ପୁରୀ ଜିଲ୍ଲା ଗୋପାଳପୁର ଗାଁରେ ଶୁକ୍ରବାର ପୋଲିସର ବଡ଼ ଚଢ଼ାଉରେ ବିପୁଳ ପରିମାଣର ଗଞ୍ଜେଇ ସହ କୋଟି କୋଟି ଟଙ୍କା ଜବତ ହୋଇଥିବା ଜଣାପଡ଼ିଛି। ଫାର୍ମାସି କଲେଜ ନିକଟରେ ଠିକାଦାର ଚନ୍ଦ୍ରଧ୍ୱଜ ପାତ୍ରଙ୍କ ଏକ ଭଡ଼ା ଘରେ ଏହି ଚଢ଼ାଉ କରାଯାଇଥିଲା।
ସୂଚନା ଅନୁସାରେ, ଦୁଇ ଜଣ ବ୍ୟକ୍ତି ଉକ୍ତ ଘରକୁ ଭଡ଼ାରେ ନେଇ ଗଞ୍ଜେଇ ସମ୍ପର୍କିତ କାରବାର ଚଳାଉଥିବା ନେଇ ପେଣ୍ଠକଟା ପୋଲିସକୁ ଗୁପ୍ତ ସୂଚନା ମିଳିଥିଲା। ଏହାପରେ ପୋଲିସ ଟିମ୍ ଭଡ଼ା ଘରେ ଚଢ଼ାଉ କରିଥିଲା।
ଚଢ଼ାଉ ସମୟରେ ପୋଲିସ ପ୍ରାୟ ୧୭୬ଟି ପ୍ୟାକେଟ୍ରେ ଥିବା ୧ କ୍ୱିଣ୍ଟାଲ ଗଞ୍ଜେଇ ଜବତ କରିଥିଲା। ଗଞ୍ଜେଇ ଉଦ୍ଧାର କରିବା ସମୟରେ ଘର ଭିତରେ ଲୁଚାଇ ରଖାଯାଇଥିବା ବିପୁଳ ପରିମାଣର ନଗଦ ଟଙ୍କା ମଧ୍ୟ ମିଳିଥିଲା। ତେବେ ଜବତ ଟଙ୍କାର ନିର୍ଦ୍ଦିଷ୍ଟ ପରିମାଣ ସମ୍ପର୍କରେ ତତ୍କାଳ ସ୍ପଷ୍ଟ ସୂଚନା ମିଳିନାହିଁ।
ଘଟଣାରେ କାର୍ତ୍ତିକେଶ୍ୱର ସାମନ୍ତରାୟ ଓ ଦେବେନ୍ଦ୍ର ସାହୁଙ୍କୁ ପୋଲିସ ଅଟକ ରଖିଛି। ଉଭୟଙ୍କୁ ଗଞ୍ଜେଇ କାରବାର ସମ୍ପର୍କରେ ପଚରାଉଚରା କରାଯାଉଛି।
ପୋଲିସର ସୂଚନା ଅନୁସାରେ, ଅଭିଯୁକ୍ତମାନେ ଗଞ୍ଜେଇକୁ ଛୋଟ ଛୋଟ ପ୍ୟାକେଟ୍ରେ ପ୍ୟାକ୍ କରି ବିଭିନ୍ନ ସ୍ଥାନକୁ ଯୋଗାଣ କରୁଥିବା ଅଭିଯୋଗ ରହିଛି। ଏହାସହ ବିଭିନ୍ନ ସ୍ଥାନରେ ଗଞ୍ଜେଇ ରଖିବା ପାଇଁ ଡିପୋ ତିଆରି କରିଥିବା ନେଇ ମଧ୍ୟ ପୋଲିସକୁ ସୂଚନା ମିଳିଛି।
ପୁରୀ ଏସ୍ପି ପ୍ରତୀକ ସିଂହ କହିଛନ୍ତି ଯେ, ଦୁଇ ଜଣ ବ୍ୟକ୍ତି ଭଡ଼ା ଘରକୁ ଗଞ୍ଜେଇ ସମ୍ପର୍କିତ କାରବାର ପାଇଁ ବ୍ୟବହାର କରୁଥିବା ସୂଚନା ମିଳିଥିଲା। ସେମାନଙ୍କର ପୂର୍ବରୁ ମଧ୍ୟ ଡ୍ରଗ୍ସ ସମ୍ପର୍କିତ ମାମଲାରେ ସମ୍ପୃକ୍ତି ଥିବା ପୋଲିସ କହିଛି।
ଅଭିଯୁକ୍ତମାନେ ଯେଉଁ ସ୍ଥାନଗୁଡ଼ିକରେ ଗଞ୍ଜେଇ ଡିପୋ ରଖିଥିବା ନେଇ ସୂଚନା ମିଳିଛି, ସେହି ସବୁ ସ୍ଥାନରେ ମଧ୍ୟ ଚଢ଼ାଉ କରାଯିବ ବୋଲି ପୋଲିସ କହିଛି। ଗଞ୍ଜେଇର ଉତ୍ସ ଓ କେଉଁଠାକୁ ଏହା ପଠାଯିବାର ଥିଲା, ସେନେଇ ତଦନ୍ତ ଜାରି ରହିଛି।
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
ଫ୍ରାନ୍ସର ଦକ୍ଷିଣ-ପଶ୍ଚିମ ଅଞ୍ଚଳରେ ଭୟଙ୍କର ଟର୍ନାଡୋ ତାଣ୍...
୨୦୨୭ ବିଧାନସଭା ନିର୍ବାଚନ ପୂର୍ବରୁ ଉତ୍ତରପ୍ରଦେଶ, ପଞ୍ଜାବ...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ନେପାଳର ରାସୁୱା ଜିଲ୍ଲାରେ ଅଗଷ୍ଟ ୨୬ରେ ଘଟିଥିବା ଭୟଙ୍କର ଆ...
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
ଆମେରିକା ଓ କାନାଡା ମଧ୍ୟରେ ବାଣିଜ୍ୟ ଚୁକ୍ତି ହେବା ନେଇ ଆଶ...
ନୂଆଦିଲ୍ଲୀ:ଭାରତୀୟ ବାୟୁସେନା (IAF) ନିଜର ପରିବହନ ବିମାନ...
ଇଂଲଣ୍ଡ ଓ ପାକିସ୍ତାନ ମଧ୍ୟରେ ଲର୍ଡ୍ସରେ ଚାଲିଥିବା ଟେଷ୍ଟକ...
