ଶିକ୍ଷକ ନିଯୁକ୍ତି ଦାବିରେ ଆନ୍ଦୋଳନରତ ଆଶାୟୀ ଶିକ୍ଷକମାନେ ଶନିବାରଠାରୁ ଭୁବନେଶ୍ୱରର ଲୋୟର ପିଏମ୍ଜିରେ ଅନିର୍ଦ୍ଦିଷ୍ଟକାଳୀନ ଅନଶନ ଆରମ୍ଭ କରିଛନ୍ତି। ସରକାରଙ୍କ ସହ ଆଲୋଚନାରୁ କୌଣସି ସମାଧାନ ନବାହାରିବା ପରେ ଓଡ଼ିଶା ଆସ୍ପାୟରିଂ ଟିଚର୍ସ ଆସୋସିଏସନ ଏହି ନିଷ୍ପତ୍ତି ନେଇଛି।
ଆଶାୟୀ ଶିକ୍ଷକମାନେ ଅଗଷ୍ଟ ୧୭ ତାରିଖରୁ ଲୋୟର ପିଏମ୍ଜିରେ ଧାରଣା ଦେଇ ଆସୁଛନ୍ତି। ନିଯୁକ୍ତି ସମ୍ପର୍କିତ ବିଭିନ୍ନ ଦାବି ନେଇ ସେମାନେ ସରକାରଙ୍କ ଦୃଷ୍ଟି ଆକର୍ଷଣ କରିଆସୁଛନ୍ତି।
ଶୁକ୍ରବାର ଆଶାୟୀ ଶିକ୍ଷକମାନଙ୍କ ଏକ ୫ ଜଣିଆ ପ୍ରତିନିଧି ଦଳ ଗଣଶିକ୍ଷା ମନ୍ତ୍ରୀଙ୍କ ସହ ଆଲୋଚନା କରିଥିଲା। ତେବେ ଏହି ଆଲୋଚନାରୁ ଦାବି ପୂରଣ ନେଇ କୌଣସି ଠୋସ୍ ସମାଧାନ ବାହାରିନଥିଲା।
ଆନ୍ଦୋଳନକାରୀଙ୍କ କହିବା ଅନୁସାରେ, ସରକାର ସେମାନଙ୍କ ସମସ୍ୟା ସମ୍ପର୍କରେ ଅବଗତ ଥିବା କହିଥିଲେ ମଧ୍ୟ ନିଯୁକ୍ତି ନେଇ ସ୍ପଷ୍ଟ ପ୍ରତିଶ୍ରୁତି ଦେଇନାହାନ୍ତି। ସରକାରଙ୍କ ପକ୍ଷରୁ ଆବଶ୍ୟକ ସମୟରେ ନିଯୁକ୍ତି ଦିଆଯିବ ବୋଲି କୁହାଯାଇଥିବା ଆନ୍ଦୋଳନକାରୀମାନେ ଅଭିଯୋଗ କରିଛନ୍ତି।
ଅନ୍ୟ ଜଣେ ଆନ୍ଦୋଳନକାରୀ କହିଛନ୍ତି ଯେ, ସରକାର ପୂର୍ବରୁ ଘୋଷଣା କରିଥିବା ନିଯୁକ୍ତି ସଂଖ୍ୟା ବ୍ୟତୀତ ଆଉ ଅଧିକ ନିଯୁକ୍ତି ଘୋଷଣା କରିବାକୁ ପ୍ରସ୍ତୁତ ନାହାନ୍ତି।
ସରକାରଙ୍କ ସହ ଆଲୋଚନା ବିଫଳ ହେବା ପରେ ଆଶାୟୀ ଶିକ୍ଷକମାନେ ଆନ୍ଦୋଳନକୁ ତୀବ୍ର କରିଛନ୍ତି। ଦାବି ପୂରଣ ନହେବା ପର୍ଯ୍ୟନ୍ତ ଅନିର୍ଦ୍ଦିଷ୍ଟକାଳ ପାଇଁ ଧାରଣା ଓ ଅନଶନ ଜାରି ରଖିବାକୁ ଆସୋସିଏସନ ପକ୍ଷରୁ ଘୋଷଣା କରାଯାଇଛି।
ମେଷ:ଏହି ସପ୍ତାହରେ କର୍ମକ୍ଷେତ୍ରରେ ନୂଆ ସୁଯୋଗ ମିଳିପାରେ।...
ପିଭି ସିନ୍ଧୁଙ୍କ ବ୍ୟାଡମିଣ୍ଟନ୍ କ୍ୟାରିୟରର ଏହି ପର୍ଯ୍ୟାୟ...
୨୦୨୬ ଏସିଆନ୍ ଗେମ୍ସ ଆରମ୍ଭ ହେବାକୁ ଆଉ ଅଳ୍ପ ସମୟ ବାକି ଥି...
୦୦ ଦିନିଆ ଟିବି ମୁକ୍ତ ଭାରତ ଅଭିଯାନର ସଫଳତା ଓ ଆଗାମୀ ରଣନ...
ଲାଉସାନ୍ ଡାଇମଣ୍ଡ ଲିଗ୍‌ରେ ନୀରଜ ଚୋପ୍ରାଙ୍କ ପ୍ରଦର୍...
ମେଷ ଏହି ସପ୍ତାହରେ ମେଷ ରାଶିର ବ୍ୟକ୍ତିମାନେ କର୍ମକ୍ଷେ...
୧୫ ବର୍ଷ ବୟସରେ ହିଁ ଧଳା-ବଲ୍‌ କ୍ରିକେଟ୍‌ରେ ଚ...
ନୂଆଦିଲ୍ଲୀ:ଜନଗଣନା ୨୦୨୭ ପାଇଁ କେନ୍ଦ୍ର ସରକାର ପ୍ରଶ୍ନପତ୍...
