ଲଗାଣ ବର୍ଷା ପରେ ସୁନ୍ଦରଗଡ଼ ଜିଲ୍ଲାରକୋଇଡ଼ା ବ୍ଲକରେ ଅସ୍ୱାଭାବିକ ପରିସ୍ଥିତି ସୃଷ୍ଟି ହୋଇଛି। ଶନିବାର ଭୋରୁ ହୋଇଥିବା ବର୍ଷା ପରେ ନିକଟସ୍ଥ ପାହାଡ଼ରୁ ଲାଲ୍ କାଦୁଅ ମିଶା ବର୍ଷାପାଣି ହଠାତ୍ ବସ୍ତି ଅଞ୍ଚଳକୁ ପ୍ରବେଶ କରି ଅନେକ ଘର ଜଳମଗ୍ନ କରିଦେଇଛି। ଏହି ଘଟଣାରେ ଅନେକ ପରିବାର ଦୁର୍ଦ୍ଦଶାର ସମ୍ମୁଖୀନ ହୋଇଛନ୍ତି।
ପ୍ରବଳ ବର୍ଷା ପରେ ପାହାଡ଼ରୁ ଆସିଥିବା କାଦୁଅ ପାଣିକେରକେଟା ବସ୍ତି, ଧୁବୁଲାବେଡ଼ା ଓ ଗୋପୀସାହିଅଞ୍ଚଳର ଘରଗୁଡ଼ିକରେ ପଶିଯାଇଥିଲା। ସେତେବେଳେ ଅନେକ ଲୋକ ଘୁମରେ ଥିବାରୁ ପାଣି ଘର ଭିତରକୁ ପଶିଯିବା ପରେ ପରିସ୍ଥିତି ଗମ୍ଭୀର ହୋଇପଡ଼ିଥିଲା।
ଏହି ଆକସ୍ମିକ ଜଳପ୍ରବାହରେ ଘରୋଇ ସାମଗ୍ରୀ, ଆସବାବପତ୍ର ଏବଂ ଜମିଜମା ସମ୍ବନ୍ଧୀୟ ଦସ୍ତାବିଜ ସମେତ ବିଭିନ୍ନ ଗୁରୁତ୍ୱପୂର୍ଣ୍ଣ କାଗଜପତ୍ର କ୍ଷତିଗ୍ରସ୍ତ ହୋଇଥିବା ସ୍ଥାନୀୟ ଲୋକେ କହିଛନ୍ତି।
ଘଟଣା ପରେ ପାଣି ସ୍ତର କିଛିଟା କମିଥିଲେ ମଧ୍ୟ କ୍ଷୟକ୍ଷତିକୁ ନେଇ ସ୍ଥାନୀୟ ଲୋକଙ୍କ ଚିନ୍ତା ବଢ଼ିଛି। ଜଣେ ବାସିନ୍ଦା କହିଛନ୍ତି, ସକାଳ ପ୍ରାୟ୫ଟା ୩୦ ମିନିଟ୍ରୁ ବର୍ଷା ଆରମ୍ଭ ହୋଇଥିଲା। ପାହାଡ଼ରୁ ଲାଲ୍ କାଦୁଅ ପାଣି ସିଧାସଳଖ ଘର ଭିତରକୁ ପଶି ଘରର ସାମଗ୍ରୀ ଓ ଗୁରୁତ୍ୱପୂର୍ଣ୍ଣ ଦସ୍ତାବିଜ ନଷ୍ଟ କରିଦେଇଛି। ପାଣି କେଉଁଠାରୁ ଆସିଲା ତାହାର ତଦନ୍ତ ହେବା ଆବଶ୍ୟକ ବୋଲି ସେ କହିଛନ୍ତି।
ଅନ୍ୟ ଜଣେ ସ୍ଥାନୀୟ ବାସିନ୍ଦାଙ୍କ ଅଭିଯୋଗ ଅନୁସାରେ, ପୂର୍ବରୁ ଥିବା ଏକ ନାଳକୁ ବନ୍ଦ କରିଦିଆଯିବାରୁ ପାହାଡ଼ିଆ ବର୍ଷାପାଣି ଏବେ ସିଧାସଳଖ ବସ୍ତି ଅଞ୍ଚଳକୁ ପଶୁଛି। ଏହି କାରଣରୁ ପ୍ରତି ବର୍ଷ ବର୍ଷା ସମୟରେ ଲୋକମାନେ ବିଭିନ୍ନ ସମସ୍ୟାର ସମ୍ମୁଖୀନ ହେଉଥିବା ସେ କହିଛନ୍ତି।
ସ୍ଥାନୀୟମାନେ ଜଳ ନିଷ୍କାସନ ବ୍ୟବସ୍ଥାର ସ୍ଥାୟୀ ସମାଧାନ କରିବା ସହ କ୍ଷତିଗ୍ରସ୍ତ ପରିବାରଙ୍କୁ ସରକାରୀ ସହାୟତା ଯୋଗାଇବାକୁ ଦାବି କରିଛନ୍ତି।
ଅଭିନେତ୍ରୀମାହି ବିଜଶେଷରେBigg Bossଘରେ ପ୍ରବେଶ କରିଛନ୍ତି...
୮ମ ବେତନ କମିସନକୁ ନେଇ କେନ୍ଦ୍ରୀୟ କର୍ମଚାରୀ ଓ ପେନସନଭୋଗୀ...
ଭାରତ ଓ ବାଂଲାଦେଶ ମଧ୍ୟରେ ଯାତ୍ରୀଙ୍କ ପାଇଁ ଆସିପାରେ ବଡ଼...
ହଲିଉଡ୍ର ଲୋକପ୍ରିୟ ସାଇ-ଫାଇ ସିରିଜ୍ **‘Silo&rsqu...
ଦୁଇ ଦଶନ୍ଧି ପୂର୍ବରୁ ଆରମ୍ଭ ହୋଇଥିବାBigg Bossଭାରତର ସବୁ...
ଭାରତରେ ଆୟୋଜିତ ହେବାକୁ ଥିବା ୧୮ତମ BRICS ସମ୍ମିଳନୀ ପୂର୍...
‘Taali’ ସିରିଜ୍ରେ ଟ୍ରାନ୍ସଜେଣ୍ଡର ଆକ୍ଟିଭି...
କଂଗ୍ରେସ ନେତା ତଥା ଲୋକସଭା ବିରୋଧୀ ଦଳ ନେତା ରାହୁଲ ଗାନ୍ଧ...
