ଉପର ମୁଣ୍ଡ ଅଞ୍ଚଳରେ ଲଗାତାର ବର୍ଷା ହେବା ପରେ ଭଦ୍ରକ ଜିଲ୍ଲାରସାଳନ୍ଦୀ ନଦୀର ଜଳସ୍ତର ପୁଣି ବଢ଼ିବାରେ ଲାଗିଛି, ଯାହାକୁ ନେଇ ତଳିଆ ଅଞ୍ଚଳରେ ପୁଣି ବନ୍ୟା ଆଶଙ୍କା ଦେଖାଦେଇଛି। ପୂର୍ବ ବନ୍ୟାରୁ ସାମାନ୍ୟ ସ୍ୱସ୍ତି ପାଇଥିବା ଲୋକେ ଏବେ ପୁଣି ଚିନ୍ତାରେ ପଡ଼ିଛନ୍ତି।
ସରକାରୀ ସୂଚନା ଅନୁସାରେ,ରାଜଘାଟରେ ସାଳନ୍ଦୀ ନଦୀର ଜଳସ୍ତର 16.30 ଫୁଟ୍ରହିଛି, ଯାହା ବିପଦ ସଙ୍କେତ17 ଫୁଟ୍ଠାରୁ ଅଳ୍ପ ତଳେ ଅଛି। ତେବେ ଲଗାତାର ବର୍ଷା ହେଲେ ଜଳସ୍ତର ଆହୁରି ବଢ଼ିପାରେ ବୋଲି ଆଶଙ୍କା କରାଯାଉଛି।
ତାଳଗୋପବିନ୍ଧା ଓ ତିଆଡ଼ି ସାହିକୁ ସଂଯୋଗ କରୁଥିବା ପୋଲ ଉପରେ ପ୍ରାୟ ଦୁଇ ଫୁଟ୍ ଉଚ୍ଚରେ ବନ୍ୟାଜଳ ପ୍ରବାହିତ ହେଉଛି।ଏହାଫଳରେ ନରସିଂହପୁର, ତିଆଡ଼ି ସାହି, ସିଆଳ ସାହି, ମାତାଗଜପୁର, ହଟନଗର ଓ ନିଠାପଦା ଭଳି ଅନେକ ଗାଁ ଏକ ସପ୍ତାହରୁ ଅଧିକ ସମୟ ଧରି ବିଚ୍ଛିନ୍ନ ଅବସ୍ଥାରେ ରହିଛି।
ଗ୍ରାମବାସୀଙ୍କ କହିବା ଅନୁସାରେ, କିଛି ଦିନ ପୂର୍ବରୁ ଜଳସ୍ତର ସାମାନ୍ୟ କମିଥିଲା। କିନ୍ତୁ ପୁଣି ଉପରମୁଣ୍ଡରେ ବର୍ଷା ହେବାରୁ ନଦୀ ଫୁଲିବା ଆରମ୍ଭ କରିଛି। ଏହା ଜାରି ରହିଲେ ଅଧିକ ଅଞ୍ଚଳ ଜଳମଗ୍ନ ହେବାର ଆଶଙ୍କା ରହିଛି।
ସ୍ଥାନୀୟ ଲୋକେ ପୋଲ ନିକଟରେ କାଠଗଣ୍ଡି ଓ ଆବର୍ଜନା ଜମି ନଦୀର ପ୍ରବାହ ବାଧାପ୍ରାପ୍ତ ହେଉଥିବା ନେଇ ମଧ୍ୟ ଚିନ୍ତା ପ୍ରକାଶ କରିଛନ୍ତି। ସେମାନେ ପ୍ରଶାସନକୁ ସ୍ଥିତି ଉପରେ କଡ଼ା ନଜର ରଖିବା ସହ ନୂଆ ପୋଲ ନିର୍ମାଣ କାମ ଶୀଘ୍ର ଆରମ୍ଭ କରିବାକୁ ଦାବି କରିଛନ୍ତି।
ଜଣେ ସ୍ଥାନୀୟ ବାସିନ୍ଦା କହିଛନ୍ତି ଯେ, ପଞ୍ଚାୟତର ଦୁଇଟି ୱାର୍ଡର ପ୍ରାୟ ୫୦୦ ଲୋକ ଏବେ ବନ୍ୟାଜଳ ମଧ୍ୟରେ ଫସି ରହିଛନ୍ତି। ସରକାରଙ୍କ ସହାୟତାରେ ମିଳୁଥିବା ଖାଦ୍ୟ ଉପରେ ସେମାନେ ନିର୍ଭର କରୁଛନ୍ତି।
ଅନ୍ୟ ଜଣେ ବୃଦ୍ଧ କହିଛନ୍ତି, ଗାଁ ଭିତରେ ପାଣିର ସ୍ରୋତ ବହୁତ ତୀବ୍ର ରହିଛି। ଲୋକେ ଜୀବନକୁ ବାଜି ଲଗାଇ ଦୋକାନକୁ ଯାଉଛନ୍ତି, କିନ୍ତୁ ଆବଶ୍ୟକ ସାମଗ୍ରୀ ମଧ୍ୟ ମିଳୁନାହିଁ।
ଏହି ପରିସ୍ଥିତିରେ ସମସ୍ତଙ୍କ ନଜର ସାଳନ୍ଦୀ ନଦୀର ଜଳସ୍ତର ଉପରେ ରହିଛି। ବିପଦ ସଙ୍କେତ ଅତିକ୍ରମ ନ କରୁ ବୋଲି ସ୍ଥାନୀୟ ଲୋକେ ପ୍ରାର୍ଥନା କରୁଛନ୍ତି।
ଜନ୍ତର ମନ୍ତରରେ ହୋଇଥିବା ସମ୍ପ୍ରତିର ପ୍ରତିବାଦକୁ ନେଇ ପ୍ର...
ଲକ୍ଷ୍ଣୌ:ଉତ୍ତର ପ୍ରଦେଶର ରାୟବରେଲୀ ଜିଲ୍ଲାରେ ଏକ ଚାଞ୍ଚଲ୍...
ନବରଙ୍ଗପୁର ଜିଲ୍ଲାରଉମରକୋଟସହରରେ ଦିନ ଦ୍ୱିପ୍ରହରରେ ଘଟିଥି...
ଓଡ଼ିଶାର ସରକାରୀ ବିଦ୍ୟାଳୟଗୁଡ଼ିକରେ ମୌଳିକ ସୁବିଧାରେ ବଡ଼...
ଗଞ୍ଜାମ ଜିଲ୍ଲା ବ୍ରହ୍ମପୁରସ୍ଥିତ ଏମ୍‌କେସିଜି ମେଡିକ...
ଭୁବନେଶ୍ୱର ଉପକଣ୍ଠବାଲିଅନ୍ତା ବଜାରରେ ଥିବା ଏକSBI ATMରୁ...
ପ୍ରଥମ ଶ୍ରେଣୀ ପାଠ୍ୟପୁସ୍ତକକୁ ନେଇ ଚାଲିଥିବା ବିବାଦ ମଧ୍ୟ...
ଦେଶର ଉଚ୍ଚଶିକ୍ଷା ବ୍ୟବସ୍ଥାରେ ଏକ ବଡ଼ ପରିବର୍ତ୍ତନ ଆଣିଛି...
