ରାୟଗଡା ଜିଲ୍ଲାରେ ନିଖିଲ ହତ୍ୟାକାଣ୍ଡକୁ ନେଇ ପୁଣିଥରେ ଉତ୍ତେଜନା ଦେଖାଦେଇଛି। ଶନିବାର ପିଟିଲା ସାହି ଓ ରେଲି ସାହିର ଯୁବକମାନଙ୍କ ମଧ୍ୟରେ ବିବାଦ ସୃଷ୍ଟି ହୋଇ ପରିସ୍ଥିତି ଉତ୍ତପ୍ତ ହୋଇଯାଇଥିଲା। ଉଭୟ ଗୋଷ୍ଠୀ ମୁହାଁମୁହିଁ ହେବା ପରେ ତୀବ୍ର ବଚସା ସହ ହାତାହାତି ଘଟିଥିଲା।
ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ, ଘଟଣାଟି ଟାଉନ ଥାନା ସମ୍ମୁଖରେ ଅଧିକ ଉତ୍ତେଜନାପୂର୍ଣ୍ଣ ରୂପ ନେଇଥିଲା। ଏହି ସମୟରେ ପଥର ମାଡ଼ ହୋଇଥିବାରୁ ସ୍ଥାନୀୟ ଅଞ୍ଚଳରେ ଆତଙ୍କ ସୃଷ୍ଟି ହୋଇଥିଲା।
ଏହି ଘଟଣାରେ ପିଟିଲା ସାହିର ଅନ୍ନମାଝି ଜାକ୍କା ଓ ତ୍ରିନାଥ ମେଲେକା ଆହତ ହୋଇଥିବା ବେଳେ ରେଲି ସାହିର ଶୁଣ୍ଡି ସୁରଜ ମଧ୍ୟ ଆହତ ହୋଇଛନ୍ତି। ପୁଲିସ ତୁରନ୍ତ ଆହତମାନଙ୍କୁ ରାୟଗଡା ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇ ଚିକିତ୍ସା ବ୍ୟବସ୍ଥା କରିଥିଲା।
ପରିସ୍ଥିତିକୁ କାବୁ କରିବା ପାଇଁ ପୁଲିସ ପକ୍ଷରୁ ସହରର ବିଭିନ୍ନ ସ୍ଥାନରେ ଅତିରିକ୍ତ ପୁଲିସ ବଳ ମୁତୟନ କରାଯାଇଛି। ଆଇନଶୃଙ୍ଖଳା ପରିସ୍ଥିତି ନିୟନ୍ତ୍ରଣରେ ରଖିବାକୁ ପ୍ରଶାସନ ସ୍ଥାନୀୟ ଲୋକଙ୍କୁ ଶାନ୍ତି ବଜାୟ ରଖିବା ସହ ପୁଲିସକୁ ସହଯୋଗ କରିବାକୁ ଅନୁରୋଧ କରିଛି।
ପ୍ରାଥମିକ ତଦନ୍ତରୁ ଏହି ଗଣ୍ଡଗୋଳ ନିଖିଲ ହତ୍ୟାକାଣ୍ଡକୁ କେନ୍ଦ୍ର କରି ହୋଇଥିବା ସନ୍ଦେହ କରାଯାଉଛି। ତେବେ ପୁଲିସ ପକ୍ଷରୁ ଏନେଇ ବିସ୍ତୃତ ସୂଚନା ଦିଆଯାଇନାହିଁ। ଉଭୟ ପକ୍ଷରୁ ମଧ୍ୟ କୌଣସି ଅଧିକୃତ ପ୍ରତିକ୍ରିୟା ମିଳିନାହିଁ।
ଏହାପୂର୍ବରୁ ନିଖିଲ ହତ୍ୟାକାଣ୍ଡ ମାମଲାରେ ପୁଲିସ ତଦନ୍ତକୁ ତୀବ୍ର କରିଥିବା ବେଳେ ଓଡ଼ିଶା ଓ ପଡ଼ୋଶୀ ରାଜ୍ୟଗୁଡ଼ିକରେ ଚଢ଼ାଉ ଜାରି ରଖିଛି। ପୁଲିସ ଏପର୍ଯ୍ୟନ୍ତ ମୁଖ୍ୟ ଅଭିଯୁକ୍ତ ଉମେଶ ହିଆଲଙ୍କ ସହ ୯ ଜଣଙ୍କୁ ଗିରଫ କରିଥିବା ବେଳେ ଏହି ଘଟଣାରେ ମୋଟ ୨୧ ଜଣଙ୍କ ସମ୍ପୃକ୍ତି ଥିବା ସନ୍ଦେହ କରାଯାଉଛି।
ପୁଲିସ ପରିସ୍ଥିତି ଉପରେ କଡ଼ା ନଜର ରଖିଥିବା ବେଳେ ସହରରେ ଶାନ୍ତି ଓ ଆଇନଶୃଙ୍ଖଳା ରକ୍ଷା ପାଇଁ ଆବଶ୍ୟକ ପଦକ୍ଷେପ ନେଉଛି।
ନୂଆଦିଲ୍ଲୀ:ଭାରତୀୟ ବାୟୁସେନା (IAF) ନିଜର ପରିବହନ ବିମାନ...
ନେଟଫ୍ଲିକ୍ସର ନୂଆ କୋରିଆନ୍ ଥ୍ରିଲର୍ ସିରିଜ୍‘ମାଉସ୍...
ଆମେରିକା ଓ କାନାଡା ମଧ୍ୟରେ ବାଣିଜ୍ୟ ଚୁକ୍ତି ହେବା ନେଇ ଆଶ...
ଇଂଲଣ୍ଡ ଓ ପାକିସ୍ତାନ ମଧ୍ୟରେ ଲର୍ଡ୍ସରେ ଚାଲିଥିବା ଟେଷ୍ଟକ...
୨୦୨୭ ବିଧାନସଭା ନିର୍ବାଚନ ପୂର୍ବରୁ ଉତ୍ତରପ୍ରଦେଶ, ପଞ୍ଜାବ...
ତାପସୀ ପନ୍ନୁ ଏମିତି ମହିଳା ଚରିତ୍ରରେ ଅଭିନୟ କରିବା ପାଇଁ...
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
ଅଭିନେତ୍ରୀରଶ୍ମିକା ମନ୍ଦାନାନିକଟରେ ହୋଇଥିବା ତାଙ୍କ ହିପ୍...
ଅଭିନେତା ଓ ଗାୟକ ଅସୀମ ରିଆଜ୍ ଅସୀମ କହିଥି...
