୍ଥା ଉପରେ ଗୁରୁତ୍ୱ
ସୋନିଆଙ୍କ ମତରେ, ଗ୍ରାସା ମାଚେଲଙ୍କ ଜୀବନ ଓ କାର୍ଯ୍ୟ ଇନ୍ଦିରା ଗାନ୍ଧୀଙ୍କ ଆଦର୍ଶ ସହ ଗଭୀର ଭାବେ ମେଳ ଖାଉଛି। ଦେଶର ସୀମା ଅତିକ୍ରମ କରି ଦଶନ୍ଧି ଧରି ସେ ମାନବାଧିକାର, ମହିଳା ଓ ଶିଶୁଙ୍କ ସୁରକ୍ଷା ଏବଂ ସାମାଜିକ ନ୍ୟାୟ ପାଇଁ କାମ କରିଆସିଛନ୍ତି।
ଇନ୍ଦିରା ଗାନ୍ଧୀଙ୍କ ନାମରେ ପ୍ରତିଷ୍ଠିତ ଏହି ପୁରସ୍କାର ଶାନ୍ତି, ନିରସ୍ତ୍ରୀକରଣ ଓ ବିକାଶ କ୍ଷେତ୍ରରେ ଉଲ୍ଲେଖନୀୟ ଅବଦାନ ରଖିଥିବା ବ୍ୟକ୍ତି ଓ ସଂସ୍ଥାଙ୍କୁ ସମ୍ମାନିତ କରିଥାଏ। ୨୦୨୫ ପାଇଁ ଗ୍ରାସା ମାଚେଲଙ୍କୁ ଏହି ପୁରସ୍କାର ଦିଆଯାଇଛି।
ବାତ୍ୟା ‘ଅକଭାନ୍’ ମୁକାବିଲା ପାଇଁ ପୁରୀରେ ପ...
ମୁମ୍ବାଇ: ଅଭିନେତ୍ରୀ ଶନାୟା କପୁରଙ୍କ ପାଇଁ ‘Stude...
ନୂଆ ଟ୍ରେନ୍‌ରେ ଯାତ୍ରା କରିବାର ଉତ୍ସାହ ଅଲଗା। ବିଶେ...
ଭାରତୀୟ ଅର୍ଥନୀତିକୁ ‘ମୃତ’ ବୋଲି କହିବା ସହ...
ବିଧାନସଭାରେ ଥମୁନି ବିରୋଧୀଙ୍କ ହଟ୍ଟଗୋଳ! ଶୁକ୍ରବାର ସକାଳ...
ମୁମ୍ବାଇ: ଭାରତୀୟ ମନୋରଞ୍ଜନ ଜଗତ ପାଇଁ ଆସିଛି ଏକ ବଡ଼ ଖୁସ...
ତୁର୍କୀର ଆଣ୍ଟାଲ୍ୟାରେ ଆୟୋଜିତ ଜାତିସଂଘ ଜଳବାୟୁ ସମ୍ମିଳନୀ...
୫ କୋଟିର ବସ୍‌ଷ୍ଟାଣ୍ଡ ୪ ବର୍ଷ ହେଲା ଅବ୍ୟବହୃତ! ଯାତ...