ବାଲେଶ୍ୱର ଜିଲ୍ଲା ଭୋଗରାଇ ବ୍ଲକର ଏକ ଜଙ୍ଗଲରୁ ଉଦ୍ଧାର ହୋଇଥିବା ୫ଟି ଓରାଙ୍ଗଉଟାଙ୍କ ଭବିଷ୍ୟତକୁ ନେଇ ଏବେ ଆସିଛି ବଡ଼ ସୂଚନା। ଏହି ଓରାଙ୍ଗଉଟାମାନଙ୍କୁ ନନ୍ଦନକାନନ ଜୁଲୋଜିକାଲ ପାର୍କରେ ସ୍ଥାୟୀ ଭାବେ ରଖିବାକୁ ଓଡ଼ିଶା ସରକାର କେନ୍ଦ୍ରୀୟ ଚିଡ଼ିଆଖାନା କର୍ତ୍ତୃପକ୍ଷଙ୍କ (CZA) ନିକଟରେ ଅନୁମତି ମାଗିଛନ୍ତି।
ବୁଧବାର ଜଙ୍ଗଲ ଓ ପରିବେଶ ମନ୍ତ୍ରୀ ଗଣେଶ ରାମ ସିଂହ ଖୁଣ୍ଟିଆ ଏନେଇ ସୂଚନା ଦେଇଛନ୍ତି। ବାଲେଶ୍ୱରରୁ ଉଦ୍ଧାର ପରେ ୫ ଓରାଙ୍ଗଉଟାଙ୍କୁ ଭୁବନେଶ୍ୱର ନନ୍ଦନକାନନକୁ ଅଣାଯାଇଥିଲା। ପ୍ରଥମେ ସେମାନଙ୍କୁ କ୍ୱାରେଣ୍ଟାଇନରେ ରଖାଯାଇ ସ୍ୱାସ୍ଥ୍ୟ ପରୀକ୍ଷା କରାଯାଇଥିଲା। ବର୍ତ୍ତମାନ ସେମାନେ ନନ୍ଦନକାନନର ଏକ ଆଇସୋଲେଟେଡ୍ ଏନକ୍ଲୋଜରରେ ରହୁଛନ୍ତି।
ମନ୍ତ୍ରୀ ଖୁଣ୍ଟିଆ କହିଛନ୍ତି ଯେ, ନନ୍ଦନକାନନରେ ଓରାଙ୍ଗଉଟାମାନଙ୍କର ଉପଯୁକ୍ତ ଯତ୍ନ ନିଆଯାଉଛି। ସେମାନଙ୍କୁ ଏଠାରେ ସ୍ଥାୟୀ ଭାବେ ରଖିବା ପାଇଁ ସରକାର CZAର ଅନୁମତି ଲୋଡ଼ିଛନ୍ତି।
ଏହି ଓରାଙ୍ଗଉଟାମାନେ ନନ୍ଦନକାନନର ଆକର୍ଷଣକୁ ଆହୁରି ବଢ଼ାଇପାରନ୍ତି ବୋଲି ମନ୍ତ୍ରୀ କହିଛନ୍ତି। ଏହାଦ୍ୱାରା ନନ୍ଦନକାନନକୁ ଅଧିକ ପର୍ଯ୍ୟଟକ ଆସିବାର ସମ୍ଭାବନା ମଧ୍ୟ ରହିଛି।
ଅନ୍ୟପଟେ, ଏହି ୫ ଓରାଙ୍ଗଉଟାଙ୍କୁ କିଏ ଓ କେଉଁଠାରୁ ଓଡ଼ିଶାକୁ ଆଣିଥିଲା, ସେନେଇ ତଦନ୍ତ ଜାରି ରହିଛି। ତଦନ୍ତକାରୀ ଟିମ୍ ବିମାନବନ୍ଦର ଓ ରେଳ ଷ୍ଟେସନର CCTV ଫୁଟେଜ୍ ଯାଞ୍ଚ କରୁଛି।
ଏଥିସହ ଜଳପଥ ଦେଇ ଓରାଙ୍ଗଉଟାମାନଙ୍କୁ ଓଡ଼ିଶାକୁ ଅଣାଯାଇଥିବା ସମ୍ଭାବନା ନେଇ କୋଷ୍ଟଗାର୍ଡ ସହ ମଧ୍ୟ ଆଲୋଚନା କରାଯାଉଛି।
ଦେଶର ବିଭିନ୍ନ ଚିଡ଼ିଆଖାନା କର୍ତ୍ତୃପକ୍ଷଙ୍କ ସହ ମଧ୍ୟ ବନ ବିଭାଗ ଯୋଗାଯୋଗରେ ରହିଛି। କୌଣସି ଚିଡ଼ିଆଖାନାରୁ ଓରାଙ୍ଗଉଟାମାନଙ୍କୁ ଚୋରି କରାଯାଇ ଓଡ଼ିଶାକୁ ଅଣାଯାଇଛି କି ନାହିଁ, ତାହା ମଧ୍ୟ ଯାଞ୍ଚ କରାଯାଉଛି।
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍ରମର...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ସୁଯୋଗ ମିଳ...
ଦିଲ୍ଲୀର ସତ୍ୟ ନିକେତନ ଅଞ୍ଚଳରେ ୫ ମହଲା କୋଠା ଭୁଶୁଡ଼ି ୭...
ନୂଆଦିଲ୍ଲୀ:ଭାରତୀୟ ବାୟୁସେନା (IAF) ନିଜର ପରିବହନ ବିମାନ...
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ଭବିଷ୍ୟତ ବିଷୟରେ ଜାଣିବା ପାଇଁ ଲୋକଙ୍କୁ ଜ୍ୟୋତିଷଙ୍କ ସହ ଯ...
ଗୁଜରାଟର ଜାମନଗରସ୍ଥିତ ଇଣ୍ଡିଆନ୍ ବ୍ୟାଙ୍କର ରଣଜିତସାଗର ରୋ...
ବାଲେଶ୍ୱର ଜିଲ୍ଲାରେ ସାମାଜିକ ସୁରକ୍ଷା ଭତ୍ତା ପାଣ୍ଠି ହେର...
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମୁମ୍ବାଇ ଗସ୍ତ ପୂର୍ବର...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
