ସୁବର୍ଣ୍ଣପୁର:ସୁବର୍ଣ୍ଣପୁର ଉପଜିଲ୍ଲାପାଳ ଅଫିସ୍ ଛକରେ ଗତକାଲି ସନ୍ଧ୍ୟାରେ ଏକ ଗୁଳିକାଣ୍ଡ ଘଟିଥିବା ଘଟଣା ଜିଲ୍ଲାରେ ଚାଞ୍ଚଳ୍ୟ ସୃଷ୍ଟି କରିଛି। ଗତକାଲି ସନ୍ଧ୍ୟା ୮ଟା ୩୦ ମିନିଟ୍ ରୁ ୯ଟା ମଧ୍ୟରେ ଉପଜିଲ୍ଲାପାଳ ଅଫିସ୍ ଛକ ନିକଟରେ ଥିବା ଏକ ଚାହା ଦୋକାନ ପଛ ପଟୁ ଗୁଳି ଫୁଟିବା ଶବ୍ଦ ଶୁଣାଯାଇଥିଲା।
ଘଟଣାସ୍ଥଳରେ ଚଂପାମାଳ ଗାଁର ବିକ୍ରମ ମହାରଣା ରକ୍ତାକ୍ତ ଅବସ୍ଥାରେ ଟଳି ପଡ଼ିଥିଲେ। ନିକଟରେ ଥିବା ତାଙ୍କ ସାଙ୍ଗମାନେ ତୁରନ୍ତ ତାଙ୍କୁ ବୀରମହାରାଜପୁର ଡାକ୍ତରଖାନା କୁ ନେଇଯାଇଥିଲେ। ପରେ ଅବସ୍ଥା ଅତ୍ୟନ୍ତ ସଙ୍କଟାପନ୍ନ ହେବାରୁ ଡାକ୍ତରମାନେ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତର କରିଥିଲେ।
କିନ୍ତୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ପହଞ୍ଚିବା ସମୟରେ ବିକ୍ରମଙ୍କ ମୃତ୍ୟୁ ହୋଇଥିଲା।
ଏନେଇ ମୃତକଙ୍କ ବାପା ପୋଲିସରେ ଲିଖିତ ଅଭିଯୋଗ ଦାଖଲ କରିଛନ୍ତି। ଅଭିଯୋଗରେ ସେ ଉଲ୍ଲେଖ କରିଛନ୍ତି ଯେ, ସେହି ଗାଁର ପ୍ରୀତମ ହୋତା (ବିକି) ତାଙ୍କ ପୁଅକୁ ଗୁଳି କରି ହତ୍ୟା କରିଛି।
ଏହି ଘଟଣାକୁ ନେଇ ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ଜିଲ୍ଲା ଆରକ୍ଷୀ ଅଧିକ୍ଷକ କହିଛନ୍ତି ଯେ, ଅଭିଯୁକ୍ତ ବିକି ଫେରାର ଥିବାବେଳେ ତାଙ୍କୁ ଧରିବା ପାଇଁ ଚଢ଼ାଉ ଜାରି ରହିଛି।
ପୋଲିସ ଅଧିକାରୀ ସୂଚନା ଦେଇଛନ୍ତି ଯେ, ଯେଉଁ ବନ୍ଧୁକରୁ ଗୁଳିକାଣ୍ଡ ଘଟିଛି ସେହି ବନ୍ଧୁକଟି ଲାଇସେନ୍ସ ପ୍ରାପ୍ତ ନୁହେଁ।
ଅନ୍ୟପଟେ ଘଟଣାସ୍ଥଳରେ ସାଇଣ୍ଟିଫିକ୍ ଟିମ୍ ପହଞ୍ଚି ତଦନ୍ତ ଆରମ୍ଭ କରିଥିବାବେଳେ ପ୍ରମାଣ ସଂଗ୍ରହ କରାଯାଉଛି। ପୋଲିସ ଏହି ଘଟଣା ସହ ଜଡିତ ଅନ୍ୟ ତଥ୍ୟ ଖୋଜିବାକୁ ଚେଷ୍ଟା କରୁଛି।
ପୂର୍ବତନ ରାଜ୍ୟସଭା ସାଂସଦ ଜୋଗିନାପଲ୍ଲୀ ସନ୍ତୋଷ କୁମାରଙ୍କ...
ମହାରାଷ୍ଟ୍ରର ନାଶିକରେ ଥିବା ଟାଟା କନସଲଟେନ୍ସି ସର୍ଭିସେସ୍...
ମେଷ : ଏହି ସପ୍ତାହରେ ଆପଣଙ୍କ ପାଇଁ ଉର୍ଜା ଓ ଉତ୍ସାହର ଅଭ...
କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (CBSE) ଦଶମ ଶ୍ରେଣୀ...
କଂଗ୍ରେସ ସାଂସଦ ପ୍ରିୟଙ୍କା ଗାନ୍ଧୀ ବାଦ୍ରା ଶନିବାର କେନ୍ଦ...
ବଲାଙ୍ଗୀର:ରାଜ୍ୟରେ ଚଳିତ ଏପ୍ରିଲ ମାସରେ ଭୟଙ୍କର ତାପମାତ୍ର...
ନବରଙ୍ଗପୁର:ନବରଙ୍ଗପୁର ଜିଲ୍ଲାରେ ପ୍ରବଳ ତାପଦାହ ଜାରି ରହି...
ଓଡ଼ିଶାର ଦୁଇ ମେଧାବୀ ଛାତ୍ରଛାତ୍ରୀଙ୍କ ଅସାଧାରଣ ସଫଳତା ରା...
ହଜ୍ ୨୦୨୬ ଯାତ୍ରାର ଆରମ୍ଭ ଶନିବାର ଦିନ ହୋଇଛି, ଯେଉଁଥିରେ...
