ଯୁକ୍ତରାଷ୍ଟ୍ରର United States Postal Service ଏକ ଐତିହାସିକ ପଦକ୍ଷେପ ନେଇ ପ୍ରଥମଥର ପାଇଁ ଗ୍ରାହକମାନଙ୍କ ଉପରେ ଇନ୍ଧନ ଅତିରିକ୍ତ ଶୁଳ୍କ (Fuel Surcharge) ଲାଗୁ କରିବାକୁ ଘୋଷଣା କରିଛି। ପଶ୍ଚିମ ଏସିଆରେ ଚାଲିଥିବା ଯୁଦ୍ଧ ଫଳରେ ଇନ୍ଧନ ମୂଲ୍ୟ ବୃଦ୍ଧି ପାଇଥିବାରୁ ଏହି ସିଦ୍ଧାନ୍ତ ନିଆଯାଇଛି।

ଖବର ଅନୁସାରେ, ଏହି ୮ ପ୍ରତିଶତ ଅତିରିକ୍ତ ଶୁଳ୍କ ଏପ୍ରିଲ୍ ୨୬ ରୁ ଲାଗୁ ହେବ ଓ ୨୦୨୭ ଜାନୁଆରୀ ୧୭ ପର୍ଯ୍ୟନ୍ତ ଚାଲିବ। Priority Mail Express, Priority Mail, USPS Ground Advantage ଓ Parcel Select ପରି ସେବାଗୁଡିକର ମୂଲ୍ୟ ଏହା ପରେ ବଢ଼ିବ।

୫୫ ବର୍ଷର ଇତିହାସରେ ପ୍ରଥମଥର ପାଇଁ ଏହି ପ୍ରକାର ଶୁଳ୍କ ଲାଗୁ ହେଉଥିବା ଦ୍ୱାରା ଚାଲୁଥିବା ଯୁଦ୍ଧ ଯୁକ୍ତରାଷ୍ଟ୍ରର ବ୍ୟବସାୟ ଓ ଦୈନିକ ଜୀବନ ଉପରେ କେତେ ଅଧିକ ପ୍ରଭାବ ପକାଉଛି ସେଥି ପ୍ରକାଶ ପାଉଛି।

ସଂସ୍ଥା ପକ୍ଷରୁ କହାଯାଇଛି ଯେ ଯାତାୟାତ ଖର୍ଚ୍ଚ ବଢ଼ିବା ଫଳରେ ଏହି ସିଦ୍ଧାନ୍ତ ନିଆଯାଇଛି। ତଥାପି, ସେମାନେ କହିଛନ୍ତି ଯେ ଏହି ଶୁଳ୍କ ତାଙ୍କ ପ୍ରତିଦ୍ୱନ୍ଦୀମାନଙ୍କ ତୁଳନାରେ କମ୍ ରହିଛି ଓ ସେମାନେ ଏବେ ମଧ୍ୟ ସବୁଠାରୁ ସସ୍ତା ସେବା ଦେଉଛନ୍ତି।

ଏହି ନିଷ୍ପତ୍ତିକୁ ନେଇ ରାଜନୈତିକ ମଞ୍ଚରେ ମଧ୍ୟ ପ୍ରତିକ୍ରିୟା ଦେଖାଦେଇଛି। ଡେମୋକ୍ରାଟ୍ ନେତାମାନେ Donald Trumpଙ୍କୁ ଦାୟୀ କରି ଜୀବନ ଯାପନ ଖର୍ଚ୍ଚ ବଢ଼ିବାକୁ ନେଇ ଆକ୍ରମଣ କରିଛନ୍ତି। ଇଲିନଏସ୍ ଗଭର୍ନର ଓ କିଛି ସେନେଟର୍ ମଧ୍ୟ ଏହାକୁ “ଟ୍ରମ୍ପ ମେଲ୍ ଟ୍ୟାକ୍ସ” ବୋଲି ବର୍ଣ୍ଣନା କରିଛନ୍ତି।

ଉଲ୍ଲେଖନୀୟ ଯେ, ଯୁଦ୍ଧ ଆରମ୍ଭ ହେବା ପରେ ଯୁକ୍ତରାଷ୍ଟ୍ରରେ ଇନ୍ଧନ ମୂଲ୍ୟ ପ୍ରାୟ ୧ ଡଲାର ପ୍ରତି ଗ୍ୟାଲନ୍ ବଢ଼ିଛି। ଏହା ଆଗାମୀ ଦିନରେ ସମଗ୍ର ଅର୍ଥନୀତି ଉପରେ ଅଧିକ ପ୍ରଭାବ ପକାଇପାରେ ବୋଲି ବିଶେଷଜ୍ଞମାନେ ସଚେତନ କରିଛନ୍ତି।