ଭାରତୀୟ ପାଣିପାଗ ବିଭାଗ (IMD)ର ସୂଚନା ଅନୁଯାୟୀ, ବଙ୍ଗୋପସାଗରରେ ସୃଷ୍ଟ ସକ୍ରିୟ ଅବପାତ ବର୍ତ୍ତମାନ ମଧ୍ୟ ଛତିଶଗଡ଼ ଓ ଉତ୍ତର ଆଭ୍ୟନ୍ତରୀଣ ଓଡ଼ିଶା ଅଞ୍ଚଳରେ କେନ୍ଦ୍ରୀଭୂତ ରହିଛି। ଏହି ପ୍ରଣାଳୀ ଆସନ୍ତା ୨୪ ଘଣ୍ଟା ମଧ୍ୟରେ ପଶ୍ଚିମ ଦିଗକୁ ଗତି କରି ଛତିଶଗଡ଼ ଓ ପୂର୍ବ ମଧ୍ୟପ୍ରଦେଶ ଦେଇ ଅଗ୍ରସର ହେବ।
ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ରର ପୂର୍ବାନୁମାନ ଅନୁସାରେ, ଏହାର ପ୍ରଭାବରେ ଗୁରୁବାର ଠାରୁ ରାଜ୍ୟରେ ବର୍ଷାର ତୀବ୍ରତା କମିବ। ତେବେ ସାରା ରାଜ୍ୟରେ ବର୍ଷା କମିଥିଲେ ମଧ୍ୟ ୧୮ଟି ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ ଜାରି କରାଯାଇଛି।
ଏହି ଜିଲ୍ଲାଗୁଡ଼ିକ ହେଲେ— ମାଲକାନଗିରି, କୋରାପୁଟ, ରାୟଗଡ଼ା, ଗଞ୍ଜାମ, ଗଜପତି, ନୟାଗଡ଼, ଖୋର୍ଦ୍ଧା, ପୁରୀ, କେନ୍ଦ୍ରାପଡ଼ା, ଜଗତସିଂହପୁର, କଟକ, ଯାଜପୁର, ଭଦ୍ରକ, ବାଲେଶ୍ୱର, ମୟୂରଭଞ୍ଜ, କେନ୍ଦୁଝର, ସୁନ୍ଦରଗଡ଼ ଓ ଝାରସୁଗୁଡ଼ା।
ଏହି ସବୁ ଜିଲ୍ଲାରେ ବଜ୍ରପାତ, ଘଡ଼ଘଡ଼ି ସହ ବର୍ଷା ଏବଂ ଘଣ୍ଟାପ୍ରତି ୩୦ରୁ ୪୦ କିଲୋମିଟର ବେଗରେ ପବନ ବହିବାର ସମ୍ଭାବନା ରହିଛି।
ପାଣିପାଗ ବିଭାଗର ପୂର୍ବାନୁମାନ ଅନୁସାରେ, ଆସନ୍ତା ୨୪ ଘଣ୍ଟା ପରେ ତିନି ଦିନ ଧରି ରାଜ୍ୟରେ ବର୍ଷାର ପରିମାଣ କମିବ। ତେବେ ଅଗଷ୍ଟ ୨ରୁ ୪ ତାରିଖ ମଧ୍ୟରେ ପୁଣି ଏକ ପ୍ରବଳ ବର୍ଷା ପର୍ଯ୍ୟାୟ ଆରମ୍ଭ ହେବାର ସମ୍ଭାବନା ରହିଛି।
ଭୁବନେଶ୍ୱର IMD ନିର୍ଦ୍ଦେଶିକା ମନୋରମା ମହାନ୍ତି କହିଛନ୍ତି, “ଜୁଲାଇ ୩୦ରୁ ଅଗଷ୍ଟ ୧ ମଧ୍ୟରେ ପ୍ରବଳ ବର୍ଷାର କୌଣସି ସମ୍ଭାବନା ନାହିଁ। ତେବେ ରାଜ୍ୟର ବିଭିନ୍ନ ସ୍ଥାନରେ ହାଲୁକାରୁ ମଧ୍ୟମ ଧରଣର ବର୍ଷା ହେବ। ଉପକୂଳ ଅଞ୍ଚଳ ସମେତ ମୟୂରଭଞ୍ଜ, କେନ୍ଦୁଝର ଓ ସୁନ୍ଦରଗଡ଼ରେ ବଜ୍ରପାତ, ଘଡ଼ଘଡ଼ି ଏବଂ ଦମକା ପବନ ସହ ବର୍ଷା ହେବାର ସମ୍ଭାବନା ରହିଛି।”
UPI ପେମେଣ୍ଟରେ ନୂଆ MDR ଲାଗୁ ହେବା ପରେ ଏହାର ଅତିରିକ୍ତ...
ଭାରତୀୟ ଟି-୨୦ ଦଳରେ ସ୍ଥାନ ପାଇବା ପାଇଁ ବୈଭବ ସୂର୍ଯ୍ୟବଂଶ...
ରୁଷରୁ ତେଲ ଓ ଅନ୍ୟ ଶକ୍ତି ଉତ୍ପାଦ କିଣୁଥିବା ଦେଶଗୁଡ଼ିକ ଉ...
ପ୍ଲାଷ୍ଟିକ୍ ବୋତଲରେ ଘର!ଶୁଣିବାକୁ ଅଜବ ଲାଗିଲେ ମଧ୍ୟ ବାଂଲ...
ଭାରତୀୟ କ୍ରିକେଟ୍ ଦଳର ହ୍ୱାଇଟ୍-ବଲ୍ ସେଟ୍ଅପ୍କୁ ହାର୍ଦ୍ଦି...
ରକ୍ତଦାନ ବ୍ୟବସ୍ଥାକୁ ଆହୁରି ସୁସଂଗଠିତ ଓ ଟ୍ରାକ୍‌ଯୋ...
ଆଫଗାନିସ୍ତାନ ବିପକ୍ଷ ତୃତୀୟ ଟି-୨୦ରେ ଅଭିଷେକ ଶର୍ମାଙ୍କ ଧ...
ମଧ୍ୟପ୍ରଦେଶର ବାଲାଘାଟ ଜିଲ୍ଲାର କିରନାପୁରରେ ପୁଲିସ କାର୍ଯ...
ପାକିସ୍ତାନରେ ଇନ୍ଧନ ଓ ଅନ୍ତର୍ଜାତୀୟ ତୈଳ ମୂଲ୍ୟକୁ ନେଇ ଚା...
ଭାରତ-ଆଫଗାନିସ୍ତାନ ‘ଫ୍ରେଣ୍ଡସିପ୍ କପ୍’ ସିର...
ଅଗଷ୍ଟ ୨୬ରେ ନେପାଳ-ଚୀନ୍ ସୀମା ନିକଟ ହିମାଳୟ ଅଞ୍ଚଳରେ ଘଟି...
ଦିଲ୍ଲୀ ୟୁନିଭର୍ସିଟିରDUSU ନିର୍ବାଚନ ୨୦୨୬ରେ ଏଥର କେବଳ କ...
