ଭାରତୀୟ ଟଙ୍କା ଉପରେ ଚାପ ଜାରି ରହିଛି। ସୋମବାର ସପ୍ତାହର ପ୍ରଥମ କାରବାର ଦିନରେ ଟଙ୍କା ଆମେରିକୀୟ ଡଲାର ତୁଳନାରେ ୯୬.୨୦ରେ ଖୋଲିଥିଲା। ପରେ ଏହା ଆହୁରି ଦୁର୍ବଳ ହୋଇ ୯୬.୨୬ ପ୍ରତି ଡଲାରରେ ପହଞ୍ଚିଥିଲା, ଯାହା ପୂର୍ବ ବନ୍ଦ ତୁଳନାରେ ୧ ପଇସା ଦୁର୍ବଳ।

ଟଙ୍କା ଉପରେ ଚାପର ମୁଖ୍ୟ କାରଣ ହେଉଛି ଅଶୋଧିତ ତେଲର ଉଚ୍ଚ ଦର ଏବଂ ବିଦେଶୀ ନିବେଶକଙ୍କ ଲଗାତାର ବିକ୍ରି। Brent crude futures ସୋମବାର ପ୍ରାୟ ୦.୮୯% କମିଥିଲେ ମଧ୍ୟ ପ୍ରତି ବ୍ୟାରେଲ୍‌ ପ୍ରାୟ ୧୦୧.୩୪ ଡଲାରରେ କାରବାର କରୁଥିଲା।

ତେଲ ଦର ବଢ଼ିଲେ ଭାରତର ଆମଦାନି ବିଲ୍ ବଢ଼ିଥାଏ। ଏହା ଫଳରେ ଡଲାରର ଚାହିଦା ବଢ଼ି ଟଙ୍କା ଉପରେ ଅଧିକ ଚାପ ସୃଷ୍ଟି ହୋଇପାରେ। ଏହା ସହ ଆମେରିକୀୟ ଡଲାରର ଶକ୍ତି ଏବଂ Foreign Portfolio Investors (FPI)ଙ୍କ ବିକ୍ରି ମଧ୍ୟ ଟଙ୍କା ପାଇଁ ଚିନ୍ତାର କାରଣ ହୋଇଛି। 

ଏହି ସମୟରେ RBI ଟଙ୍କାରେ ଅତ୍ୟଧିକ ଉତ୍ତାର-ଚଢ଼ାଉ ରୋକିବା ପାଇଁ ବଜାରରେ ହସ୍ତକ୍ଷେପ କରୁଥିବା ବୋଲି Forex traders କହିଛନ୍ତି। RBIର ହସ୍ତକ୍ଷେପର ପ୍ରଭାବ ଦେଶର ବିଦେଶୀ ମୁଦ୍ରା ଭଣ୍ଡାରରେ ମଧ୍ୟ ଦେଖାଯାଇଛି। ସେପ୍ଟେମ୍ବର ୨୫ରେ ଶେଷ ହୋଇଥିବା ସପ୍ତାହରେ ଭାରତର Forex reserves ୧୮.୩୪୩ ବିଲିୟନ ଡଲାର କମି ୭୪୭.୫୫୭ ବିଲିୟନ ଡଲାର ହୋଇଛି।

ବଜାରର ନଜର ଏବେ RBIର ମୁଦ୍ରାନୀତି ନିଷ୍ପତ୍ତି, ଆମେରିକାର Services data ଏବଂ Federal Reserve minutes ଉପରେ ରହିଛି। ଏହା ସହ ମଧ୍ୟପ୍ରାଚ୍ୟର ପରିସ୍ଥିତି ଏବଂ Saudi Arabiaର ତେଲ ଅବକାଠା ସମ୍ପର୍କିତ ଖବର ମଧ୍ୟ ତେଲ ଦର ଓ USD/INR ଉପରେ ପ୍ରଭାବ ପକାଇପାରେ।