ହତ୍ୟା ମାମଲାରେ ମୃତଦେହ ନମିଳିଲେ ମଧ୍ୟ ବିଶ୍ୱସନୀୟ ପ୍ରମାଣ ଆଧାରରେ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରାଯାଇପାରିବ। ଏକ ଗୁରୁତ୍ୱପୂର୍ଣ୍ଣ ରାୟରେ ଶୁକ୍ରବାର ସୁପ୍ରିମକୋର୍ଟ ଏହା ସ୍ପଷ୍ଟ କରିଛନ୍ତି। କୋର୍ଟ କହିଛନ୍ତି, "ଶବ ନମିଳିବା ମାନେ ଏହା ନୁହେଁ ଯେ ହତ୍ୟାକାଣ୍ଡ ଘଟିନାହିଁ।"
ଜଷ୍ଟିସ୍ ସଞ୍ଜୟ କରୋଲ ଓ ଜଷ୍ଟିସ୍ ପ୍ରସନ୍ନ ବି. ବରାଲେଙ୍କ ଖଣ୍ଡପୀଠ ଆସାମର ଏକ ହତ୍ୟା ମାମଲାରେ ଅଭିଯୁକ୍ତଙ୍କୁ ମିଳିଥିବା ଆଜୀବନ କାରାଦଣ୍ଡାଦେଶକୁ କାଏମ ରଖି ଏହି ରାୟ ଶୁଣାଇଛନ୍ତି। କୋର୍ଟ ଚେତାବନୀ ଦେଇ କହିଛନ୍ତି ଯେ, ଯଦି ଶବ ମିଳିବାକୁ ହତ୍ୟା ମାମଲାରେ ଅନିବାର୍ଯ୍ୟ ବୋଲି ଧରାଯାଏ, ତେବେ ଚତୁରତାର ସହ ଶବକୁ ଗାଏବ କରିଦେଉଥିବା ଅପରାଧୀମାନେ ସହଜରେ ଆଇନରୁ ଖସିଯିବେ।
ମାମଲାଟି ଆସାମର ଦେବଜିତ ପାଙ୍କିକା ନାମକ ଜଣେ ବ୍ୟକ୍ତିଙ୍କ ସହ ଜଡ଼ିତ। ତାଙ୍କ ବିରୋଧରେ ୨୦୧୫ ମସିହାରେ ଘରେ ରହୁଥିବା ୧୦ ବର୍ଷୀୟା ପୋଷ୍ୟ କନ୍ୟାଙ୍କୁ ହତ୍ୟା କରି ମୃତଦେହକୁ ନଦୀରେ ଫିଙ୍ଗି ଦେଇଥିବା ଅଭିଯୋଗ ରହିଥିଲା। ଘଟଣା ପରେ ପୋଲିସ ଦୀର୍ଘ ଖୋଜାଖୋଜି କରିଥିଲେ ମଧ୍ୟ ମୃତଦେହ ଉଦ୍ଧାର କରିପାରିନଥିଲା।
ରାୟ ଶୁଣାଇ ସୁପ୍ରିମକୋର୍ଟ କହିଛନ୍ତି ଯେ, 'କର୍ପସ ଡେଲିକ୍ଟି' (Corpus Delicti)ର ଅର୍ଥ ହେଉଛି ଅପରାଧ ଘଟିଥିବାର ପ୍ରମାଣ ଉପସ୍ଥିତ ରହିବା, ମୃତଦେହ ମିଳିବା ନୁହେଁ। ଯଦି ଅଭିଯୁକ୍ତଙ୍କ ବିରୋଧରେ ଦୃଢ଼ ପ୍ରମାଣ, ପରିସ୍ଥିତିଜନିତ ସାକ୍ଷ୍ୟ ଏବଂ ବିଶ୍ୱସନୀୟ ସାକ୍ଷୀଙ୍କ ବୟାନ ରହିଛି, ତେବେ ମୃତଦେହ ନମିଳିଲେ ମଧ୍ୟ ହତ୍ୟା ମାମଲାରେ ଦୋଷୀ ସାବ୍ୟସ୍ତ କରାଯାଇପାରିବ।
