ଭୁବନେଶ୍ୱର: ସରକାରୀ କର୍ମଚାରୀଙ୍କ ବିରୋଧରେ ହେଉଥିବା ବିଭାଗୀୟ ତଦନ୍ତ ପ୍ରକ୍ରିୟାରେ ରାଜ୍ୟ ସରକାର ଏକ ଗୁରୁତ୍ୱପୂର୍ଣ୍ଣ ସଂଶୋଧନ ଆଣିଛନ୍ତି। ନୂଆ ନିର୍ଦ୍ଦେଶ ଅନୁଯାୟୀ, ତଦନ୍ତ ଅଧିକାରୀ (ଇନ୍କ୍ୱାରି ଅଫିସର) ଆଉ କୌଣସି ଦଣ୍ଡ କିମ୍ବା ଶାସ୍ତି ସମ୍ପର୍କରେ ସୁପାରିସ କରିପାରିବେ ନାହିଁ।
ସାଧାରଣ ପ୍ରଶାସନ ଓ ଜନଅଭିଯୋଗ ବିଭାଗ ପକ୍ଷରୁ ଏନେଇ ସମସ୍ତ ବିଭାଗ, ବିଭାଗୀୟ ମୁଖ୍ୟ ଏବଂ ଜିଲ୍ଲାପାଳମାନଙ୍କୁ ନିର୍ଦ୍ଦେଶ ଜାରି କରାଯାଇଛି। ଏଣିକି ତଦନ୍ତ ରିପୋର୍ଟ କେବଳ ଅଭିଯୋଗର ସତ୍ୟତା, ଉପସ୍ଥାପିତ ପ୍ରମାଣ ଏବଂ ସେଥିରୁ ମିଳିଥିବା ନିଷ୍କର୍ଷ ମଧ୍ୟରେ ସୀମିତ ରହିବ।
ପୂର୍ବରୁ ପ୍ରଚଳିତ ବ୍ୟବସ୍ଥା ଅନୁସାରେ, ଅଭିଯୋଗ ପ୍ରମାଣିତ ହେଲେ ତଦନ୍ତ ଅଧିକାରୀ ଦଣ୍ଡ କିମ୍ବା ଶାସ୍ତି ସୁପାରିସ କରିପାରୁଥିଲେ। କିନ୍ତୁ ରାଜ୍ୟ ସରକାର ସ୍ପଷ୍ଟ କରିଛନ୍ତି ଯେ, ଦଣ୍ଡ ନିର୍ଦ୍ଧାରଣ ଓ ତାହା ଲାଗୁ କରିବାର କ୍ଷମତା କେବଳ ଶୃଙ୍ଖଳା କର୍ତ୍ତୃପକ୍ଷଙ୍କ ପାଖରେ ରହିଛି।
ସରକାରଙ୍କ ଦୃଷ୍ଟିକୁ ଆସିଥିଲା ଯେ, କେତେକ ମାମଲାରେ ତଦନ୍ତ ଅଧିକାରୀଙ୍କ ସୁପାରିସ ଅନୁଯାୟୀ ଦଣ୍ଡ ଦିଆଯାଇ ନ ଥିବାରୁ ସଂପୃକ୍ତ କର୍ମଚାରୀମାନେ ଅଦାଲତର ଦ୍ୱାରସ୍ଥ ହେଉଥିଲେ। ଏହା ଫଳରେ ଅନାବଶ୍ୟକ ମକଦ୍ଦମା ଓ ପ୍ରଶାସନିକ ଜଟିଳତା ବୃଦ୍ଧି ପାଉଥିଲା।
ନୂଆ ନିୟମ ଅନୁସାରେ, ତଦନ୍ତ ରିପୋର୍ଟରେ ପ୍ରତ୍ୟେକ ଅଭିଯୋଗ ସମ୍ପର୍କରେ ସ୍ପଷ୍ଟ ନିଷ୍କର୍ଷ, ସେଥିପାଇଁ କାରଣ ଏବଂ ଉପଲବ୍ଧ ପ୍ରମାଣର ବିବରଣୀ ରହିବ। ଦଣ୍ଡ ସୁପାରିସ କରିବାର ପ୍ରଥାକୁ ସମ୍ପୂର୍ଣ୍ଣ ବନ୍ଦ କରାଯାଇଛି।
ରାଜ୍ୟ ସରକାର ସମସ୍ତ ଶୃଙ୍ଖଳା କର୍ତ୍ତୃପକ୍ଷ ଓ ତଦନ୍ତ ଅଧିକାରୀଙ୍କୁ ଏହି ନୂଆ ନିର୍ଦ୍ଦେଶାବଳୀକୁ କଡ଼ାକଡ଼ି ପାଳନ କରିବାକୁ କହିଛନ୍ତି। ଏହି ପଦକ୍ଷେପ ଦ୍ୱାରା ତଦନ୍ତ ପ୍ରକ୍ରିୟା ଅଧିକ ସ୍ୱଚ୍ଛ ଓ ନିୟମସମ୍ମତ ହେବ ବୋଲି ଆଶା କରାଯାଉଛି।
ଜାତୀୟ ଯୋଗ୍ୟତା ସହ ପ୍ରବେଶିକା ପରୀକ୍ଷା (NEET-UG) 2026...
ଭୁବନେଶ୍ୱରସ୍ଥିତ ଅଖିଳ ଭାରତ ଆୟୁର୍ବିଜ୍ଞାନ ସଂସ୍ଥାନ (ଏମ୍...
ନୂତନ ସପ୍ତାହର ଆରମ୍ଭ ସହ ଗ୍ରହ-ନକ୍ଷତ୍ରର ଗତିବିଧିରେ ହେଉଥ...
ସୁସ୍ଥ ଓ ସକ୍ରିୟ ଜୀବନ ପାଇଁ ସନ୍ତୁଳିତ ଖାଦ୍ୟାଭ୍ୟାସର ଭୂମ...
ଖାଦ୍ୟ ସୁରକ୍ଷା ଓ ସ୍ୱଚ୍ଛତାକୁ ସର୍ବୋଚ୍ଚ ପ୍ରାଥମିକତା ଦେଇ...
ସୌନ୍ଦର୍ଯ୍ୟ ବଢ଼ାଇବା ପାଇଁ ଆଜିକାଲି ଅନେକ ମହିଳା ଏବଂ ପୁର...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ଦକ୍ଷତାର...
Central Board of Secondary Education ଖୁବ୍ ଶୀଘ୍ର ଦଶ...
ନୂତନ ସପ୍ତାହର ଆରମ୍ଭ ସହ ଗ୍ରହ-ନକ୍ଷତ୍ରର ସ୍ଥିତିରେ ହେଉଥି...
ନିଟ୍-ୟୁଜି ୨୦୨୬ ପୁନଃପରୀକ୍ଷାକୁ ନେଇ ଚର୍ଚ୍ଚା ମଧ୍ୟରେ ନା...
National Testing Agency ପକ୍ଷରୁ NEET-UG 2026 ପୁନଃପର...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍...
