ଅନୁଗୁଳ/କଟକ:ମୌସୁମୀ ବର୍ଷା ଯୋଗୁଁ ନଦୀଗୁଡ଼ିକରେ ଜଳସ୍ତର ବଢ଼ିବା ସହ ସ୍ରୋତ ମଧ୍ୟ ପ୍ରଖର ହୋଇଛି। ଏଭଳି ସମୟରେ ନଦୀରେ ଗାଧୋଇବା ବେଳେ ରବିବାର ଓଡ଼ିଶାରେ ଦୁଇଟି ଅଘଟଣ ଘଟିଛି। ଏଥିରେ ଜଣେ ୧୩ ବର୍ଷୀୟ ଛାତ୍ରଙ୍କ ଜୀବନ ଯାଇଥିବା ବେଳେ ଜଣେ ଯୁବକ ଏବେ ବି ନିଖୋଜ ଅଛନ୍ତି।
ପ୍ରଥମ ଘଟଣା ଅନୁଗୁଳ ଜିଲ୍ଲା ତାଳଚେରର କାକୁଡ଼ି ଗାଧୁଆ ଘାଟରେ ଘଟିଛି। ଏକ ଦଳ ଯୁବକ ବ୍ରାହ୍ମଣୀ ନଦୀରେ ଗାଧୋଇବାକୁ ଯାଇଥିବା ବେଳେ ଦୁଇ ସାଙ୍ଗ ଓମ୍ ପଟ୍ଟନାୟକ ଓ ରାହୁଲ ଦାସ ପ୍ରଖର ସ୍ରୋତରେ ଭାସିଯାଇଥିଲେ।
ସ୍ଥାନୀୟ ଲୋକେ ତୁରନ୍ତ ଉଦ୍ଧାର ପାଇଁ ନଦୀକୁ ଯାଇ ରାହୁଲ ଦାସଙ୍କୁ ଉଦ୍ଧାର କରିଥିଲେ। ତାଙ୍କୁ ତୁରନ୍ତ ନିକଟସ୍ଥ ଡାକ୍ତରଖାନାକୁ ନିଆଯାଇଥିବା ବେଳେ ସେଠାରେ ତାଙ୍କ ଚିକିତ୍ସା ଚାଲିଛି।
ତେବେ ଓମ୍ ପଟ୍ଟନାୟକଙ୍କର ଏଯାଏଁ କୌଣସି ସନ୍ଧାନ ମିଳିନାହିଁ। ଖବର ପାଇ ଅଗ୍ନିଶମ ଓ ଜରୁରୀକାଳୀନ ସେବା ବାହିନୀ ସ୍ଥାନୀୟ ପୁଲିସର ସହାୟତାରେ ସର୍ଚ୍ଚ ଅପରେସନ୍ ଆରମ୍ଭ କରିଛି। ରିପୋର୍ଟ ଲେଖା ହେବା ସମୟରେ ମଧ୍ୟ ଉଦ୍ଧାର ଅଭିଯାନ ଜାରି ରହିଥିଲା।
ଅନ୍ୟ ଏକ ଦୁଃଖଦ ଘଟଣା କଟକ ନିକଟ କାଠଯୋଡ଼ି ନଦୀରେ ଘଟିଛି। ନଦୀରେ ଗାଧୋଇବା ବେଳେ ୧୩ ବର୍ଷୀୟ ଛାତ୍ର ଆର୍ଯ୍ୟନ ସାହାଙ୍କ ମୃତ୍ୟୁ ହୋଇଛି। ଆର୍ଯ୍ୟନ ଗୋପାଳପୁର ମା’ ତାରିଣୀ ବିଦ୍ୟାପୀଠର ଅଷ୍ଟମ ଶ୍ରେଣୀର ଛାତ୍ର ଥିଲେ।
