ଓଡ଼ିଶାରେ ନାବାଳକଙ୍କ ଅପରାଧରେ ସମ୍ପୃକ୍ତି ଏବେ ଚିନ୍ତାର ବିଷୟ ପାଲଟିଛି। ଚୋରି ଓ ଘରେ ପଶି ଲୁଟ୍ଠାରୁ ଆରମ୍ଭ କରି ହତ୍ୟା, ରାହାଜାନୀ ଓ ଛୁରାମାଡ଼ ଭଳି ଗୁରୁତର ଅପରାଧରେ ମଧ୍ୟ ନାବାଳକଙ୍କ ସମ୍ପୃକ୍ତି ନେଇ ଘଟଣା ସାମ୍ନାକୁ ଆସୁଛି। ଏପରିକି କିଛି କ୍ଷେତ୍ରରେ ବୟସ୍କ ଅପରାଧୀମାନେ ନାବାଳକଙ୍କୁ ଅପରାଧ ପାଇଁ ବ୍ୟବହାର କରୁଥିବା ନେଇ ମଧ୍ୟ ସନ୍ଦେହ ପ୍ରକାଶ ପାଇଛି।
ବ୍ରହ୍ମପୁର ଲାଞ୍ଜିପଲ୍ଲୀ ଅଞ୍ଚଳରେ ଘରେ ଚୋରି ଘଟଣାରେ ନାବାଳକଙ୍କ ସମ୍ପୃକ୍ତି ନେଇ ଅଭିଯୋଗ ହୋଇଛି। ସ୍ଥାନୀୟ ବାସିନ୍ଦା ମନୋଜ କୁମାର ତରାଇ ଏହା ପଛରେ ଅନ୍ୟ କେହି ଥାଇପାରନ୍ତି ବୋଲି ସନ୍ଦେହ ପ୍ରକାଶ କରିଛନ୍ତି।
ସେହିପରି କୋରାପୁଟର ବାରିଣୀପୁଟରେ ଜୁଲାଇ ୩୧ ତାରିଖରେ ଜଣେ ଛାତ୍ରଙ୍କୁ ସ୍କୁଲରୁ ଡାକି ନେଇ ଛୁରାମାଡ଼ କରାଯାଇଥିବା ଅଭିଯୋଗ ହୋଇଥିଲା। ଅଗଷ୍ଟ ୨୧ରେ ଜୟପୁରରେ ଦିନ ଦ୍ୱିପ୍ରହରରେ ଜଣେ ଛାତ୍ରଙ୍କୁ ଛୁରାମାଡ଼ କରି ହତ୍ୟା ଘଟଣାରେ ମଧ୍ୟ ଦୁଇ ନାବାଳକଙ୍କ ସମ୍ପୃକ୍ତି ଅଭିଯୋଗ ହୋଇଥିଲା।
ଅଗଷ୍ଟ ୨୪ରେ କୋରାପୁଟର ଫାମ୍ପୁଣି ଅଞ୍ଚଳରେ ଦୁଇ ନାବାଳକ ଏକ ଘରେ ପଶି ଦମ୍ପତିଙ୍କୁ ଧମକ ଦେଇ ଲୁଟ୍ ଉଦ୍ୟମ କରିଥିବା ଅଭିଯୋଗ ମଧ୍ୟ ଆସିଥିଲା।
NCRB ତଥ୍ୟ ଅନୁସାରେ, ଓଡ଼ିଶାରେ ବିଭିନ୍ନ ମାମଲାରେ ଜଡ଼ିତ ନାବାଳକଙ୍କ ସଂଖ୍ୟା ୨୦୨୨ରେ ୧,୧୬୩ ଥିବା ବେଳେ ୨୦୨୩ରେ ଏହା ୧,୫୦୭କୁ ବୃଦ୍ଧି ପାଇଥିଲା। ୨୦୨୪ରେ ଏହି ସଂଖ୍ୟା ୧,୬୧୧ରେ ପହଞ୍ଚିଛି। ଅର୍ଥାତ୍ ୨୦୨୨ ତୁଳନାରେ ୨୦୨୪ରେ ନାବାଳକଙ୍କ ସମ୍ପୃକ୍ତି ପ୍ରାୟ ୩୮% ବୃଦ୍ଧି ପାଇଛି।
ଚୋରି, ଛିନ୍ତାଇ, ଘରେ ପଶି ଚୋରି, ହତ୍ୟା, ହତ୍ୟା ଉଦ୍ୟମ ଓ ସାଇବର ଅପରାଧ ଭଳି ବିଭିନ୍ନ ମାମଲାରେ ନାବାଳକଙ୍କ ସମ୍ପୃକ୍ତି ରେକର୍ଡ ହୋଇଛି।
