କୋଷ୍ଟାଲ୍ ଆନ୍ଧ୍ର ପ୍ରଦେଶ ଓ ପାର୍ଶ୍ୱବର୍ତ୍ତୀ ଅଞ୍ଚଳରେ ଗଠିତ ଉପର ଆକାଶର ସାଇକ୍ଲୋନିକ୍ ସର୍କୁଲେସନ୍ ପ୍ରଭାବରେ ଓଡ଼ିଶାରେ ଆସନ୍ତା କିଛି ଦିନ ଧରି ଅସ୍ଥିର ପାଣିପାଗ ଦେଖାଯିବ। ଭାରତୀୟ ଆବହା ବିଭାଗ (IMD) ପକ୍ଷରୁ ଏହି ପରିସ୍ଥିତିକୁ ଦୃଷ୍ଟିରେ ରଖି ବିଭିନ୍ନ ଜିଲ୍ଲା ପାଇଁ ଓରେଞ୍ଜ ଓ ୟେଲୋ ସତର୍କତା ଜାରି କରାଯାଇଛି।
ମାର୍ଚ୍ଚ ୨୦ ତାରିଖରେ ରାଜ୍ୟର ଅନେକ ଅଞ୍ଚଳରେ ବଜ୍ରପାତ ସହ ବର୍ଷା, ଝଡ଼ ବାତାସ ଓ ଓଲାବୃଷ୍ଟି ସମ୍ଭାବନା ରହିଛି। ନୁଆପଡ଼ା, ବଲାଙ୍ଗିର, କନ୍ଧମାଳ ଓ ଗଞ୍ଜାମ ଜିଲ୍ଲାକୁ ଓରେଞ୍ଜ ସତର୍କତା ଜାରି କରାଯାଇଛି, ଯେଉଁଠାରେ ୫୦-୬୦ କି.ମି./ଘଣ୍ଟା ବେଗର ବାତାସ ବହିପାରେ। ଗଜପତି, କଳାହାଣ୍ଡି, କୋରାପୁଟ, ନବରଙ୍ଗପୁର, ରାୟଗଡ଼ା ଓ ମାଲକାନଗିରି ଜିଲ୍ଲା ପାଇଁ ୟେଲୋ ସତର୍କତା ରହିଛି।
ମାର୍ଚ୍ଚ ୨୦-୨୧ ତାରିଖରେ ପଶ୍ଚିମ ଓ ଉତ୍ତର ଓଡ଼ିଶାରେ ପାଣିପାଗର ପ୍ରଭାବ ବଢ଼ିବ। ସୁନ୍ଦରଗଡ଼, ମୟୂରଭଞ୍ଜ, କେନ୍ଦୁଝର, ଝାରସୁଗୁଡ଼ା, ବରଗଡ଼ ଓ ସମ୍ବଲପୁରକୁ ଓରେଞ୍ଜ ସତର୍କତା ଦିଆଯାଇଛି।
ମାର୍ଚ୍ଚ ୨୧-୨୨ ମଧ୍ୟରେ ଏହାର ପ୍ରଭାବ ଉପକୂଳ ଅଞ୍ଚଳକୁ ବିସ୍ତାରିତ ହେବ। ମୟୂରଭଞ୍ଜ, କେନ୍ଦୁଝର, ବାଲେଶ୍ୱର, ଭଦ୍ରକ, କେନ୍ଦ୍ରାପଡ଼ା ଓ ଯାଜପୁର ଜିଲ୍ଲାରେ ଓରେଞ୍ଜ ସତର୍କତା ଜାରି ହୋଇଛି।
ମାର୍ଚ୍ଚ ୨୨ ଠାରୁ ୨୬ ପର୍ଯ୍ୟନ୍ତ ରାଜ୍ୟର ଅନେକ ଅଞ୍ଚଳରେ ବଜ୍ରପାତ ସହ ବର୍ଷା ଜାରି ରହିବ, ଯଦିଓ ତୀବ୍ରତା କିଛି କମ୍ ରହିପାରେ।
IMD ଚେତାବନୀ ଦେଇଛି ଯେ, ଏହି ପାଣିପାଗର ପ୍ରଭାବରେ ଫସଲ, ଗଛପଲା ଓ କାଚା ଘରକୁ କ୍ଷତି ହୋଇପାରେ। ତେଣୁ ଲୋକମାନଙ୍କୁ ବଜ୍ରପାତ ସମୟରେ ଘରେ ରହିବା, ଗଛ ତଳେ ନ ରହିବା ଓ ବିଦ୍ୟୁତ ସାମଗ୍ରୀ ବନ୍ଦ ରଖିବାକୁ ପରାମର୍ଶ ଦିଆଯାଇଛି।
ଦେଶରେ ପୁନର୍ବାର ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇଛି। ପେ...
ଇରାନର ସର୍ବୋଚ୍ଚ ନେତା ଅଲି ଖେମିନିଙ୍କ ମୃତ୍ୟୁ ପରେ ରବିବା...
ଅଯୋଧ୍ୟା ରାମମନ୍ଦିର ଦାନପାଣ୍ଠି ଅର୍ଥ ହେରଫେର ଅଭିଯୋଗକୁ ନ...
ପଶ୍ଚିମବଙ୍ଗ ରାଜନୀତିରେ ତୃଣମୂଳ କଂଗ୍ରେସ ପାଇଁ ଆଉ ଏକ ବଡ଼...
ମହାରାଷ୍ଟ୍ର ରାଜନୀତିରେ ପୁଣି ଥରେ ଦଳବଦଳ ପ୍ରସଙ୍ଗ ଚର୍ଚ୍ଚ...
କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀଜଗତ ପ୍ରକା...
ଓଡ଼ିଶାର ଗଣପର୍ବ ରଜ ଆସିଲେ ଘରେ ଘରେ ଦୋଳି ଖେଳର ଉତ୍ସାହ ଦ...
ଚଳିତ ବର୍ଷ ଆରମ୍ଭରେ ରେକର୍ଡ ସ୍ତରକୁ ପହଞ୍ଚିଥିବା ସୁନା ଦର...
