ଭୁବନେଶ୍ୱର: ମା’ର କୋଳ ହେଉଛି ଶିଶୁ ପାଇଁ ସବୁଠାରୁ ନିରାପଦ ଆଶ୍ରୟ। ମା’ର ସ୍ନେହ, ଉଷ୍ମତା ଓ ସୁରକ୍ଷାର କୌଣସି ବିକଳ୍ପ ନାହିଁ। ଭୁବନେଶ୍ୱରର ନନ୍ଦନକାନନ ପ୍ରାଣୀ ଉଦ୍ୟାନର ଦୁଇଟି ଭିନ୍ନ ଚିତ୍ର ଏହି ଭାବନାକୁ ଆହୁରି ଗଭୀର କରିଦେଇଛି।
ଗୋଟିଏ ଚିତ୍ରରେ ଏକ ଶାବକ ତା’ର ମା’କୁ ଜାବୁଡ଼ି ଧରି ରହିଛି। ମା’ର କୋଳରେ ରହି ଦୁଧ ପିଉଥିବା ଏହି ଶାବକଟି ମା’ର ଉଷ୍ମତା ଓ ସୁରକ୍ଷା ମଧ୍ୟରେ ବଢ଼ୁଛି। ମା’ର ଶରୀରକୁ ଲାଗି ରହିଥିବା ଶାବକଟିର ଚିତ୍ର ଶିଶୁ ଓ ମା’ ମଧ୍ୟରେ ଥିବା ନିଆରା ସମ୍ପର୍କକୁ ଦର୍ଶାଉଛି।
କିନ୍ତୁ ଏହାର ଠିକ୍ ବିପରୀତ ଚିତ୍ର ନନ୍ଦନକାନନରେ ଥିବା ଏକ ଉଦ୍ଧାର ଓରାଙ୍ଗଉଟାନ୍ ଶାବକର। ଯେଉଁ ବୟସରେ ଏହି ଶାବକଟି ମା’ କୋଳରେ ରହିବା, ମା’ର ଦୁଧ ପିଇବା ଏବଂ ତାଙ୍କ ଉଷ୍ମତାରେ ଶୋଇବା କଥା, ସେହି ବୟସରେ ଏହା ମା’ଠାରୁ ଦୂରରେ ବଢ଼ୁଛି।
ଏହି ଛୋଟ ଓରାଙ୍ଗଉଟାନ୍ ଶାବକ ପାଖରେ ନାହିଁ ମା’ର ସ୍ନେହ, ନାହିଁ ମା’ର ଦୁଧ କିମ୍ବା କୋଳର ଉଷ୍ମତା। ତା’ର ଯତ୍ନ ନିଆଯାଉଥିଲେ ମଧ୍ୟ ମା’ର ଅନୁପସ୍ଥିତିକୁ ଦୁଧ ବୋତଲ ଦ୍ୱାରା ଭରଣା କରିବାକୁ ପଡ଼ୁଛି।
ଏକ ପଟେ ଶାବକଟି ମା’କୁ ଜାବୁଡ଼ି ଧରି ନିରାପତ୍ତା ଖୋଜୁଛି, ଅନ୍ୟପଟେ ଆଉ ଏକ ଶାବକ ମା’ର ଅନୁପସ୍ଥିତିରେ ଦୁଧ ବୋତଲକୁ ଧରି ରହିଛି। ଦୁଇଟି ଚିତ୍ର ଶିଶୁର ଦୁଇଟି ଭିନ୍ନ ଭାଗ୍ୟକୁ ନିରବ ଭାବେ ପ୍ରକାଶ କରୁଛି।
ଏହି ଦୁଇଟି ଚିତ୍ର ଏକ ଗଭୀର ପ୍ରଶ୍ନ ଛାଡ଼ିଯାଉଛି—କାହିଁକି ଏହି ଛୋଟ ଜୀବଗୁଡ଼ିକୁ ମା’ଠାରୁ ଦୂରେ ରହିବାକୁ ପଡ଼ିଲା?
ମା’ର ସ୍ନେହ ଓ କୋଳର ସ୍ଥାନ କୌଣସି ଜିନିଷ ପୂରଣ କରିପାରେ ନାହିଁ। ନନ୍ଦନକାନନର ଏହି ଦୁଇଟି ଚିତ୍ର ମାତୃତ୍ୱର ଗୁରୁତ୍ୱ ଏବଂ ମା’ଠାରୁ ବିଚ୍ଛିନ୍ନ ଶାବକମାନଙ୍କ ନିରବ ଯନ୍ତ୍ରଣାକୁ ସାମ୍ନାକୁ ଆଣିଛି।
ନନ୍ଦନକାନନରେ ଏବେ ମା’ଠାରୁ ବିଚ୍ଛିନ୍ନ ୫ଟି ଓରାଙ୍ଗଉଟାନ୍ ଶାବକ ରହିଥିବା ନେଇ ମଧ୍ୟ ଚର୍ଚ୍ଚା ଚାଲିଛି। ଏହି ଶାବକମାନଙ୍କ ପାଇଁ ନନ୍ଦନକାନନ ଏବେ ଏକ ନୂଆ ଆଶ୍ରୟସ୍ଥଳୀ ପାଲଟିଛି।
୧୯୯୩ ମୁମ୍ବାଇ ସିରିଏଲ ବିସ୍ଫୋରଣ ମାମଲାର ଦୋଷୀ ତଥା ଗ୍ୟାଙ...
ମୁମ୍ବାଇର ଜିଓ ୱାର୍ଲ୍ଡ ପ୍ଲାଜାରେ ନକଲି ପ୍ରଧାନମନ୍ତ୍ରୀ କ...
ଦିଲ୍ଲୀର ସତ୍ୟ ନିକେତନ ଅଞ୍ଚଳରେ ୫ ମହଲା କୋଠା ଭୁଶୁଡ଼ି ୭...
ମଧ୍ୟପ୍ରାଚ୍ୟରେ ଆମେରିକା ଓ ଇରାନ ମଧ୍ୟରେ ସାମରିକ ଉତ୍ତେଜନ...
ଚୀନ୍‌ର କ୍ୱିଂଡାଓ ବନ୍ଦରରେ ଏକ ମାଲବାହୀ ଜାହାଜରେ ଭୟ...
ସମୁଦ୍ର ହଠାତ୍‌ ଗାଏବ! ଏଭଳି ଦୃଶ୍ୟ ଦେଖି ଆର୍ଜେଣ୍ଟି...
ଜଳବାୟୁ ପରିବର୍ତ୍ତନର ପ୍ରଭାବ ଏବେ ବିଶ୍ୱର ପର୍ବତୀୟ ଅଞ୍ଚଳ...
ନୂଆଦିଲ୍ଲୀ:ଦୀର୍ଘ ୧୧ ବର୍ଷ ପରେ ଭାରତକୁ ଫେରାଇ ଅଣାଯାଇଛି...
