ବେଙ୍ଗାଲୁରୁରେ ‘ଟକ୍ସିକ୍: ଏ ଫେୟାରି ଟେଲ୍ ଫର୍ ଗ୍ରୋନ୍-ଅପ୍ସ’ର ଟ୍ରେଲର ଲଞ୍ଚ କାର୍ଯ୍ୟକ୍ରମରେ ଫିଲ୍ମର କଳାକାରମାନଙ୍କୁ ନେଇ ଅନେକ ରୋଚକ କଥା ସାମ୍ନାକୁ ଆସିଛି। ଅଭିନେତା ୟଶ ନିଜ ସହକଳାକାର ନୟନତାରା, ତାରା ସୁତାରିଆ ଓ ହୁମା କୁରେଶୀଙ୍କ ଅଭିନୟ ଓ ଅବଦାନ ବିଷୟରେ ମତ ରଖିଛନ୍ତି।

‘ଟକ୍ସିକ୍’ରେ ନୟନତାରା ୟଶଙ୍କ ଭଉଣୀ ଭୂମିକାରେ ଅଭିନୟ କରୁଛନ୍ତି। ପ୍ରମୋସନାଲ୍ କାର୍ଯ୍ୟକ୍ରମରେ କମ୍ ଯୋଗଦେଉଥିବା ନୟନତାରା ଟ୍ରେଲର ଲଞ୍ଚରେ ଉପସ୍ଥିତ ହୋଇ ପ୍ରଶଂସକଙ୍କୁ ଚମକାଇଥିଲେ।

ନୟନତାରାଙ୍କ ପ୍ରତିବଦ୍ଧତାକୁ ପ୍ରଶଂସା କରି ୟଶ କହିଥିଲେ ଯେ, ତାଙ୍କ ତାରିଖ ସମ୍ପର୍କିତ ସମସ୍ୟା ସତ୍ତ୍ୱେ ସେ ଫିଲ୍ମ ପାଇଁ ନିଜର ଶ୍ରେଷ୍ଠ ଦେଇଛନ୍ତି। ତାଙ୍କ ଅଭିନୟ ଚରିତ୍ରକୁ ଅଧିକ ପ୍ରଭାବଶାଳୀ କରିଛି ବୋଲି ୟଶ କହିବା ସହ ନୟନତାରାଙ୍କୁ‘ସବୁଠୁ ବାଡାସ୍ ସିଷ୍ଟର’ବୋଲି ପ୍ରଶଂସା କରିଥିଲେ।

ଅନ୍ୟପକ୍ଷରେ, ନୟନତାରା ମଧ୍ୟ ୟଶଙ୍କୁ ନେଇ ନିଜ ଅନୁଭୂତି ବାଣ୍ଟିଥିଲେ। ସେ କହିଥିଲେ ଯେ, ପରଦାରେ ୟଶଙ୍କ ଯେଉଁ ‘ଲାର୍ଜର-ଦ୍ୟାନ-ଲାଇଫ୍’ ଛବି ଦେଖାଯାଏ, ବାସ୍ତବ ଜୀବନରେ ମଧ୍ୟ ତାଙ୍କ ବ୍ୟକ୍ତିତ୍ୱ ସେହିଭଳି ଲାଗିଥିଲା। ତାଙ୍କୁ ଦେଖି ନୟନତାରା ମଜାକିଆ ଭାବରେ ନିଜକୁ ‘ରକି ଭାଇଙ୍କ ରାଜ୍ୟ’ରେ ପ୍ରବେଶ କରୁଥିବା ଭଳି ଅନୁଭବ କରିଥିବା କହିଥିଲେ।

ଫିଲ୍ମର ଅନ୍ୟ ଜଣେ ଅଭିନେତ୍ରୀ ତାରା ସୁତାରିଆଙ୍କ ଭୂମିକା ମଧ୍ୟ ଫିଲ୍ମ ନିର୍ମାଣ ସମୟରେ ବଢ଼ାଯାଇଥିବା ଜଣାପଡ଼ିଛି। ଏହାସହ ହୁମା କୁରେଶୀଙ୍କ ଅଭିନୟକୁ ମଧ୍ୟ ୟଶ ପ୍ରଶଂସା କରିଛନ୍ତି।