ଓଡିଶାର ମୟୁରଭଞ୍ଜ ଜିଲ୍ଲାର ସିମିଲିପାଳ ଟାଇଗର ରିଜର୍ଭରେ ବାଘ ସଂଖ୍ୟାରେ ଲକ୍ଷଣୀୟ ବୃଦ୍ଧି ଦେଖାଯାଇଛି। ପୂର୍ବତନ ପ୍ରଧାନ ମୁଖ୍ୟ ଅରଣ୍ୟ ସଂରକ୍ଷକ (PCCF) ସୁଶାନ୍ତ ନନ୍ଦଙ୍କ କଥାନୁସାରେ, ଏଠାରେ ବାଘ ସଂଖ୍ୟା ୪୦ କିମ୍ବା ତାଠାରୁ ଅଧିକ ହୋଇଥିବା ସମ୍ଭାବନା ରହିଛି।
ସେ ସୋସିଆଲ ମିଡିଆ ପ୍ଲାଟଫର୍ମ ‘X’ରେ ପୋଷ୍ଟ କରି କହିଥିଲେ ଯେ, ଏକ ସମୟରେ ଏଠାରେ ବାଘ ସଂଖ୍ୟା କେବଳ ୬କୁ ହ୍ରାସ ପାଇଥିଲା। କିନ୍ତୁ ପଛଲା କିଛି ବର୍ଷରେ ସଫଳ ସଂରକ୍ଷଣ ପଦକ୍ଷେପ ଫଳରେ ଏହାର ସଂଖ୍ୟା ଦ୍ରୁତ ଭାବେ ବଢ଼ିଛି। ବର୍ତ୍ତମାନର ଅନୁମାନ ଅନୁସାରେ ସିମିଲିପାଳରେ ପ୍ରାୟ ୩୦ଟି ବାଘ ରହିଛନ୍ତି, ଯାହାମଧ୍ୟରୁ ପ୍ରାୟ ୧୫ଟି ମେଲାନିଷ୍ଟିକ୍ (କଳା) ବାଘ ଅଛନ୍ତି, ଯାହା ବିଶ୍ୱସ୍ତରରେ ଦୁର୍ଲଭ।
ସମ୍ପ୍ରତି ସିମିଲିପାଳ ସହ ଓଡିଶାର ଅନ୍ୟାନ୍ୟ ଅଭୟାରଣ୍ୟରେ ବାଘ ଗଣନା କାର୍ଯ୍ୟ ସମାପ୍ତ ହୋଇଛି। ଏହି ଗଣନା କାର୍ଯ୍ୟକ୍ରମକୁ ନ୍ୟାସନାଲ ଟାଇଗର କନଜରଭେସନ ଅଥରିଟି (NTCA) ନିର୍ଦ୍ଦେଶନାୟ କରାଯାଇଛି ଏବଂ ତାହାର ଅନ୍ତିମ ରିପୋର୍ଟ ଆସନ୍ତା ମାସରେ ପ୍ରକାଶ ପାଇବାକୁ ଥିବା ସୂଚନା ମିଳିଛି।
ସିମିଲିପାଳ ଯେଉଁଠାରେ ଏକ ସମୟରେ ବାଘ ସଂଖ୍ୟା ଅତ୍ୟନ୍ତ କମିଯାଇଥିଲା, ସେଠାରେ ବର୍ତ୍ତମାନ ଏହି ବୃଦ୍ଧିକୁ ଏକ ସଫଳ ସଂରକ୍ଷଣ କାହାଣୀ ଭାବେ ଦେଖାଯାଉଛି।
ତଥାପି, ବାରିପଦା RCCF ପକ୍ଷରୁ ଏପର୍ଯ୍ୟନ୍ତ ଏହି ନୂତନ ଆକଳନ ବିଷୟରେ କୌଣସି ସରକାରୀ ସ୍ପଷ୍ଟିକରଣ ମିଳିନାହିଁ। ସରକାରୀ ରିପୋର୍ଟ ପ୍ରକାଶ ପରେ ସଠିକ୍ ତଥ୍ୟ ସାମ୍ନାକୁ ଆସିବ।
ନୂଆଦିଲ୍ଲୀ: ଇବୋଲା ଭାଇରସ୍ ସଂକ୍ରମଣର ଆଶଙ୍କାକୁ ନଜରରେ ରଖ...
ବଲିଉଡ ଅଭିନେତା ହ୍ରିତିକ୍ ରୋଶନ ଓ ଇଣ୍ଟେରିୟର ଡିଜାଇନର ସୁ...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍ରମ...
ସମଗ୍ର ୟୁରୋପ ବର୍ତ୍ତମାନ ଇତିହାସର ଅନ୍ୟତମ ଭୟଙ୍କର ଗ୍ରୀଷ୍...
ବଲିଉଡ୍‌ର ଲୋକପ୍ରିୟ ଅଭିନେତା ଆମିର ଖାନ ତାଙ୍କ ପ୍ରେ...
ମେଷ : ଏହି ସପ୍ତାହରେ ଆପଣଙ୍କ ପରିଶ୍ରମର ଫଳ ମିଳିବା ଆର...
ଲଗାଣ ବର୍ଷା ପରେ କୋରାପୁଟ ଜିଲ୍ଲାର ଗ୍ରାମାଞ୍ଚଳର ରାସ୍ତା...
ୟଶରାଜ୍ ସ୍ପାଇ ୟୁନିଭର୍ସର ପ୍ରଥମ ମହିଳା-କେନ୍ଦ୍ରିକ ସ୍ପାଇ...
କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀଜଗତ ପ୍ରକା...
ବଲିଉଡ୍ ଅଭିନେତା ଆମିର ଖାନ ଓ ତାଙ୍କ ଦୀର୍ଘଦିନର ସାଥୀ ଗୌର...