ଏହି ମାମଲାରେ ଅଭିଯୁକ୍ତ ଜଣକ ନାବାଳିକାଙ୍କ ନିଖୋଜ ହେବାର ୨୨ ଦିନ ପର୍ଯ୍ୟନ୍ତ କୌଣସି ସନ୍ତୋଷଜନକ ସ୍ପଷ୍ଟୀକରଣ ଦେଇପାରିନଥିଲେ। ସେହିପରି ଜଣେ ପ୍ରତ୍ୟକ୍ଷ ସାକ୍ଷୀଙ୍କ ବୟାନରୁ ଜଣାପଡ଼ିଥିଲା ଯେ, ଅଭିଯୁକ୍ତ ଛୁରୀ ଦେଖାଇ ତାଙ୍କୁ ମୃତଦେହକୁ ବସ୍ତାରେ ଭରି ସାଇକେଲରେ ନଦୀ ପର୍ଯ୍ୟନ୍ତ ନେବାକୁ ବାଧ୍ୟ କରିଥିଲେ। ଏହି ସମସ୍ତ ପ୍ରମାଣକୁ ଆଧାର କରି ସୁପ୍ରିମକୋର୍ଟ ଆଜୀବନ କାରାଦଣ୍ଡାଦେଶକୁ କାଏମ ରଖିଛନ୍ତି।
ସୁପ୍ରିମକୋର୍ଟଙ୍କ ଏହି ରାୟ ହତ୍ୟା ମାମଲାରେ ପ୍ରମାଣର ଗୁରୁତ୍ୱକୁ ଅଧିକ ସୁଦୃଢ଼ କରିବା ସହ ଶବ ଗାଏବ କରି ଆଇନରୁ ଖସିଯିବାର ପ୍ରବୃତ୍ତି ଉପରେ ରୋକ୍ ଲଗାଇବ ବୋଲି ଆଇନ ବିଶେଷଜ୍ଞମାନେ ମତ ପ୍ରକାଶ କରିଛନ୍ତି।
ବଲିଉଡର ବହୁ ପ୍ରତୀକ୍ଷିତ ଫିଲ୍ମ ‘ରାମାୟଣ’କୁ...
ପୁଣି ଥରେ କୋଭିଡ୍ ସଂକ୍ରମଣକୁ ନେଇ ଚିନ୍ତା ବଢ଼ିଛି। ଆନ୍ଧ୍...
ଉତ୍ତରାଖଣ୍ଡର ଚମୋଲି ଜିଲ୍ଲାସ୍ଥିତ ପବିତ୍ରବଦ୍ରିନାଥ ଧାମର...
ଶିକ୍ଷାବିତ୍ ଓ ସାମାଜିକ କର୍ମୀ ସୋନମ ୱାଙ୍ଗଚୁକଙ୍କ ଅନଶନ...
୨୦୨୦ ଫେବୃଆରୀରେ ଘଟିଥିବା ଦିଲ୍ଲୀ ଦଙ୍ଗା ପଛରେ ଥିବା କଥ...
ପରୀକ୍ଷାରେ ଅନିୟମିତତା ଏବଂ ନିଟ୍ (NEET) ପ୍ରଶ୍ନପତ୍ର ଲିକ...
୨୦୨୩ ମସିହାରେ ମୁକ୍ତିଲାଭ କରିଥିବା 'OMG 2' ବ...
ଉତ୍ତର ପ୍ରଦେଶର ଲକ୍ଷ୍ନୌରୁ ଏକ ବିଚଳିତ କରିଦେବା ଭଳି ଘଟ...
ତାମିଲ୍ ଫିଲ୍ମ ଇଣ୍ଡଷ୍ଟ୍ରିର ଲୋକପ୍ରିୟ ଅଭିନେତା ତଥା ତାମି...
ଆମାଜନ୍ ପ୍ରାଇମ୍ ଭିଡିଓର ଲୋକପ୍ରିୟ ରିଆଲିଟି ଶୋ‘ଆଲ...
ପଶ୍ଚିମବଙ୍ଗର ମୁର୍ସିଦାବାଦ ଜିଲ୍ଲାରେ ଶୁକ୍ରବାର ସକାଳେ ଏକ...
ପରିବେଶବିତ୍ ତଥା ଲଦାଖର ସାମାଜିକ କର୍ମୀସୋନମ ୱାଙ୍ଗଚୁକଙ୍କ...
