ଓଡ଼ିଶାର ଐତିହ୍ୟ ଓ ପ୍ରାଚୀନ ସଭ୍ୟତା ଅନୁସନ୍ଧାନରେ ଏକ ବଡ଼ ସଫଳତା ମିଳିଥିବା ଦାବି କରିଛନ୍ତି ଗବେଷକମାନେ। ସମ୍ବଲପୁର ଜିଲ୍ଲାର ରେଢ଼ାଖୋଲ ନିକଟସ୍ଥ ଐତିହାସିକ ଉଷାକୋଠି ଅଞ୍ଚଳରେ ପ୍ରାୟ ୧୦ ହଜାର ବର୍ଷ ପୁରୁଣା ମାନବ ସଭ୍ୟତାର ସମ୍ଭାବ୍ୟ ପ୍ରମାଣ ମିଳିଥିବା ନେଇ ସେମାନେ ଦାବି କରିଛନ୍ତି।
ସୂଚନା ଅନୁଯାୟୀ, ଲୁହାପଙ୍କ ପଞ୍ଚାୟତ ଅଧୀନ ବେତାଗଡ଼ା ଠାରୁ ପ୍ରାୟ ୭ କିଲୋମିଟର ଦୂରରେ ଏହି ଗବେଷଣା କାର୍ଯ୍ୟ ହୋଇଥିଲା। ଏଠାରେ ଗୁହା ଚିତ୍ର, ପ୍ରସ୍ତର ଯୁଗୀୟ ହାତତିଆରି ଉପକରଣ ଓ ଅନ୍ୟାନ୍ୟ ପ୍ରାଚୀନ ସାମଗ୍ରୀ ମିଳିଥିବା ଗବେଷକମାନେ କହିଛନ୍ତି।
ଏହି ଅନୁସନ୍ଧାନ ଚଳିତ ବର୍ଷ ଜାନୁଆରୀରେ ଆର୍କିଓଲଜିକାଲ୍ ସର୍ଭେ ଅଫ୍ ଇଣ୍ଡିଆ (ASI)ର ପୁରୀ ସର୍କଲ ଟିମ୍ ଅଞ୍ଚଳ ପରିଦର୍ଶନ କରିବା ପରେ ଆରମ୍ଭ ହୋଇଥିଲା। ପରବର୍ତ୍ତୀ ସମୟରେ ଗଙ୍ଗାଧର ମେହେର ବିଶ୍ୱବିଦ୍ୟାଳୟର ଇତିହାସ ବିଭାଗର ପ୍ରଫେସର ଡାକ୍ତର ଅତୁଲ କୁମାର ପ୍ରଧାନଙ୍କ ନେତୃତ୍ୱରେ ଛତାଗଡ଼ା ଓ ପରାଭାଡ଼ି ଉଷାକୋଠି ଅଞ୍ଚଳରେ ଅଧିକ ସର୍ଭେ କରାଯାଇଥିଲା।
ଗବେଷକମାନଙ୍କ କହିବା ଅନୁଯାୟୀ, ସର୍ଭେ ସମୟରେ ବିଭିନ୍ନ ପଶୁ ଆକୃତି ଓ ଜ୍ୟାମିତିକ ଚିତ୍ର ଥିବା ଗୁହା ଚିତ୍ର ଚିହ୍ନଟ ହୋଇଛି। ଏହାସହ ବ୍ଲେଡ୍, ବ୍ଲେଡ୍ଲେଟ୍, ଘସା ପଥର ଭଳି ହାତତିଆରି ଉପକରଣ ମଧ୍ୟ ମିଳିଛି।
