କ୍ୟାପିଟାଲ ଥାନାରେ ରୁଜୁ ହୋଇଥିବା ଏକ ଅପରାଧିକ ମାମଲାକୁ ନେଇ ଏହି ଆଇନଗତ ପ୍ରକ୍ରିୟା ଆରମ୍ଭ ହୋଇଥିଲା। ଜୁଲାଇ ୧୪ରେ ଦିଆଯାଇଥିବା ଅଭିଯୋଗ ଅନୁଯାୟୀ, ଜୁଲାଇ ୧୨ରେ ଆୟୋଜିତ ଓଡ଼ିଶା ସ୍ୱାଭିମାନ ମଞ୍ଚର ଏକ କାର୍ଯ୍ୟକ୍ରମରେ ସୁଧାଂଶୁ ଶେଖର ରାଉତ କିଛି ମନ୍ତବ୍ୟ ଦେଇଥିବା ଅଭିଯୋଗ ରହିଛି।
FIR ଅନୁଯାୟୀ, ସ୍କୁଲ୍ ଓ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ ସ୍କୁଲ୍ ପାଠ୍ୟପୁସ୍ତକରେ ଥିବା କଥିତ ତ୍ରୁଟି ସମ୍ପର୍କିତ ଖବର ପ୍ରକାଶ ନକରିବା ପାଇଁ ତାଙ୍କୁ ଲାଞ୍ଚ ଦେବାକୁ ଚେଷ୍ଟା କରିଥିବା ନେଇ ରାଉତ ଦାବି କରିଥିବା ଅଭିଯୋଗ ହୋଇଛି।
ଜଷ୍ଟିସ୍ ଭି. ନରସିଂହ ମାମଲାର କେସ୍ ଡାଏରୀ ଓ ତଦନ୍ତ ସମୟରେ ସଂଗୃହୀତ ତଥ୍ୟ ଯାଞ୍ଚ କରିବା ପରେ ରାଉତଙ୍କୁ ଗିରଫ ପୂର୍ବ ସୁରକ୍ଷା ଦେବାକୁ ମନା କରିଛନ୍ତି।
ଶୁଣାଣି ସମୟରେ ରାଜ୍ୟ ସରକାର ଆଗୁଆ ଜାମିନକୁ ବିରୋଧ କରିଥିଲେ। ରାଉତଙ୍କ ବିରୋଧରେ ପୂର୍ବରୁ ଅପରାଧିକ ମାମଲା ଥିବା ଦର୍ଶାଇ ରାଜ୍ୟ ପକ୍ଷରୁ କୁହାଯାଇଥିଲା ଯେ ବିଭିନ୍ନ ଥାନାରେ ତାଙ୍କ ବିରୋଧରେ୨୦ଟି ଅପରାଧିକ ମାମଲାରହିଛି।
ଅନ୍ୟପକ୍ଷରେ, ରାଉତଙ୍କ ଓକିଲ ଯୁକ୍ତି ଦେଇଥିଲେ ଯେ ଅଭିଯୋଗକୁ ଠିକ୍ ବୋଲି ଧରିନେଲେ ମଧ୍ୟ ତାଙ୍କୁ ହେପାଜତରେ ନେଇ ପଚରାଉଚରା କରିବାର ଆବଶ୍ୟକତା ନାହିଁ। ଅଭିଯୋଗଗୁଡ଼ିକ ପ୍ରଥମ ଦୃଷ୍ଟିରେ ଅସମ୍ଭବ ମନେ ହେଉଥିବା ଏବଂ କିଛି ସହ-ଅଭିଯୁକ୍ତ ଜାମିନ ପାଇସାରିଥିବା ନେଇ ପକ୍ଷର ଓକିଲ ଦର୍ଶାଇଥିଲେ।
