ଭାରତୀୟ ତେଲ ବଜାର ପାଇଁ ଆସିଛି ଏକ ବଡ଼ ଚ୍ୟାଲେଞ୍ଜ।Saudi Aramco ଭାରତୀୟ ରିଫାଇନରମାନଙ୍କୁ କ୍ରୁଡ୍ ତେଲ ଯୋଗାଣ ପରବର୍ତ୍ତୀ ନିର୍ଦ୍ଦେଶ ନ ଆସିବା ପର୍ଯ୍ୟନ୍ତ ବନ୍ଦ କରିଛି।ସାଉଦି ଆରବର ପ୍ରମୁଖ East-West Pipeline ଉପରେ ଆକ୍ରମଣ ପରେ ଏହି ନିଷ୍ପତ୍ତି ଆସିଛି।

ପ୍ରାୟ୧,୨୦୦ କିଲୋମିଟର ଲମ୍ବା East-West Pipelineସାଉଦି ଆରବର ତେଲ ଉତ୍ପାଦନ ଅଞ୍ଚଳକୁ Red Sea ସହ ଯୋଡ଼ିଥାଏ। Strait of Hormuz ଦେଇ ସମୁଦ୍ର ପରିବହନ ବାଧାପ୍ରାପ୍ତ ହେବା ପରେ ଏହି ପାଇପଲାଇନ୍ ସାଉଦି କ୍ରୁଡ୍ ପରିବହନର ଏକ ବିକଳ୍ପ ମାର୍ଗ ଭାବେ ଗୁରୁତ୍ୱ ପାଇଥିଲା।

ରିପୋର୍ଟ ଅନୁସାରେ, ପାଇପଲାଇନ୍ ଉପରେ ଡ୍ରୋନ୍ ଆକ୍ରମଣ ପରେ ଏହାକୁ ବନ୍ଦ କରାଯାଇଛି। ଆକ୍ରମଣ ଇରାକୀ ଭୂଭାଗରୁ ହୋଇଥିବା ନେଇ ରିପୋର୍ଟ ଆସିଛି ଏବଂ ଘଟଣାର ତଦନ୍ତ ଚାଲିଛି।

ଭାରତ ପାଇଁ କାହିଁକି ବଢ଼ିପାରେ ତେଲ ଖର୍ଚ୍ଚ?

Saudi Aramcoର ଟର୍ମ ସପ୍ଲାଏ ବନ୍ଦ ହେବା ପରେ ଭାରତୀୟ ରିଫାଇନରମାନଙ୍କୁ ଅନ୍ୟ ଉତ୍ସରୁ କ୍ରୁଡ୍ କିଣିବାକୁ ପଡ଼ିପାରେ। ତେଲର ବିକଳ୍ପ ବ୍ୟାରେଲ୍ ମିଳିବା ମୁଖ୍ୟ ସମସ୍ୟା ନ ହୋଇପାରେ;ସେଗୁଡ଼ିକ କେତେ ମୂଲ୍ୟରେ ମିଳିବ ଏବଂ ପରିବହନ ଖର୍ଚ୍ଚ କେତେ ହେବ, ତାହା ବଡ଼ ପ୍ରଶ୍ନ।

ବିଶ୍ୱ ବଜାରରେ କ୍ରୁଡ୍ ମୂଲ୍ୟ ଉଚ୍ଚ ଥିବା ସହିତ ଟ୍ୟାଙ୍କର୍ ଫ୍ରେଟ୍ ରେଟ୍ ମଧ୍ୟ ବଢ଼ିଛି। ତେଣୁ ଭାରତୀୟ ରିଫାଇନରମାନଙ୍କ ଉପରେକ୍ରୁଡ୍ ମୂଲ୍ୟ + ପରିବହନ ଖର୍ଚ୍ଚ, ଦୁଇ ଦିଗରୁ ଚାପ ପଡ଼ିପାରେ।

ତେବେ Saudi Arabiaରୁ ଭାରତକୁ କିଛି କ୍ରୁଡ୍ ଅନ୍ୟ ବ୍ୟବସାୟୀଙ୍କ ମାଧ୍ୟମରେ ପହଞ୍ଚିବାର ସମ୍ଭାବନା ରହିଛି। କିଛି spot cargo ବ୍ୟବସାୟୀଙ୍କୁ ବିକ୍ରି ହୋଇଥିବା ଏବଂ ସେଗୁଡ଼ିକ ଭାରତୀୟ ରିଫାଇନରଙ୍କ ପାଖକୁ ଯାଇପାରେ ବୋଲି Economic Times ରିପୋର୍ଟ କରିଛି।

ଭାରତର କ୍ରୁଡ୍ ଆମଦାନିରେ ମଧ୍ୟ ହ୍ରାସ

ଏହି ଘଟଣା ଏମିତି ସମୟରେ ଘଟିଛି, ଯେତେବେଳେ ଅଗଷ୍ଟରେ ଭାରତର କ୍ରୁଡ୍ ତେଲ ଆମଦାନି ହ୍ରାସ ପାଇଛି। ସରକାରୀ ତଥ୍ୟ ଅନୁସାରେ, ଅଗଷ୍ଟରେ ଭାରତ୧୯.୦୧ ମିଲିୟନ୍ ମେଟ୍ରିକ୍ ଟନ୍କ୍ରୁଡ୍ ଆମଦାନି କରିଥିଲା, ଯାହା ଜୁଲାଇ ତୁଳନାରେ ୧୧%ରୁ ଅଧିକ କମ୍। ଗତବର୍ଷ ଅଗଷ୍ଟ ତୁଳନାରେ ମଧ୍ୟ ଏହା ପ୍ରାୟ ୩% କମ୍।

ଆଗକୁ କ’ଣ ହୋଇପାରେ?

Saudi Aramcoର ଯୋଗାଣ କେତେ ଦିନ ବନ୍ଦ ରହିବ, ଭାରତୀୟ ରିଫାଇନରମାନେ କେତେ ଶୀଘ୍ର ବିକଳ୍ପ କ୍ରୁଡ୍ ଯୋଗାଣ ସୁନିଶ୍ଚିତ କରିପାରିବେ ଏବଂ ସେଥିପାଇଁ କେତେ ଖର୍ଚ୍ଚ ହେବ—ଏହି ସବୁ ଉପରେ ପରବର୍ତ୍ତୀ ପ୍ରଭାବ ନିର୍ଭର କରିବ। ଯଦି ବାଧା ଦୀର୍ଘ ସମୟ ଚାଲେ, ତେବେ ଉଚ୍ଚ କ୍ରୁଡ୍ ମୂଲ୍ୟ, ଫ୍ରେଟ୍ ଖର୍ଚ୍ଚ ଓ କମ୍ ଗ୍ଲୋବାଲ୍ ଇନଭେଣ୍ଟରୀ ଭାରତୀୟ ତେଲ କ୍ଷେତ୍ରରେ ଚାପ ବଢ଼ାଇପାରେ।