UPI ବ୍ୟବହାରକାରୀ ଏବଂ ବ୍ୟବସାୟୀଙ୍କ ପାଇଁ ଆସିଛି ଏକ ବଡ଼ ଅପଡେଟ୍।୨୦୨୬ ଅକ୍ଟୋବର ୧୫ରୁ କିଛି UPI ବ୍ୟବସାୟିକ ଲେନଦେନରେ Merchant Discount Rate (MDR)ଲାଗୁ ହେବ। ନୂଆ ବ୍ୟବସ୍ଥାରେ ₹୨,୦୦୦ରୁ ଅଧିକ ଯୋଗ୍ୟ ଲେନଦେନରେ ସର୍ବାଧିକ ୦.୪୦% MDR ରହିବ।

ଏହି ନୂଆ ନିୟମକୁ ନେଇ UPI ବ୍ୟବହାରକାରୀଙ୍କ ମନରେ ସବୁଠାରୁ ବଡ଼ ପ୍ରଶ୍ନ—ଏହି ଚାର୍ଜ କିଏ ଦେବେ ଏବଂ ଗ୍ରାହକଙ୍କୁ ଅଧିକ ଟଙ୍କା ଦେବାକୁ ପଡ଼ିବ କି?

PhonePe CEOSameer NigamAaj Tak ସହ ଏକ ଆଲୋଚନାରେ ଏହା ନେଇ ସ୍ପଷ୍ଟ କରିଛନ୍ତି ଯେ ସାଧାରଣ ଗ୍ରାହକଙ୍କ ପାଇଁ UPI ପେମେଣ୍ଟ ମାଗଣା ରହିବ। MDR ନିର୍ଦ୍ଦିଷ୍ଟ ମର୍ଚ୍ଚାଣ୍ଟ ଲେନଦେନରେ ଲାଗିବ ଏବଂ ଏହା ଗ୍ରାହକଙ୍କୁ ସିଧାସଳଖ ଚାର୍ଜ କରାଯିବ ନାହିଁ।

କେଉଁଠି ଲାଗିବ ୦.୪୦% MDR?

ସାଧାରଣ ମର୍ଚ୍ଚାଣ୍ଟ କ୍ୟାଟେଗୋରୀରେ ₹୨,୦୦୦ରୁ ଅଧିକ UPI ପେମେଣ୍ଟ ଉପରେ ସର୍ବାଧିକ୦.୪୦% MDRଲାଗିବ। PhonePe CEOଙ୍କ କହିବା ଅନୁସାରେ, QR କୋଡ୍ ମାଧ୍ୟମରେ ମାସକୁ ₹୧ ଲକ୍ଷରୁ ଅଧିକ UPI ପେମେଣ୍ଟ ଗ୍ରହଣ କରୁଥିବା ମର୍ଚ୍ଚାଣ୍ଟମାନେ ଏହି ନିୟମର ଅଧୀନରେ ଆସିବେ।

ତାଙ୍କ ଅନୁସାରେ, UPIର ପ୍ରାୟ୯୬% ଲେନଦେନ ₹୨,୦୦୦ରୁ କମ୍ଏବଂ ଏହି ଲେନଦେନ ଉପରେ MDR ଲାଗିବ ନାହିଁ।

ଗ୍ରାହକଙ୍କ ପାଇଁ UPI ମାଗଣା

ନୂଆ MDR ବ୍ୟବସ୍ଥାରେ ଗ୍ରାହକ UPI ମାଧ୍ୟମରେ ପେମେଣ୍ଟ କରିବା ସମୟରେ ସିଧାସଳଖ MDR ଦେବେ ନାହିଁ। ଅର୍ଥାତ୍, ନିର୍ଦ୍ଦିଷ୍ଟ ମର୍ଚ୍ଚାଣ୍ଟ ଲେନଦେନରେ ଚାର୍ଜ ମର୍ଚ୍ଚାଣ୍ଟ ପକ୍ଷରେ ଲାଗୁ ହେବ।

ଅତ୍ୟାବଶ୍ୟକ ସେବା ପାଇଁ ₹୫ ଚାର୍ଜ

ପେଟ୍ରୋଲ, ଇନ୍ସୁରାନ୍ସ ଏବଂ ବିଲ୍ ପେମେଣ୍ଟ ଭଳି କିଛି ଆବଶ୍ୟକ ସେବା ପାଇଁପ୍ରତି ଲେନଦେନରେ ସର୍ବାଧିକ ₹୫MDR ରହିବ।

ଏହା ବ୍ୟତୀତ Capital Market ପେମେଣ୍ଟ ପାଇଁ ପ୍ରସ୍ତାବିତ MDR୦.୦୨%ରହିଛି। ବଡ଼ ମୂଲ୍ୟର କିଛି ପେମେଣ୍ଟରେ ଚାର୍ଜ₹୩୦୦ରେ ସୀମିତରହିବ।

UPI ଚାର୍ଜ କାହିଁକି ଆସୁଛି?

Sameer Nigamଙ୍କ ଅନୁସାରେ, ଗତ କିଛି ବର୍ଷ ଧରି UPI ପେମେଣ୍ଟ ଇଣ୍ଡଷ୍ଟ୍ରି ପାଇଁ ଏକ ସ୍ଥାୟୀ ରେଭେନ୍ୟୁ ମଡେଲ୍ର ଆବଶ୍ୟକତା ଥିଲା। ନୂଆ MDRରୁ ମିଳୁଥିବା ରାଜସ୍ୱକୁସୁରକ୍ଷା, ଫ୍ରଡ୍ ମ୍ୟାନେଜମେଣ୍ଟ, KYC, ସର୍ଭର ଏବଂ ଟେକ୍ନୋଲୋଜି ଭିତ୍ତିଭୂମିରେ ନିବେଶ କରାଯାଇପାରିବ।

ତାଙ୍କ କହିବା ଅନୁସାରେ, କ୍ରେଡିଟ୍ କାର୍ଡ, ଡେବିଟ୍ କାର୍ଡ ଏବଂ ୱାଲେଟ୍ ତୁଳନାରେ UPIର MDR କମ୍ ରଖାଯାଇଛି।

ତେବେwallet-UPI interoperabilityଏବଂ କିଛି bill-payment category ପାଇଁ ଚାର୍ଜ ସମ୍ପର୍କିତ କିଛି ବିଷୟ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।