ପ୍ରବାସୀ ବଜାରରେ ଓଡ଼ିଶାର ସାମୁଦ୍ରିକ ମାଛର ଚାହିଦା ବଢ଼ିବା ସହ ପାରାଦୀପ ମତ୍ସ୍ୟ ବନ୍ଦର ରପ୍ତାନି କ୍ଷେତ୍ରରେ ଏକ ପ୍ରମୁଖ କେନ୍ଦ୍ର ଭାବେ ଉଭା ହୋଇଛି। କେବଳ ଚିଙ୍ଗୁଡ଼ି ନୁହେଁ, ଓଡ଼ିଶାର ସ୍ୱଦେଶୀ ସାମୁଦ୍ରିକ ମାଛ ବୋରେଇ, ପାଣିଖିଆ ଓ କାଣ୍ଟିଆ ଭଳି ବିଭିନ୍ନ ପ୍ରଜାତି ମଧ୍ୟ ବିଦେଶୀ ବଜାରରେ ଲୋକପ୍ରିୟ ହେଉଛି।
ବିଶେଷକରି ବୋରେଇ ମାଛର ତୈଳଯୁକ୍ତ ପ୍ରଜାତିର ଚାହିଦା ଅଧିକ ରହିଛି। ଏହାର କାତିକୁ ପାରମ୍ପରିକ ସୁପ୍ ପ୍ରସ୍ତୁତିରେ ମଧ୍ୟ ବ୍ୟବହାର କରାଯାଏ।
ପାରାଦୀପର ଜଣେ ମତ୍ସ୍ୟଜୀବୀ କହିଛନ୍ତି ଯେ ବିଭିନ୍ନ ପ୍ରକାର ମାଛ ବର୍ତ୍ତମାନ ବିଦେଶକୁ ରପ୍ତାନି ହେଉଛି। ସ୍ଥାନୀୟ ଲୋକେ ଏଠାରେ ଉପଲବ୍ଧ ମାଛ ଖାଉଥିବା ବେଳେ ଗୁଣାତ୍ମକ ସାମୁଦ୍ରିକ ମାଛର ବିଦେଶରେ ମଧ୍ୟ ଚାହିଦା ରହିଛି।
ପାରାଦୀପର ଜଣେ ସାମୁଦ୍ରିକ ଖାଦ୍ୟ ରପ୍ତାନିକାରୀଙ୍କ କହିବା ଅନୁଯାୟୀ, ବୋରେଇ ମାଛର ତିନୋଟି ପ୍ରଜାତି ରହିଛି ଏବଂ ଏଗୁଡ଼ିକୁ ଚୀନ୍ ସମେତ ମଧ୍ୟପ୍ରାଚ୍ୟର ବିଭିନ୍ନ ଦେଶକୁ ରପ୍ତାନି କରାଯାଉଛି। ଏହା ବ୍ୟତୀତ କଟଲଫିସ୍, ଜେଲିଫିସ୍, ରିବନ୍ ଫିସ୍ ଓ ଅକ୍ଟୋପସ୍ର ମଧ୍ୟ ବିଦେଶୀ ବଜାରରେ ଚାହିଦା ରହିଛି।
ସରକାରୀ ତଥ୍ୟ ଅନୁଯାୟୀ, ଗତ ୮ ବର୍ଷରେ ପାରାଦୀପ ମତ୍ସ୍ୟ ବନ୍ଦରରୁ୮.୫୬୮ ନିୟୁତ କିଲୋଗ୍ରାମ ବୋରେଇ ବା କ୍ରୋକର ମାଛରପ୍ତାନି ହୋଇଛି। ଏହି ସମୟ ମଧ୍ୟରେ ରିବନ୍ ଫିସ୍, ସୋଲ୍ ଫିସ୍, ପାଣିଖିଆ ଓ କାଣ୍ଟିଆ ଭଳି ଅନ୍ୟାନ୍ୟ ମାଛ ମଧ୍ୟ ବିଦେଶକୁ ପଠାଯାଇଛି।
ଚିଙ୍ଗୁଡ଼ି, କଙ୍କଡ଼ା, ଅକ୍ଟୋପସ୍, ଲବଷ୍ଟର ଓ ସ୍କୁଇଡ୍ ସମେତ୮୧ ପ୍ରଜାତିର ସାମୁଦ୍ରିକ ଖାଦ୍ୟପାରାଦୀପରୁ ଅନ୍ତର୍ଜାତୀୟ ବଜାରକୁ ରପ୍ତାନି ହୋଇଥିବା ଜଣାପଡ଼ିଛି। ଏହା ଓଡ଼ିଶାର ସାମୁଦ୍ରିକ ଖାଦ୍ୟ ଶିଳ୍ପର ବଢୁଥିବା ଅନ୍ତର୍ଜାତୀୟ ଚାହିଦାକୁ ଦର୍ଶାଉଛି।
ଲକ୍ଷ୍ଣୌ:ଉତ୍ତର ପ୍ରଦେଶର ରାୟବରେଲୀ ଜିଲ୍ଲାରେ ଏକ ଚାଞ୍ଚଲ୍...
ଭାରତୀୟ କ୍ରିକେଟର ଉଦୀୟମାନ ତାରକା ବୈଭବ ସୂର୍ଯ୍ୟବଂଶୀଙ୍କ...
ବିଶ୍ୱ ୨୦ ବର୍ଷରୁ କମ୍‌ ଦୌଡ଼କୁଦ ପ୍ରତିଯୋଗିତାରେ ଭା...
ଭୁବନେଶ୍ୱର ଉପକଣ୍ଠବାଲିଅନ୍ତା ବଜାରରେ ଥିବା ଏକSBI ATMରୁ...
ଆଗାମୀ ଶ୍ରୀଲଙ୍କା ବିପକ୍ଷ ଦୁଇ ମ୍ୟାଚ୍ ବିଶିଷ୍ଟ ଟେଷ୍ଟ୍ ସ...
ନବରଙ୍ଗପୁର ଜିଲ୍ଲାରଉମରକୋଟସହରରେ ଦିନ ଦ୍ୱିପ୍ରହରରେ ଘଟିଥି...
କମନୱେଲ୍ଥ ଗେମ୍ସ ୨୦୨୬ରେ ଭାରତ ପାଇଁ ପଦକ ଜିତିଥିବା ଖେଳାଳ...
ଆମେରିକାର ଇଲିନୋଇସ୍‌ର ଇଷ୍ଟ ସେଣ୍ଟ ଲୁଇସ୍‌ରେ...