ଡାକ୍ତର ଚୂଡାମଣି ରଣା କହିଛନ୍ତି ଯେ, ବର୍ତ୍ତମାନ ସୁଦ୍ଧା ତିନି ପ୍ରକାର ରଙ୍ଗ — ଗାଢ଼ ଲାଲ୍, କଳା ଏବଂ କମଳା ମିଶ୍ରିତ ରଙ୍ଗର ଚିତ୍ର ଚିହ୍ନଟ ହୋଇଛି। ସେ କହିଛନ୍ତି ଯେ, ଏହି ଚିତ୍ର ଓ ଉପକରଣଗୁଡ଼ିକ ମେସୋଲିଥିକ୍ ଯୁଗ ସହ ସମ୍ପୃକ୍ତ ବୋଲି ଲାଗୁଛି।
ସେ ଆହୁରି କହିଛନ୍ତି ଯେ, ଏହା ପ୍ରଥମ ପର୍ଯ୍ୟାୟର ଅନୁସନ୍ଧାନ। ଭବିଷ୍ୟତରେ ଅଧିକ ଗବେଷକଙ୍କ ସହ କାର୍ବନ ଡେଟିଂ ଭଳି ବୈଜ୍ଞାନିକ ପରୀକ୍ଷା କରାଗଲେ ଅଧିକ ତଥ୍ୟ ସାମ୍ନାକୁ ଆସିପାରିବ। ସରକାର ସଂରକ୍ଷଣ ଓ ପରିଚାଳନା ଉପରେ ଗୁରୁତ୍ୱ ଦେଲେ ଏହା ରେଢ଼ାଖୋଲ ଅଞ୍ଚଳ ପାଇଁ ଏକ ନୂଆ ଅଧ୍ୟାୟ ସୃଷ୍ଟି କରିପାରିବ।
ପ୍ରଫେସର ଡାକ୍ତର ଅତୁଲ କୁମାର ପ୍ରଧାନ କହିଛନ୍ତି ଯେ, ସ୍ଥଳଟି ଧୀରେଧୀରେ କ୍ଷୟ ହେଉଥିବାରୁ ତୁରନ୍ତ ସଂରକ୍ଷଣ ଆବଶ୍ୟକ। ସରକାର ଏହାକୁ ସୁରକ୍ଷିତ ରଖିପାରିଲେ ଏହା ଭବିଷ୍ୟତରେ ଏକ ପ୍ରମୁଖ ପର୍ଯ୍ୟଟନ ସ୍ଥଳୀରେ ପରିଣତ ହୋଇପାରିବ ବୋଲି ସେ କହିଛନ୍ତି।
ଆଲାର୍ମ ବାଜିବା ପୂର୍ବରୁ ସ୍ୱାଭାବିକ ଭାବେ ଉଠିବା ଅନେକଙ୍କ...
ସୋସିଆଲ୍ ମିଡିଆରେ‘Hanuman Ansh’ଫିଲ୍ମକୁ ନ...
AI ଦ୍ୱାରା ତିଆରିDeepfakeଓ ମର୍ଫଡ୍ ଫଟୋ-ଭିଡିଓର ଅନଧିକୃତ...
ଭାରତରେ ଚିପ୍ସ, ମିଠା ପାନୀୟ ଓ ଅନ୍ୟାନ୍ୟ ପ୍ୟାକେଜ୍ଡ ଖାଦ୍...
ନୂଆଦିଲ୍ଲୀ:ଭାରତୀୟ ବାୟୁସେନା (IAF) ନିଜର ପରିବହନ ବିମାନ...
‘୧୦୦%’ ଦାବିକୁ ନେଇ ITC Limited ଏବଂ ଭାରତ...
‘KGF’ ନିର୍ଦ୍ଦେଶକ ପ୍ରଶାନ୍ତ ନୀଲଙ୍କ ସମର୍ଥ...
ନୂଆଦିଲ୍ଲୀ:ଜନଗଣନା ୨୦୨୭ ପାଇଁ କେନ୍ଦ୍ର ସରକାର ପ୍ରଶ୍ନପତ୍...
ମନୋଜ ବାଜପେୟୀଙ୍କ ଆଗାମୀ ଫିଲ୍ମ **‘Last Man in T...
