ଉତ୍ତର ପ୍ରଦେଶର ହରଦୋଇ ସହରରୁ ଏକ ଚକିତ କରିଦେବା ଚୋରି ଘଟଣା ସାମ୍ନାକୁ ଆସିଛି। ଘରର ଚାକରମାନେ ନିଜ ମାଲିକଙ୍କ ପରିବାର ସଦସ୍ୟଙ୍କ ଖାଦ୍ୟରେ ନିଦ ବଟିକା ମିଶାଇ ସମସ୍ତଙ୍କୁ ଅଚେତ କରିବା ପରେ ଘରୁ ୧ କୋଟି ୨୯ ଲକ୍ଷ ଟଙ୍କା ନଗଦ ଲୁଟି ନେଇଥିଲେ। ତେବେ ପୋଲିସର ତଦନ୍ତରେ ଏହି ସମଗ୍ର ଷଡଯନ୍ତ୍ରର ପର୍ଦ୍ଦାଫାସ ହୋଇଛି।
ଘଟଣାଟି ଜୁଲାଇ ୧୭ ତାରିଖ ରାତିରେ ହରଦୋଇର ରେଲୱେଗଞ୍ଜ ଅଞ୍ଚଳରେ ଘଟିଥିଲା। ହୋଲସେଲ୍ ବ୍ୟବସାୟୀ ପଙ୍କଜ ଅଗ୍ରୱାଲଙ୍କ ଘରେ କାମ କରୁଥିବା ଚାକରମାନେ ଘରର ସମସ୍ତ ଗୁପ୍ତ ତଥ୍ୟ ଜାଣିଥିବାରୁ ବାହାରର କିଛି ସହଯୋଗୀଙ୍କ ସହ ମିଶି ଏହି ଲୁଟ୍ ଯୋଜନା କରିଥିଲେ।
ପୋଲିସ ସୂଚନା ଅନୁସାରେ, ପ୍ରଥମେ ପରିବାର ସଦସ୍ୟଙ୍କ ଖାଦ୍ୟରେ ନିଦ ବଟିକା ମିଶାଯାଇଥିଲା। ସମସ୍ତେ ଗଭୀର ନିଦରେ ଶୋଇଯିବା ପରେ ଅଭିଯୁକ୍ତମାନେ ତକିଆ ତଳେ ରଖାଯାଇଥିବା ଆଲମିରା ଚାବି ବାହାର କରି ଆଲମିରା ଖୋଲିଥିଲେ।
ଆଲମିରା ଭିତରେ ଥିବା ନଗଦ ଟଙ୍କା ଭର୍ତ୍ତି ୮ଟି ବ୍ୟାଗ୍କୁ ଏକ ଗାଡ଼ିରେ ଲୋଡ୍ କରି ଅଭିଯୁକ୍ତମାନେ ଘଟଣାସ୍ଥଳରୁ ଫେରାର ହୋଇଯାଇଥିଲେ।
ଘଟଣା ପରେ ପୋଲିସ, ଏସଓଜି ଏବଂ ସ୍ୱାଟ୍ ଟିମ୍ ମିଳିତ ଭାବେ ତଦନ୍ତ ଆରମ୍ଭ କରିଥିଲେ। ସିସିଟିଭି ଫୁଟେଜ୍, ସର୍ଭିଲାନ୍ସ ଓ ପଚରାଉଚରା ଆଧାରରେ ପୋଲିସ ୧୪ ଜଣ ଅଭିଯୁକ୍ତଙ୍କୁ ଗିରଫ କରିଥିବା ବେଳେ ୨ ଜଣ ନାବାଳକଙ୍କୁ ମଧ୍ୟ ହେପାଜତକୁ ନେଇଛି।
ଅଭିଯୁକ୍ତମାନଙ୍କ ନିକଟରୁ ପ୍ରାୟ ୧ କୋଟି ୨୯ ଲକ୍ଷ ଟଙ୍କା ନଗଦ ଜବତ କରାଯାଇଛି। ତେବେ କିଛି ଅଭିଯୁକ୍ତ ଏବେ ବି ଫେରାର ଥିବାରୁ ସେମାନଙ୍କୁ ଧରିବା ପାଇଁ ପୋଲିସର ଚଢ଼ାଉ ଜାରି ରହିଛି।
ସଫଳତା ପାଇଁ ବଡ଼ ପରିବାରିକ ପୃଷ୍ଠଭୂମି କିମ୍ବା ଉତ୍ତରାଧିକ...
PF ଦାବି ପରିଶୋଧରେ ବିଳମ୍ବ କରିବା ଏବେ EPFOକୁ ମହଙ୍ଗା ପଡ...
ଭୁବନେଶ୍ୱରର କେନାଲ ରୋଡ୍‌ରେ ବୁଧବାର ରାତିରେ ଘଟିଛି...
ବାଲେଶ୍ୱର ଜିଲ୍ଲା ଭୋଗରାଇରୁ ଉଦ୍ଧାର ହୋଇଥିବା ୫ଟି ଓରାଙ୍ଗ...
ରାଜଧାନୀ ଦିଲ୍ଲୀରେ ଆଗାମୀBRICS ସମ୍ମିଳନୀପାଇଁ ପ୍ରସ୍ତୁତି...
ଖୋର୍ଦ୍ଧା ଜିଲ୍ଲା ଟାଙ୍ଗୀ ଅଞ୍ଚଳର ବାଘେଇରେ ବୁଧବାର ରାତିର...
ଷ୍ଟକ୍ ଏକ୍ସଚେଞ୍ଜ ଏବଂ ଅନ୍ୟ ପ୍ରମୁଖ ମାର୍କେଟ୍ ଇନ୍ଫ୍ରାଷ୍...
MKCG ମେଡିକାଲ କଲେଜ ଓ ହସ୍ପିଟାଲ, ବ୍ରହ୍ମପୁରରୁ ଗତ ୯ ଦିନ...
