ଓଡ଼ିଶାର ଅଧିକାଂଶ ଗାଁ ଓ ସହରକୁ ବିଜୁଳି ପହଞ୍ଚିଥିବା ବେଳେ ରାଜ୍ୟର କିଛି ଦୁର୍ଗମ ଅଞ୍ଚଳ ଏବେ ବି ଅନ୍ଧାରରେ ରହିଛି। ଦେଶ ସ୍ୱାଧୀନ ହେବାର ପ୍ରାୟ ୮ ଦଶନ୍ଧି ପରେ ମଧ୍ୟ ମୟୂରଭଞ୍ଜ ଓ ମାଲକାନଗିରିର କିଛି ଗାଁରେ ନିୟମିତ ବିଜୁଳି ସେବା ନାହିଁ।
ମୟୂରଭଞ୍ଜ ଜିଲ୍ଲା କପ୍ତିପଦା ବ୍ଲକ ଦେଓ୍ୱାନବାହାଲି ପଞ୍ଚାୟତ ଅଧୀନ ସୋନାକମ ସାହିରେ ୩୦ରୁ ଅଧିକ ଆଦିବାସୀ ପରିବାର ବସବାସ କରୁଛନ୍ତି। ଗାଁରେ ବିଜୁଳି ନଥିବାରୁ ସୂର୍ଯ୍ୟ ଅସ୍ତ ହେବା ପରେ ଲୋକମାନେ ଟର୍ଚ୍ଚ, ଗାଡ଼ି ବ୍ୟାଟେରୀ ଓ ଚାର୍ଜର ଲାଇଟ୍ ଉପରେ ନିର୍ଭର କରୁଛନ୍ତି।
ସବୁଠାରୁ ଅଧିକ ପ୍ରଭାବିତ ହେଉଛନ୍ତି ଗାଁର ସ୍କୁଲ ପିଲାମାନେ। ବିଜୁଳି ନଥିବାରୁ ଅନେକ ପିଲା ଚୁଲିର ନିଆଁ ଆଲୁଅରେ ବସି ପାଠ ପଢୁଛନ୍ତି। ଧୂଆଁ ମଧ୍ୟରେ ପଢ଼ିବାକୁ ପଡ଼ୁଥିଲେ ମଧ୍ୟ ଶିକ୍ଷା ଜାରି ରଖିଛନ୍ତି।
ମାଲକାନଗିରି ଜିଲ୍ଲା ଟନେଲକ୍ୟାମ୍ପ ପଞ୍ଚାୟତ ଅଧୀନ ବିଚିତ୍ରଗୁଡ଼ା ଗାଁର ସ୍ଥିତି ମଧ୍ୟ ସମାନ। ରାତି ହେଲେ ଗାଁର ଲୋକେ ମହମବତୀ ଓ ଦୀପ ଜଳାଇ ରହୁଛନ୍ତି। ଅନ୍ଧାର ଓ ସୁରକ୍ଷା ସମସ୍ୟା ଯୋଗୁଁ ଅନେକ ପରିବାର ସନ୍ଧ୍ୟା ପରେ ଶୀଘ୍ର ଘର କବାଟ ବନ୍ଦ କରିଦେଉଛନ୍ତି।
ବିଚିତ୍ରଗୁଡ଼ାରେ ସରକାରଙ୍କ ପକ୍ଷରୁ ସୋଲାର ପ୍ୟାନେଲ୍ ଦିଆଯାଇଥିବା କୁହାଯାଉଛି। ହେଲେ ସେଗୁଡ଼ିକ ଠିକ୍ ଭାବେ କାମ କରୁନଥିବା ନେଇ ଗ୍ରାମବାସୀ ଅଭିଯୋଗ କରିଛନ୍ତି। ଅନ୍ୟପଟେ ଓଡ଼ିଶା ଶକ୍ତି ବିଭାଗ ପକ୍ଷରୁ SETU ଯୋଜନା ମାଧ୍ୟମରେ ଗାଁକୁ ବିଜୁଳି ସଂଯୋଗ ଦିଆଯିବ ବୋଲି କୁହାଯାଇଛି।
