ଓଡ଼ିଶା ଉଚ୍ଚ ଶିକ୍ଷା ବିଭାଗ ପକ୍ଷରୁ ଛାତ୍ରଛାତ୍ରୀଙ୍କ ପାଇଁ ବଡ଼ ସୁଯୋଗ ସୃଷ୍ଟି କରାଯାଇଛି। ଷ୍ଟୁଡେଣ୍ଟସ୍ ଏକାଡେମିକ୍ ମ୍ୟାନେଜମେଣ୍ଟ ସିଷ୍ଟମ୍ (SAMS) ମାଧ୍ୟମରେ ୨୦୨୬-୨୭ ଶିକ୍ଷାବର୍ଷ ପାଇଁ ଯୁକ୍ତ ତିନି (UG) ପାଠ୍ୟକ୍ରମରେ ଫେଜ୍-୧ ଇ-ଆଡମିଶନ ପ୍ରକ୍ରିୟା ଆରମ୍ଭ ହୋଇଛି।
ସାମ୍ସ ପୋର୍ଟାଲwww.samsodisha.gov.inରେ କମନ୍ ଆପ୍ଲିକେସନ୍ ଫର୍ମ (CAF) ଦାଖଲ ପ୍ରକ୍ରିୟା ବୁଧବାରଠାରୁ ଆରମ୍ଭ ହୋଇଥିବା ବେଳେ ଜୁନ୍ ୧୦ ପର୍ଯ୍ୟନ୍ତ ଆବେଦନ କରାଯାଇପାରିବ।
ଉଚ୍ଚ ଶିକ୍ଷାମନ୍ତ୍ରୀ ସୂର୍ଯ୍ୟବଂଶୀ ସୂରଜ କହିଛନ୍ତି ଯେ, ଛାତ୍ରଛାତ୍ରୀମାନେ ଯେପରି ସମୟମଧ୍ୟରେ ଡିଗ୍ରୀ ପାଠ୍ୟକ୍ରମ ସମାପ୍ତ କରି ପ୍ରତିଯୋଗିତାମୂଳକ ପରୀକ୍ଷା ପାଇଁ ଭଲଭାବେ ପ୍ରସ୍ତୁତ ହୋଇପାରିବେ, ସେଥିପାଇଁ ନୂତନ ଶିକ୍ଷାବର୍ଷ ଜୁଲାଇ ୯ରୁ ଆରମ୍ଭ କରାଯିବ। ପୂର୍ବରୁ ଅଗଷ୍ଟ ମାସରେ ଶିକ୍ଷାବର୍ଷ ଆରମ୍ଭ ହେଉଥିଲା।
ଫେଜ୍-୧ ନାମଲେଖା ପ୍ରକ୍ରିୟା ତିନୋଟି ପର୍ଯ୍ୟାୟରେ କରାଯିବ।
ପ୍ରଥମ ପର୍ଯ୍ୟାୟରେ ଜୁନ୍ ୧୭ରେ ପ୍ରଥମ ମେରିଟ୍ ଲିଷ୍ଟ ପ୍ରକାଶ ପାଇବ ଓ ଜୁନ୍ ୧୮ରୁ ୨୦ ମଧ୍ୟରେ ନାମଲେଖା କରାଯିବ।
ଦ୍ୱିତୀୟ ପର୍ଯ୍ୟାୟରେ ଜୁନ୍ ୨୯ରେ ଦ୍ୱିତୀୟ ମେରିଟ୍ ଲିଷ୍ଟ ପ୍ରକାଶ ପାଇବ ଓ ଜୁନ୍ ୩୦ରୁ ଜୁଲାଇ ୪ ମଧ୍ୟରେ ଆଡମିଶନ ପ୍ରକ୍ରିୟା ହେବ।
ତୃତୀୟ ପର୍ଯ୍ୟାୟରେ ଜୁଲାଇ ୧୭ରେ ସ୍ପଟ୍ ଆଡମିଶନ ଓ ୱେଟିଂ ଲିଷ୍ଟ ଛାତ୍ରଛାତ୍ରୀଙ୍କ ପାଇଁ ଶେଷ ପର୍ଯ୍ୟାୟ ନାମଲେଖା କରାଯିବ।
