ଆମେରିକାର କାଲିଫର୍ଣ୍ଣିଆରଟ୍ରମ୍ପ ନ୍ୟାସନାଲ୍ ଗଲ୍ଫ କ୍ଲବ୍ପରିସରରେ ସୁରକ୍ଷାକର୍ମୀ ସାଜି ପ୍ରବେଶ କରିଥିବା ଜଣେ ବ୍ୟକ୍ତିଙ୍କୁ ଅବୈଧ ଅସ୍ତ୍ରଶସ୍ତ୍ର ସହ ଗିରଫ କରାଯାଇଛି। ଏହି ଘଟଣା ପୂର୍ବତନ ଆମେରିକୀୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ କାଲିଫର୍ଣ୍ଣିଆ ଗସ୍ତ ପୂର୍ବରୁ ଘଟିଥିବାରୁ ସୁରକ୍ଷା ଏଜେନ୍ସିମାନେ ସତର୍କ ହୋଇପଡ଼ିଛନ୍ତି।
ଗିରଫ ବ୍ୟକ୍ତିଙ୍କ ପରିଚୟଜିନିନ୍ ଜନ୍ ଟାଏଲେ (୩୮)ବୋଲି ଜଣାପଡ଼ିଛି। ସେ ପ୍ରଥମେ ଗଲ୍ଫ କ୍ଲବ୍ରେ ଘୁରିବା ସହ ଫେଡେରାଲ୍ ସୁରକ୍ଷାକର୍ମୀଙ୍କ ଫଟୋ ଓ ଭିଡିଓ ଉଠାଉଥିଲେ। ପରେ ପୁଣି ଫେରି ଆସି ସେ ନିଜକୁଆମେରିକୀୟ ଷ୍ଟେଟ୍ ଡିପାର୍ଟମେଣ୍ଟର ସୁରକ୍ଷା ଦଳର ସଦସ୍ୟବୋଲି ପରିଚୟ ଦେଇଥିଲେ।
ପଚରାଉଚରା ବେଳେ ସେ ନିଜ ଗାଡ଼ିରେ ଏକ ଲୋଡେଡ୍ ପିସ୍ତଲ ଥିବା କଥା ସ୍ୱୀକାର କରିଥିଲେ। ପରେ ପୁଲିସ ତାଙ୍କୁ ଗିରଫ କରି ତଲାସି କରିବା ବେଳେ ତାଙ୍କ ପକେଟରୁ ଗୁଳିଭର୍ତ୍ତି ୧୬ ରାଉଣ୍ଡର ମାଗାଜିନ୍ ମିଳିଥିଲା।
ଗାଡ଼ିରୁ ଏକ୯ ମି.ମି. ପିସ୍ତଲ, ବାଇନୋକୁଲାର ଓ'Security Protection Agent'ଲେଖା ଥିବା ବ୍ୟାଜ୍ ଜବତ କରାଯାଇଥିଲା।
ପରବର୍ତ୍ତୀ ସମୟରେ FBI ତାଙ୍କ ଘରେ ଚଢ଼ାଉ କରି ଏକଅବୈଧ ଭାବେ ପରିବର୍ତ୍ତିତ AR-ଷ୍ଟାଇଲ୍ ରାଇଫଲ୍, ଅନ୍ୟାନ୍ୟ ଅସ୍ତ୍ର, ମାଗାଜିନ୍, ଗୁଳି, ବଡି ଆର୍ମର ଏବଂ ସନ୍ଦେହଜନକ ଟିପ୍ପଣୀ ଥିବା ନୋଟବୁକ୍ ଜବତ କରିଛି।
FBI ଅଧିକାରୀମାନେ କହିଛନ୍ତି ଯେ ଟ୍ରମ୍ପଙ୍କ ଗସ୍ତ ପୂର୍ବରୁ ଏପରି ଘଟଣାକୁ ଗୁରୁତ୍ୱର ସହ ନିଆଯାଉଛି। ପୂର୍ବରୁ ଟ୍ରମ୍ପଙ୍କ ଉପରେ ଆକ୍ରମଣ ଉଦ୍ୟମ ହୋଇଥିବାରୁ କୌଣସି ବିପଦକୁ ହାଲୁକା ଭାବେ ନିଆଯିବ ନାହିଁ ବୋଲି FBI ସ୍ପଷ୍ଟ କରିଛି।
ବର୍ତ୍ତମାନ ଅଭିଯୁକ୍ତଙ୍କ ବିରୋଧରେ ରାଜ୍ୟ ଓ ଫେଡେରାଲ୍ ସ୍ତରରେ ମାମଲା ରୁଜୁ ହୋଇଛି ଏବଂ ତଦନ୍ତ ଜାରି ରହିଛି।
ବଲାଙ୍ଗିର ଜିଲ୍ଲାର ମୁରିବାହାଲ ଥାନା ଅନ୍ତର୍ଗତ ସରଗୁଳ ଗାଁ...
ଲଗାଣ ବର୍ଷା ଯୋଗୁଁ ରାଜଧାନୀ ଭୁବନେଶ୍ୱରର ଜନଜୀବନ ଅସ୍ତବ୍ୟ...
ଲଗାଣ ବର୍ଷା ଯୋଗୁଁ ରାଜଧାନୀ ଭୁବନେଶ୍ୱରରେ ଜନଜୀବନ ସମ୍ପୂର...
ମୋବାଇଲ ଫୋନ୍ ହଜିଗଲେ କିମ୍ବା ଚୋରି ହେଲେ ଏବେ ଆଉ ଚିନ୍ତା...
