ଓଡ଼ିଶା ସରକାରଙ୍କକେଜିରୁ ପିଜି ପର୍ଯ୍ୟନ୍ତ ମାଗଣା ଶିକ୍ଷାଘୋଷଣା ପରେଉଚ୍ଚଶିକ୍ଷା ବିଭାଗ୨୦୨୬-୨୭ ଶିକ୍ଷାବର୍ଷ ପାଇଁ ସ୍ନାତକ (UG) ନାମଲେଖାରଫେଜ୍-୧ ସଂଶୋଧିତ ସମୟସୂଚୀଜାରି କରିଛି।

ନୂତନ ସୂଚୀ ଅନୁସାରେ,Phase-IରେCommon Application Form (CAF)ସଫଳତାର ସହ ଦାଖଲ କରିଥିବା ଛାତ୍ରଛାତ୍ରୀମାନେ ପୁଣିଥରେSAMS (Student Academic Management System)ପୋର୍ଟାଲରେ ନିଜ କଲେଜ ଓ କୋର୍ସ ପସନ୍ଦକୁ ସଂଶୋଧନ କରିପାରିବେ।

ଜୁଲାଇ ୮ରୁ ୧୨ ପର୍ଯ୍ୟନ୍ତ ଚଏସ୍ ରିଭିଜନ

ଚଏସ୍ ଫିଲିଂ ଏବଂ ଚଏସ୍ ରିଭିଜନ ୱିଣ୍ଡୋଜୁଲାଇ ୮ ଦିନ ୨ଟାରୁ ଜୁଲାଇ ୧୨ ରାତି ୧୧:୪୫ ପର୍ଯ୍ୟନ୍ତଖୋଲା ରହିବ। ଛାତ୍ରଛାତ୍ରୀମାନେOTP ଭେରିଫିକେସନ୍ପରେ ନିଜ ପସନ୍ଦର କଲେଜ କିମ୍ବା କୋର୍ସକୁଯୋଡ଼ିବା, ପରିବର୍ତ୍ତନ କରିବା କିମ୍ବା ପ୍ରାଥମିକତା କ୍ରମ ବଦଳାଇବାସୁବିଧା ପାଇବେ।

ମାଗଣା ଓ ସେଲ୍ଫ-ଫାଇନାନ୍ସିଂ କୋର୍ସ ପୃଥକ ଦେଖାଯିବ

ଏଥର SAMS ପୋର୍ଟାଲରେRegular Mode(ମାଗଣା ଆଡମିଶନ) ଓSelf-Financing Mode(ଫି ଦେୟ) କୋର୍ସଗୁଡ଼ିକୁ ପୃଥକ ଭାବେ ପ୍ରଦର୍ଶନ କରାଯିବ। ଯେଉଁ କଲେଜରେ ଦୁଇ ପ୍ରକାର କୋର୍ସ ରହିଛି, ସେଠାରେ ଛାତ୍ରଛାତ୍ରୀମାନେ ସହଜରେ ନିଜ ପସନ୍ଦ ବାଛିପାରିବେ।

ସଂଶୋଧିତ ଆଡମିଶନ ସମୟସୂଚୀ

• ଦ୍ୱିତୀୟ ପର୍ଯ୍ୟାୟ ସିଟ୍ ଆଲଟମେଣ୍ଟ:ଜୁଲାଇ ୨୦ (ଦିନ ୨ଟା)
• Slide / Freeze / Float ବିକଳ୍ପ ଓ ଫି ପୈଠ:ଜୁଲାଇ ୨୦-୨୩
• କଲେଜରେ ରିପୋର୍ଟିଂ:ଜୁଲାଇ ୨୧-୨୩
• ତୃତୀୟ ଓ ଶେଷ ସିଟ୍ ଆଲଟମେଣ୍ଟ:ଜୁଲାଇ ୨୯
• ଚୂଡ଼ାନ୍ତ ଆଡମିଶନ:ଅଗଷ୍ଟ ୧ ପର୍ଯ୍ୟନ୍ତ
• ୱେଟିଂ ଲିଷ୍ଟ ପ୍ରକାଶ:ଅଗଷ୍ଟ ୪
• ସ୍ପଟ୍ ଆଡମିଶନ ରିପୋର୍ଟିଂ:ଅଗଷ୍ଟ ୫ ଓ ୬

ଉଚ୍ଚଶିକ୍ଷା ବିଭାଗ ସମସ୍ତ ଆବେଦନକାରୀଙ୍କୁ ସଂଶୋଧିତ ସମୟସୂଚୀ ଅନୁସାରେ ନିର୍ଦ୍ଧାରିତ ସମୟ ମଧ୍ୟରେ ସମସ୍ତ ଆଡମିଶନ ପ୍ରକ୍ରିୟା ସମ୍ପୂର୍ଣ୍ଣ କରିବାକୁ ପରାମର୍ଶ ଦେଇଛି।