ପବିତ୍ର ଶ୍ରାବଣ ମାସର ଦ୍ୱିତୀୟ ସୋମବାରରେ ସାରା ଓଡ଼ିଶାରେ ଭକ୍ତିମୟ ପରିବେଶ ଦେଖିବାକୁ ମିଳିଛି। ବିଭିନ୍ନ ଶିବମନ୍ଦିରରେ ‘ହର ହର ମହାଦେବ’ ଧ୍ୱନିରେ ପ୍ରକମ୍ପିତ ହୋଇଛି ମନ୍ଦିର ପରିସର। ହଜାର ହଜାର ଭକ୍ତ ମହାଦେବଙ୍କୁ ଜଳାଭିଷେକ କରିବା ପାଇଁ ମନ୍ଦିରରେ ପହଞ୍ଚିଥିଲେ।
ଗଞ୍ଜାମ ଜିଲ୍ଲାର ଋଷିକୁଲ୍ୟା ନଦୀରୁ ପବିତ୍ର ଜଳ ସଂଗ୍ରହ କରି ଏକ ଦଳ କାଉଡ଼ିଆ ଭକ୍ତ ସ୍ୱତନ୍ତ୍ର ଭାବେ ପ୍ରସ୍ତୁତ ପାଲିଙ୍କିରେ ୧୦୮ଟି କଳସ ଜଳ ନେଇ ପ୍ରାୟ ୧୦୦ କିମି ଯାତ୍ରା କରିଛନ୍ତି। ପରେ କୃଷ୍ଣପ୍ରସାଦ ବ୍ଲକ୍ ଅଧୀନ ପରଳା ଗାଁର ମହାଦେବ ବାଲୁଙ୍କେଶ୍ୱର ମନ୍ଦିରରେ ପହଞ୍ଚି ଭକ୍ତମାନେ ମହାଦେବଙ୍କୁ ଜଳାଭିଷେକ କରିଛନ୍ତି।
ଦ୍ୱିତୀୟ ଶ୍ରାବଣ ସୋମବାର ଅବସରରେ ଭୁବନେଶ୍ୱରର ଲିଙ୍ଗରାଜ ମନ୍ଦିର, ପୁରୀର ଲୋକନାଥ ମନ୍ଦିର, ନୟାଗଡ଼ର ଲଡୁବାବା ମନ୍ଦିର, ଢେଙ୍କାନାଳର କପିଳାସ ମନ୍ଦିର ଏବଂ କଟକର ଧବଳେଶ୍ୱର ମନ୍ଦିରରେ ବହୁ ସଂଖ୍ୟାରେ ଭକ୍ତଙ୍କ ସମାଗମ ହୋଇଥିଲା।
କଟକ ଧବଳେଶ୍ୱର ମନ୍ଦିରର ଜଣେ ଭକ୍ତ କହିଛନ୍ତି ଯେ, ରବିବାର ରାତି ପ୍ରାୟ ୯ଟା ସମୟରେ ସେମାନେ ମନ୍ଦିରରେ ପହଞ୍ଚିଥିଲେ। ମନ୍ଦିରରେ ଭକ୍ତଙ୍କ ପାଇଁ ଭଲ ବ୍ୟବସ୍ଥା ହୋଇଥିବାରୁ ସେମାନେ ଶାନ୍ତିପୂର୍ଣ୍ଣ ଭାବେ ମହାଦେବଙ୍କୁ ଜଳ ଅର୍ପଣ କରିଥିଲେ।
ଭକ୍ତମାନେ ଯେପରି ସୁରୁଖୁରୁରେ ମନ୍ଦିରକୁ ଯାଇ ଦର୍ଶନ ଓ ପୂଜାର୍ଚ୍ଚନା କରିପାରିବେ, ସେଥିପାଇଁ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଥିଲା। ଭିଡ଼ ନିୟନ୍ତ୍ରଣ ସହ ଭକ୍ତମାନଙ୍କ ସୁବିଧାକୁ ଗୁରୁତ୍ୱ ଦେଇ ଦର୍ଶନ ଓ ଜଳାଭିଷେକ ବ୍ୟବସ୍ଥାକୁ ସୁସଂଗଠିତ କରାଯାଇଥିଲା।
ୟଶଙ୍କ ଅଭିନୀତ ‘ଟକ୍ସିକ୍: ଏ ଫେୟାରି ଟେଲ୍ ଫର୍ ଗ୍ର...
ଓଡ଼ିଶାରେ ଆସନ୍ତା ପାଞ୍ଚ ଦିନ ଧରି ବ୍ୟାପକ ବର୍ଷା ଜାରି ରହ...
ବେଙ୍ଗାଲୁରୁରେ ‘ଟକ୍ସିକ୍: ଏ ଫେୟାରି ଟେଲ୍ ଫର୍ ଗ୍ର...
ଲଘୁଚାପର ପ୍ରଭାବରେ ବାଲେଶ୍ୱର ଜିଲ୍ଲାରନୀଳଗିରି ଅଞ୍ଚଳରେ ପ...
ଟଲିଉଡ୍ ସୁପରଷ୍ଟାର ମହେଶ ବାବୁଙ୍କ ୫୧ତମ ଜନ୍ମଦିନ ଅବସରରେ...
ଟୋକିଓ/ବେଜିଂ:ଜାପାନର ଦକ୍ଷିଣ ଓକିନାୱା ପ୍ରାନ୍ତରେ ଶନିବାର...
ଓଡ଼ିଶାରେ ବର୍ଷାର ପ୍ରଭାବ ଜାରି ରହିଥିବାବେଳେ ଆସନ୍ତା ଦୁଇ...
‘ରକିଂ ଷ୍ଟାର’ ୟଶ ଓ ନୟନତାରା ପ୍ରଥମଥର ପାଇଁ...
