ବିଶ୍ବ କନିଷ୍ଠ ବନ୍ଧୁକଚାଳନା ଚାମ୍ପିଅନସିପ୍ରେ ଭାରତୀୟ ସୁଟରମାନଙ୍କ ଚମତ୍କାର ପ୍ରଦର୍ଶନ ଜାରି ରହିଛି। ବାଳକ ୧୦ ମିଟର ଏୟାର ରାଇଫଲ୍ ବର୍ଗରେ ଭାରତର ପ୍ରିତମ କେନ୍ଦ୍ରେ ସ୍ବର୍ଣ୍ଣ ପଦକ ଜିତି ଦେଶକୁ ଗୌରବାନ୍ବିତ କରିଛନ୍ତି।
ପୁଣେର ୧୬ ବର୍ଷୀୟ ପ୍ରିତମ ଫାଇନାଲ୍ରେ ୨୫୧.୩ ପଏଣ୍ଟ ସଂଗ୍ରହ କରି ପ୍ରଥମ ସ୍ଥାନ ଅଧିକାର କରିଥିଲେ। ତାଙ୍କର ଏହି ସଫଳତା ଭାରତୀୟ ଦଳ ପାଇଁ ଆଉ ଏକ ସ୍ବର୍ଣ୍ଣିମ ମୁହୂର୍ତ୍ତ ଆଣିଛି।
ଏହି ଇଭେଣ୍ଟରେ ରୁଷର ତିମୋଫେଇ ଆଲେନକୋଭ୍ ରୌପ୍ୟ ପଦକ ହାସଲ କରିଥିବାବେଳେ ନରଓ୍ବେର ଜେନ୍ସ ଓଏଷ୍ଟଲି କାଂସ୍ୟ ପଦକ ଜିତିଥିଲେ।
ଅନ୍ୟପକ୍ଷରେ ବାଳିକା ଦଳଗତ ୨୫ ମିଟର ଇଭେଣ୍ଟରେ ମଧ୍ୟ ଭାରତୀୟ ଦଳ ଉତ୍କୃଷ୍ଟ ପ୍ରଦର୍ଶନ କରି କାଂସ୍ୟ ପଦକ ଜିତିଛି। ଏହି ପଦକ ସହିତ ପ୍ରତିଯୋଗିତାରେ ଭାରତର ମୋଟ ପଦକ ସଂଖ୍ୟା ୧୧ରେ ପହଞ୍ଚିଛି, ଯେଉଁଥିରେ ୫ଟି ସ୍ବର୍ଣ୍ଣ ପଦକ ରହିଛି।
ବିଶ୍ବର ବିଭିନ୍ନ ଦେଶରୁ ୮୦୦ରୁ ଅଧିକ ସୁଟର ଏହି ଚାମ୍ପିଅନସିପ୍ରେ ଅଂଶଗ୍ରହଣ କରିଛନ୍ତି। ଭାରତ ପକ୍ଷରୁ ୮୪ ଜଣିଆ ଦଳ ପ୍ରତିଯୋଗିତାରେ ଭାଗ ନେଇଛି ଏବଂ ଦଳର ଖେଳାଳିମାନେ ଲଗାତାର ଭଲ ପ୍ରଦର୍ଶନ କରି ଦେଶ ପାଇଁ ପଦକ ଜିତୁଛନ୍ତି।
ଭାରତୀୟ ସୁଟରମାନଙ୍କ ଏହି ସଫଳତା ଆଗାମୀ ଆନ୍ତର୍ଜାତିକ ପ୍ରତିଯୋଗିତା ପାଇଁ ଦଳର ଆତ୍ମବିଶ୍ୱାସକୁ ଆହୁରି ବୃଦ୍ଧି କରିଛି।
ଶ୍ରୀନଗର: ଜମ୍ମୁ-କଶ୍ମୀରର ରାଜନୀତିରେ ନୂଆ ବିବାଦ। ନ୍ୟାସନ...
ଭାରତୀୟ ସିନେମା ଜଗତର ବହୁ ପ୍ରତୀକ୍ଷିତ ଫିଲ୍ମ 'ରାମାୟ...
ଦରବୃଦ୍ଧିର ଝଟକାରେ ଗ୍ରାହକଙ୍କୁ ଆଉ ଏକ ଝଟକା ଦେଇଛି କର୍ଣ୍...
ଜୟପୁର: ରାଜସ୍ଥାନର ବିକାଶ ଓ ବିଭିନ୍ନ ସରକାରୀ ପ୍ରକଳ୍ପକୁ...
ଭୁବନେଶ୍ୱର: ଆର୍ଥିକ ଠକେଇ ମାମଲାରେ ED ଚଢ଼ାଉ ଚାଲିଥିବା ବ...
ବହୁ ଦିନର ଅପେକ୍ଷା ପରେ ନଭେମ୍ବର ୫ ତାରିଖରେ ସାରା ବିଶ୍ୱର...
କାଠଯୋଡ଼ି ନଦୀପଠାରେ ଅଭିଯୁକ୍ତଙ୍କୁ ନେଇ ତଦନ୍ତ ...
ନୂଆଦିଲ୍ଲୀ: ନିର୍ବାଚନମଣ୍ଡଳୀରେ ଅନୁସୂଚିତ ଜାତି (SC) ଓ ଅ...
