ଦୀର୍ଘ ୮ ବର୍ଷର ବ୍ୟବଧାନ ପରେ ଓଡ଼ିଶାର କଲେଜ ଓ ବିଶ୍ୱବିଦ୍ୟାଳୟରେ ପୁଣିଥରେ ଛାତ୍ର ସଂସଦ ନିର୍ବାଚନ ହେବ। ନିର୍ବାଚନକୁ ନେଇ ଏବେ ବିଭିନ୍ନ କ୍ୟାମ୍ପସ୍ରେ ରାଜନୈତିକ ଓ ଛାତ୍ରୀୟ ଗତିବିଧି ବଢ଼ିବା ସହ ଆଶାୟୀ ପ୍ରାର୍ଥୀମାନେ ପ୍ରସ୍ତୁତି ଆରମ୍ଭ କରିଛନ୍ତି।

ସରକାରଙ୍କ ନିର୍ଦ୍ଧାରିତ କାର୍ଯ୍ୟସୂଚୀ ଅନୁସାରେ,ଅକ୍ଟୋବର ୯ ତାରିଖ ସକାଳ ୧୦ଟାରୁ ଦିନ ୧ଟା ପର୍ଯ୍ୟନ୍ତପ୍ରାର୍ଥୀମାନେ ନାମାଙ୍କନ ଦାଖଲ କରିପାରିବେ। ସେହି ଦିନ ଅପରାହ୍ଣ ୨ଟାରୁ ୪ଟା ପର୍ଯ୍ୟନ୍ତ ନାମାଙ୍କନ ଯାଞ୍ଚ ହେବ। ସନ୍ଧ୍ୟା ୫ଟାରେ ବୈଧ ପ୍ରାର୍ଥୀଙ୍କ ତାଲିକା ପ୍ରକାଶ ପାଇବ।

ଅକ୍ଟୋବର ୧୦ ତାରିଖ ସକାଳ ୧୦ଟାରୁ ଦିନ ୧ଟା ମଧ୍ୟରେ ପ୍ରାର୍ଥୀମାନେ ନାମାଙ୍କନ ପ୍ରତ୍ୟାହାର କରିପାରିବେ। ସେହିଦିନ ଅପରାହ୍ଣ ୩ଟାରେ ଚୂଡ଼ାନ୍ତ ପ୍ରାର୍ଥୀ ତାଲିକା ପ୍ରକାଶ କରାଯିବ। ଅକ୍ଟୋବର ୧୪ରେ ‘Why I Stand For’ ବୈଠକ ଅନୁଷ୍ଠିତ ହେବ।

ଅକ୍ଟୋବର ୧୫ ତାରିଖରେ ସକାଳ୮ଟାରୁ ଦିନ ୨ଟା ପର୍ଯ୍ୟନ୍ତଭୋଟଗ୍ରହଣ ହେବ। ଭୋଟ ଶେଷ ହେବା ପରେ ଅପରାହ୍ଣ ୨ଟାରୁ ଭୋଟ ଗଣତି ଆରମ୍ଭ ହୋଇ ଫଳାଫଳ ଘୋଷଣା ପର୍ଯ୍ୟନ୍ତ ଚାଲିବ। ଅକ୍ଟୋବର ୧୬ରେ ଶପଥ ଗ୍ରହଣ କାର୍ଯ୍ୟକ୍ରମ ରହିଛି।

ନିର୍ବାଚନ ପ୍ରକ୍ରିୟାରେ ରାଜନୈତିକ ଦଳର ସିଧାସଳଖ ହସ୍ତକ୍ଷେପକୁ ବାରଣ କରାଯାଇଛି। ଏହାସହ ପ୍ରାର୍ଥୀମାନଙ୍କ ପାଇଁ ନିର୍ବାଚନୀ ଖର୍ଚ୍ଚର ସୀମା୫,୦୦୦ ଟଙ୍କାରଖାଯାଇଛି।

ଛାତ୍ର ନିର୍ବାଚନ ୨୦୧୮ ପରଠାରୁ ବନ୍ଦ ରହିଥିଲା। ଏବେ ୨୦୨୬-୨୭ ଶିକ୍ଷାବର୍ଷରେ ପୁଣି ନିର୍ବାଚନ ହେବାକୁ ଥିବାରୁ କ୍ୟାମ୍ପସ୍ରେ ଛାତ୍ର ନେତୃତ୍ୱ ପାଇଁ ପ୍ରସ୍ତୁତି ଜୋରଦାର ହୋଇଛି।

ନିର୍ବାଚନର ମୁଖ୍ୟ ତାରିଖ

• ନାମାଙ୍କନ ଦାଖଲ:ଅକ୍ଟୋବର ୯

• ନାମାଙ୍କନ ଯାଞ୍ଚ:ଅକ୍ଟୋବର ୯

• ନାମାଙ୍କନ ପ୍ରତ୍ୟାହାର:ଅକ୍ଟୋବର ୧୦

• ଚୂଡ଼ାନ୍ତ ପ୍ରାର୍ଥୀ ତାଲିକା:ଅକ୍ଟୋବର ୧୦

• ‘Why I Stand For’ ବୈଠକ:ଅକ୍ଟୋବର ୧୪

• ଭୋଟଗ୍ରହଣ:ଅକ୍ଟୋବର ୧୫

• ଗଣତି ଓ ଫଳାଫଳ:ଅକ୍ଟୋବର ୧୫

• ଶପଥ ଗ୍ରହଣ:ଅକ୍ଟୋବର ୧୬