ଭାରତୀୟ କ୍ରିକେଟ୍ରେ ଚୟନ କମିଟିକୁ ନେଇ ବଡ଼ ପରିବର୍ତ୍ତନ ଆସିଛି।ଅଜିତ ଅଗରକରଙ୍କ ସ୍ଥାନରେ ପ୍ରଜ୍ଞାନ ଓଝାଙ୍କୁ ବିସିସିଆଇ ପୁରୁଷ ଚୟନ କମିଟିର ନୂଆ ଅଧ୍ୟକ୍ଷ ଭାବେ ଦାୟିତ୍ୱ ଦିଆଯାଇଛି।ସେହିପରି ପୂର୍ବତନ ଭାରତୀୟ ସ୍ପିନର ରମେଶ ପାୱାରଙ୍କୁ ଚୟନ କମିଟିର ନୂଆ ସଦସ୍ୟ ଭାବେ ନିଯୁକ୍ତ କରାଯାଇଛି। ବିସିସିଆଇ ସୋମବାର ଏହି ଘୋଷଣା କରିଛି।

ପ୍ରଜ୍ଞାନ ଓଝାଙ୍କୁ ତାଙ୍କବରିଷ୍ଠତା ଆଧାରରେଚୟନ କମିଟିର ଅଧ୍ୟକ୍ଷ କରାଯାଇଛି। ପାଞ୍ଚଜଣିଆ ଚୟନ କମିଟିରେ ସେ ସବୁଠାରୁ ଅଧିକ ଟେଷ୍ଟ ମ୍ୟାଚ୍ ଖେଳିଥିବା ସଦସ୍ୟ। ଓଝା ଭାରତ ପାଇଁ୨୪ଟି ଟେଷ୍ଟଖେଳିଛନ୍ତି। ତାଙ୍କ ସହ ଶିବସୁନ୍ଦର ଦାସ, ଆର୍ପି ସିଂହ, ଅଜୟ ରାତ୍ରା ଓ ରମେଶ ପାୱାର ଚୟନ କମିଟିରେ ରହିବେ।

ରମେଶ ପାୱାରଙ୍କ ନିଯୁକ୍ତି ପାଇଁକ୍ରିକେଟ୍ ଆଡଭାଇଜରି କମିଟି (CAC)ପ୍ରକ୍ରିୟା ଶେଷ କରିଥିଲା। ଅଶୋକ ମଲହୋତ୍ରା ଓ ଜତିନ ପରାଞ୍ଜପେଙ୍କୁ ନେଇ ଗଠିତ CAC ଆବେଦନକାରୀଙ୍କ ସ୍କ୍ରିନିଂ ଓ ସାକ୍ଷାତକାର ପରେ ପାୱାରଙ୍କ ନାମକୁ ସର୍ବସମ୍ମତିରେ ସୁପାରିସ କରିଥିଲା।

ପାୱାର ଭାରତ ପାଇଁ୨ଟି ଟେଷ୍ଟ ଓ ୩୧ଟି ଦିନିକିଆ ଅନ୍ତର୍ଜାତୀୟ ମ୍ୟାଚ୍ଖେଳିଛନ୍ତି। ଅବସର ପରେ ସେ କୋଚିଂ କ୍ଷେତ୍ରରେ ସକ୍ରିୟ ରହିଛନ୍ତି। ସେ ଭାରତୀୟ ମହିଳା କ୍ରିକେଟ୍ ଦଳର ମୁଖ୍ୟ କୋଚ୍, ମୁମ୍ବାଇ ଓ ଗୁଜରାଟ ଦଳର କୋଚ୍ ଏବଂ ବିସିସିଆଇ ସେଣ୍ଟର ଅଫ୍ ଏକ୍ସିଲେନ୍ସର ବୋଲିଂ କୋଚ୍ ଭାବେ କାମ କରିଛନ୍ତି। ଭାରତୀୟ ମହିଳା ଦଳର କୋଚ୍ ଥିବା ସମୟରେ ଦଳ ଏସିଆ କପ୍ ଜିତିବା ସହ କମନୱେଲଥ୍ ଗେମ୍ସରେ ରୌପ୍ୟ ପଦକ ଜିତିଥିଲା।

ଅନ୍ୟପକ୍ଷରେ, ଅଜିତ ଅଗରକରଙ୍କ ମୁଖ୍ୟ ଚୟନକର୍ତ୍ତା ଭାବେ କାର୍ଯ୍ୟକାଳ ଶେଷ ହୋଇଛି।ଜୁଲାଇ ୨୦୨୩ରେସେ ଏହି ଦାୟିତ୍ୱ ଗ୍ରହଣ କରିଥିଲେ। ତାଙ୍କ ନେତୃତ୍ୱରେ ଭାରତ୩ଟି ICC ଟ୍ରଫି, ୨ଟି ଏସିଆ କପ୍ ଏବଂ ଲଗାତାର ଦୁଇଟି ଏସିଆନ୍ ଗେମ୍ସ ସ୍ୱର୍ଣ୍ଣ ପଦକଜିତିଛି।

ଅଗରକରଙ୍କ କାର୍ଯ୍ୟକାଳରେ ଭାରତ୨୦୨୪ ଓ ୨୦୨୬ T20 ବିଶ୍ୱକପ୍ଏବଂ୨୦୨୫ ଚାମ୍ପିଅନ୍ସ ଟ୍ରଫିଜିତିଥିଲା। ଏହା ସହ ଭାରତ ୨୦୨୩ ODI ବିଶ୍ୱକପ୍ର ଫାଇନାଲ୍ରେ ମଧ୍ୟ ପହଞ୍ଚିଥିଲା।

ଏବେ ପ୍ରଜ୍ଞାନ ଓଝାଙ୍କ ନେତୃତ୍ୱରେ ଚୟନ କମିଟି ସାମ୍ନାରେ ରହିଛି ଏକ ବ୍ୟସ୍ତ ଅନ୍ତର୍ଜାତୀୟ କ୍ରିକେଟ୍ କ୍ୟାଲେଣ୍ଡର। ଆସନ୍ତା ନ୍ୟୁଜିଲାଣ୍ଡ ଗସ୍ତ ସହିତ ବିଭିନ୍ନ ଫର୍ମାଟ୍ ପାଇଁ ଦଳ ଚୟନ, ଖେଳାଳିଙ୍କ କାର୍ଯ୍ୟଭାର ଏବଂ ଆଗାମୀ୨୦୨୭ ODI ବିଶ୍ୱକପ୍ପାଇଁ ଦଳ ଗଠନ ଚୟନକର୍ତ୍ତାଙ୍କ ପାଇଁ ଗୁରୁତ୍ୱପୂର୍ଣ୍ଣ ଦାୟିତ୍ୱ ହେବ।