ବିଧାନସଭାରେ ଉପସ୍ଥାପିତ ସରକାରୀ ତଥ୍ୟ ଅନୁସାରେ ଓଡ଼ିଶାର ସମସ୍ତ ରାଜସ୍ୱ ଗାଁରେ ବିଜୁଳି ସଂଯୋଗ ପହଞ୍ଚିଛି। ତେବେ କିଛି ରାଜସ୍ୱ ଗାଁରେ ଏବେ ବି କିଛି ପରିବାର ବିଜୁଳି ସେବାରୁ ବଞ୍ଚିତ ଥିବା ସରକାର ସ୍ୱୀକାର କରିଛନ୍ତି।
ଜଣେ ଛାତ୍ରୀ କହିଛନ୍ତି ଯେ ଗାଁରେ ବିଜୁଳି ନାହିଁ, ଏପରିକି ପଢ଼ିବା ପାଇଁ ଦୀପ ଜଳାଇବାକୁ କିରୋସିନ୍ ମଧ୍ୟ ମିଳୁନାହିଁ। ତେଣୁ ସେ ଚୁଲିର ନିଆଁ ପାଖରେ ବସି ପାଠ ପଢୁଛନ୍ତି।
ଗ୍ରାମବାସୀଙ୍କ କହିବା ଅନୁସାରେ, ବିଜୁଳି ଦେବାକୁ ବହୁବାର ପ୍ରତିଶ୍ରୁତି ମିଳିଛି। କିନ୍ତୁ ଏପର୍ଯ୍ୟନ୍ତ ସମସ୍ୟାର ସ୍ଥାୟୀ ସମାଧାନ ହୋଇନାହିଁ।
ଘଟଣା ସମ୍ପର୍କରେ ଜଣାପଡ଼ିବା ପରେ ଉଦଳା SDO ଅଜୟ କୁମାର ସାହୁ କହିଛନ୍ତି ଯେ ସ୍ଥାନୀୟ କର୍ମଚାରୀଙ୍କୁ ତୁରନ୍ତ ପଠାଇ ସ୍ଥଳ ପରିଦର୍ଶନ କରାଯିବ। ସର୍ଭେ ପରେ ଆବଶ୍ୟକ ତଥ୍ୟ ସଂଗ୍ରହ କରି ଯଥାଶୀଘ୍ର ବିଦ୍ୟୁତୀକରଣ କାର୍ଯ୍ୟ କରାଯିବ ବୋଲି ସେ କହିଛନ୍ତି।
ମଙ୍ଗଳବାର ସନ୍ଧ୍ୟାରେ ମୁମ୍ବାଇ-ଅହମଦାବାଦବନ୍ଦେ ଭାରତ ଏକ୍ସ...
ଦାର୍ଜିଲିଂର ଐତିହାସିକ ଟୟ ଟ୍ରେନ୍‌ ଲୋକୋସେଡ୍‌...
ଜମ୍ମୁ-କଶ୍ମୀରରେ କଶ୍ମୀରୀ ପଣ୍ଡିତ କର୍ମଚାରୀଙ୍କୁ ଧମକ ମିଳ...
ଆଗ୍ରାରେ ତାମିଲନାଡୁ ଏକ୍ସପ୍ରେସ୍ର ଏକ ଅନରିଜର୍ଭ୍ଡ କୋଚ୍ରୁ...
ଦିଲ୍ଲୀରେ ବଢୁଥିବା ସାଇବର ଅପରାଧ ଓ ଟେକ୍ନୋଲୋଜି ଆଧାରିତ ଧ...
ଦିଲ୍ଲୀ ଜଳ ବୋର୍ଡ (DJB)ର ସିୱେଜ୍ ଟ୍ରିଟମେଣ୍ଟ ପ୍ଲାଣ୍ଟ ପ...
ଏୟାର ମାର୍ଶାଲ ଜିତେନ୍ଦ୍ର ମିଶ୍ରଙ୍କୁ ରାମ ଜନ୍ମଭୂମି ଟ୍ରଷ...