ସୂଚନା ଅନୁସାରେ, ଆର୍ଯ୍ୟନ ତାଙ୍କର ଦୁଇ ସାଙ୍ଗଙ୍କ ସହ ନଦୀକୁ ଗାଧୋଇବାକୁ ଯାଇଥିଲେ। ତିନିଜଣ ଯାକ ନଦୀର ପ୍ରଖର ସ୍ରୋତରେ ଫସିଯାଇଥିଲେ। ସ୍ଥାନୀୟ ଲୋକେ ତୁରନ୍ତ ଘଟଣାସ୍ଥଳରେ ପହଞ୍ଚି ଦୁଇଜଣଙ୍କୁ ଉଦ୍ଧାର କରିଥିଲେ। ହେଲେ ଆର୍ଯ୍ୟନ ସ୍ରୋତରେ ଭାସିଯାଇଥିଲେ।
ପରେ ଦୀର୍ଘ ସମୟ ଧରି ଖୋଜାଖୋଜି କରାଯିବା ପରେ ଆର୍ଯ୍ୟନଙ୍କ ମୃତଦେହ ଉଦ୍ଧାର କରାଯାଇଥିଲା।
ବର୍ଷା ଋତୁରେ ନଦୀଗୁଡ଼ିକରେ ଜଳସ୍ତର ବୃଦ୍ଧି ସହ ପ୍ରଖର ସ୍ରୋତ ରହୁଥିବାରୁ ନଦୀରେ ଗାଧୋଇବା ବେଳେ ଅଧିକ ସତର୍କ ରହିବା ଜରୁରୀ ବୋଲି ଏହି ଦୁଇ ଘଟଣା ପୁଣିଥରେ ସତର୍କ କରାଇଦେଇଛି।
ଦେଶରେ ମୌସୁମୀର ପ୍ରଭାବ ଆହୁରି ତୀବ୍ର ହେବାର ଆଶଙ୍କା। ଅଗଷ...
ଜନ୍ତର ମନ୍ତରରେ ହୋଇଥିବା ଏକ ପ୍ରତିବାଦ ସମୟରେ ପ୍ରଧାନମନ୍ତ...
ସ୍ପେନ୍‌ର ଉତ୍ତର ଆଫ୍ରିକାସ୍ଥିତ ସ୍ୱୟଂଶାସିତ ଅଞ୍ଚଳ...
ବିଶ୍ୱର ଅନ୍ୟତମ ଶ୍ରେଷ୍ଠ ପର୍ବତାରୋହୀ ଭାବେ ପରିଚିତ ନେପାଳ...
ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସୋସିଆଲ୍ ମିଡି...
ଲକ୍ଷ୍ଣୌ:ଉତ୍ତର ପ୍ରଦେଶର ରାୟବରେଲୀ ଜିଲ୍ଲାରେ ଏକ ଚାଞ୍ଚଲ୍...
ମହାନଦୀରେ ଜଳସ୍ତର ବୃଦ୍ଧି ପାଇବା ସହ କଟକ ଜିଲ୍ଲାର ବିଭିନ୍...
ଚନ୍ଦ୍ରନାଥ ରଥ ହତ୍ୟାକାଣ୍ଡର ତଦନ୍ତ କରୁଥିବା କେନ୍ଦ୍ରୀୟ ଅ...
ସୁବର୍ଣ୍ଣପୁର ଜିଲ୍ଲାର ବିନିକା କମ୍ୟୁନିଟି ହେଲ୍ଥ ସେଣ୍ଟର...
ମହାନଦୀରେ ବନ୍ୟାଜଳ ବଢ଼ିବା ପରେ କଟକ ଜିଲ୍ଲାର ପ୍ରସିଦ୍ଧଅନ...
ଜନ୍ତର ମନ୍ତରରେ ହୋଇଥିବା ସମ୍ପ୍ରତିର ପ୍ରତିବାଦକୁ ନେଇ ପ୍ର...
ଦକ୍ଷିଣ-ପଶ୍ଚିମ ଜାପାନର କ୍ୟୁଶୁ ଦ୍ୱୀପରେ ଭୟଙ୍କର ଭୂମିକମ୍...