ରାଜ୍ୟର ୧,୦୫୦ଟି ଶିକ୍ଷାନୁଷ୍ଠାନରେ ମୋଟ ୨.୭୬ ଲକ୍ଷ ସିଟ୍ ଉପଲବ୍ଧ ଥିବା ବେଳେ ସ୍ୱୀକୃତି ରଦ୍ଦ ହୋଇଥିବା ୯ଟି ସ୍ୱୟଂ ଅର୍ଥପୋଷିତ କଲେଜରେ ଆଡମିଶନ ବନ୍ଦ ରଖାଯାଇଛି।
ଏହାପରେ ଫେଜ୍-୨ ନାମଲେଖା ପ୍ରକ୍ରିୟା ଆରମ୍ଭ ହେବ। ଫେଜ୍-୧ରେ ସିଟ୍ ପାଇନଥିବା ଛାତ୍ରଛାତ୍ରୀଙ୍କ ପାଇଁ ଫେଜ୍-୨ ଆଡମିଶନ କରାଯିବ। ଜୁଲାଇ ମାସରେ CHSE ଦ୍ୱାରା ଇନଷ୍ଟାଣ୍ଟ ପରୀକ୍ଷା ଓ ଫଳ ପ୍ରକାଶ ପରେ ଏହି ପ୍ରକ୍ରିୟା ଆରମ୍ଭ ହେବ ବୋଲି ସୂଚନା ମିଳିଛି
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
ସୋସିଆଲ୍ ମିଡିଆରେ‘Hanuman Ansh’ଫିଲ୍ମକୁ ନ...
‘KGF’ ନିର୍ଦ୍ଦେଶକ ପ୍ରଶାନ୍ତ ନୀଲଙ୍କ ସମର୍ଥ...
ଭାରତୀୟ ଫୁଟବଲ ଦଳ ପାଇଁ ଆସନ୍ତା ସେପ୍ଟେମ୍ବର-ଅକ୍ଟୋବର FIF...
ମନୋଜ ବାଜପେୟୀଙ୍କ ଆଗାମୀ ଫିଲ୍ମ **‘Last Man in T...
AI ଦ୍ୱାରା ତିଆରିDeepfakeଓ ମର୍ଫଡ୍ ଫଟୋ-ଭିଡିଓର ଅନଧିକୃତ...
୨୦୨୭ ବିଧାନସଭା ନିର୍ବାଚନ ପୂର୍ବରୁ ଉତ୍ତରପ୍ରଦେଶ, ପଞ୍ଜାବ...
ଚାଇନା ମାଷ୍ଟର୍ସ ୨୦୨୬ରେ ଭାରତୀୟ ଅଭିଯାନ ନିରାଶାଜନକ ଭାବେ...
ଇଂଲଣ୍ଡ ଓ ପାକିସ୍ତାନ ମଧ୍ୟରେ ଲର୍ଡ୍ସରେ ଚାଲିଥିବା ଟେଷ୍ଟକ...
ଆଫଗାନିସ୍ତାନ ବିପକ୍ଷ ଆଗାମୀ T20I ସିରିଜ୍ ପାଇଁ ଭାରତୀୟ ଦ...
ଲିଓନେଲ ମେସି ଓ ଆର୍ଜେଣ୍ଟିନାର କାହାଣୀ ସାଧାରଣ ଫୁଟବଲ୍&zw...
ଆମେରିକା ଓ କାନାଡା ମଧ୍ୟରେ ବାଣିଜ୍ୟ ଚୁକ୍ତି ହେବା ନେଇ ଆଶ...