ଓଡ଼ିଶା ରାଜ୍ୟ ଶିଶୁ ଅଧିକାର ସୁରକ୍ଷା ଆୟୋଗର ଅଧ୍ୟକ୍ଷା ବବିତା ପାତ୍ରଙ୍କ ଅନୁସାରେ, ଜଣେ ଶିଶୁ ଲଗାତାର ସାତ ଦିନ ସ୍କୁଲ ନଆସିଲେ ତାଙ୍କ ଘରକୁ ଯାଇ ତଥ୍ୟ ନେବା ପାଇଁ ସ୍କୁଲ କମ୍ୟୁନିଟିକୁ ପରାମର୍ଶ ରହିଛି। ଶିଶୁମାନଙ୍କୁ ଭିକ୍ଷାବୃତ୍ତି ଓ ଅନ୍ୟ ଅପରାଧରେ ବ୍ୟବହାର କରୁଥିବା ମଧ୍ୟସ୍ଥଙ୍କ ବିରୋଧରେ କାର୍ଯ୍ୟାନୁଷ୍ଠାନ ଅଧିକ ଗୁରୁତ୍ୱପୂର୍ଣ୍ଣ ବୋଲି ସେ କହିଛନ୍ତି। ପ୍ରତ୍ୟେକ ଜିଲ୍ଲାରେ କଲେକ୍ଟରଙ୍କ ନେତୃତ୍ୱରେ ଏଥିପାଇଁ ଟାସ୍କଫୋର୍ସ ରହିଛି।
ସମ୍ବଲପୁର ଏସ୍ପି ମୁକେଶ କୁମାର ଭାମୁଙ୍କ ଅନୁସାରେ, ଅପରାଧ ଯେତେ ହେଉନା କାହିଁକି, ନାବାଳକଙ୍କୁ କୋର୍ଟରେ ଉପସ୍ଥାପନ କରାଯାଏ। ସେମାନଙ୍କୁ ବୟସ୍କ ଅପରାଧୀଙ୍କ ଭଳି ବ୍ୟବହାର କରାଯାଏ ନାହିଁ। କାଉନସେଲିଂ ସହ ସେମାନଙ୍କ ଶିକ୍ଷା ଓ ପୁନର୍ବାସ ଉପରେ ଗୁରୁତ୍ୱ ଦିଆଯାଏ। ଗୁରୁତର ନଥିବା ଅପରାଧ କ୍ଷେତ୍ରରେ ନାବାଳକଙ୍କୁ ଉପଯୁକ୍ତ ପରାମର୍ଶ ଦେଇ ସ୍କୁଲରେ ନାମ ଲେଖାଯିବା ସହ ମାନସିକ ଓ ମନୋବୈଜ୍ଞାନିକ କାଉନସେଲିଂ ଦିଆଯାଏ।
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ସୁଯୋଗ ମିଳ...
କନିଷ୍ଠ ଏସିଆ କପ୍‌ ହକିରେ ଭାରତୀୟ ଯୁବ ଦଳର ଦମଦାର ପ...
ପାକିସ୍ତାନ କ୍ରିକେଟ୍‌ ଟିମ୍‌ର ଖରାପ ପ୍ରଦର୍ଶନ...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍ରମର...
ଭାରତୀୟ କ୍ରିକେଟ୍‌ ଟିମ୍‌ ସହ ଯୋଡ଼ିହୋଇଛି ୩ଟି...
ଅଷ୍ଟ୍ରେଲିଆ ଏ’ ବିପକ୍ଷରେ ଆସନ୍ତା ଘରୋଇ ସିରିଜ୍ ପା...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ଭବିଷ୍ୟତ ବିଷୟରେ ଜାଣିବା ପାଇଁ ଲୋକଙ୍କୁ ଜ୍ୟୋତିଷଙ୍କ ସହ ଯ...