କୋର୍ଟ ମାମଲାର ରେକର୍ଡ ଯାଞ୍ଚ କରିବା ସମୟରେ ରାଉତଙ୍କ ଅଧୀନରେ କାର୍ଯ୍ୟରତ ଜଣେ ସମ୍ବାଦଦାତାଙ୍କଭାରତୀୟ ନାଗରିକ ସୁରକ୍ଷା ସଂହିତା (BNSS)ର ଧାରା ୧୮୩ଅନୁଯାୟୀ ରେକର୍ଡ ହୋଇଥିବା ବୟାନକୁ ମଧ୍ୟ ବିଚାରକୁ ନେଇଥିଲେ।
ସମସ୍ତ ତଥ୍ୟ ଓ ମାମଲାର ରେକର୍ଡ ଯାଞ୍ଚ ପରେ ହାଇକୋର୍ଟ ରାଉତଙ୍କୁ ଆଗୁଆ ଜାମିନ ଦେବାକୁ ଇଚ୍ଛୁକ ନଥିବା ସ୍ପଷ୍ଟ କରି ଆବେଦନ ଖାରଜ କରିଛନ୍ତି।
ତେବେ କୋର୍ଟ ସ୍ପଷ୍ଟ କରିଛନ୍ତି ଯେ ଏହି ଟିପ୍ପଣୀ କେବଳ ଜାମିନ ଆବେଦନର ବିଚାର ପର୍ଯ୍ୟନ୍ତ ସୀମିତ। ଏହାକୁ ମାମଲାରେ ଆବେଦନକାରୀଙ୍କ ଦୋଷ କିମ୍ବା ଅପରାଧରେ ତାଙ୍କ ସମ୍ପୃକ୍ତି ନେଇ ଚୂଡ଼ାନ୍ତ ନିଷ୍କର୍ଷ ଭାବେ ଧରାଯିବ ନାହିଁ।
କମନୱେଲଥ ଗେମ୍ସରେ ଭାରତୀୟ ଜୁଡୋ ନୂଆ ଇତିହାସ ରଚିଛି। ୨୦୨୬...
ନୂଆଦିଲ୍ଲୀ:NEET-UG 2026 ପ୍ରଶ୍ନପତ୍ର ଲିକ୍ ମାମଲାରେ କେନ...
୨୦୨୬ ଫିଫା ବିଶ୍ୱକପ୍‌ ସମୟରେ ଫୁଟବଲ୍‌ର ସୁପରଷ...
ନୂଆଦିଲ୍ଲୀ: ଭାରତ-ପାକିସ୍ତାନ ଅନ୍ତର୍ଜାତୀୟ ସୀମା ନିକଟରେ...
ନୂଆଦିଲ୍ଲୀ: ଭାରତୀୟ ଖାଦ୍ୟ ସୁରକ୍ଷା ନିୟାମକ Food Safety...
ନୂଆଦିଲ୍ଲୀ: ଗ୍ଲାସଗୋରେ ଆୟୋଜିତ କମନୱେଲଥ ଗେମ୍ସ ୨୦୨୬ରେ ପ...
ପ୍ରଥମ ଶ୍ରେଣୀ ପାଠ୍ୟପୁସ୍ତକକୁ ନେଇ ଚାଲିଥିବା ବିବାଦ ମଧ୍ୟ...
ଦେଶରେ ବିପର୍ଯ୍ୟୟ ପରିଚାଳନା କ୍ଷେତ୍ରରେ କେନ୍ଦ୍ର ସରକାର ଏ...
ଭାରତୀୟ କ୍ରିକେଟ ଦଳର ୱିକେଟକିପର-ବ୍ୟାଟର ରିଷଭ ପନ୍ତ ନିଜ...
କୋରାପୁଟସ୍ଥିତ କେନ୍ଦ୍ରୀୟ ଓଡ଼ିଶା ବିଶ୍ୱବିଦ୍ୟାଳୟ (CUO)ର...
ଓଡ଼ିଶାର ସରକାରୀ ବିଦ୍ୟାଳୟଗୁଡ଼ିକରେ ମୌଳିକ ସୁବିଧାରେ ବଡ଼...
