ରାଜ୍ୟରେ ଚାଷୀମାନଙ୍କୁ ଠିକ୍ ସମୟରେ ସାର ଉପଲବ୍ଧ କରାଇବା ଏବଂ କଳାବଜାରି ରୋକିବା ଲକ୍ଷ୍ୟରେ ଓଡ଼ିଶା ସରକାର୪୨ କୋଟି ଟଙ୍କାରଏକ ଗୁରୁତ୍ୱପୂର୍ଣ୍ଣ ଯୋଜନାକୁ ମଞ୍ଜୁରି ଦେଇଛନ୍ତି।

‘Interest Subvention on Cash Credit Loan for Prepositioning of Fertilizer’ନାମକ ଏହି ଯୋଜନାକୁ ସମବାୟ ବିଭାଗର କମିଶନର-କମ୍-ସଚିବଙ୍କ ଅଧ୍ୟକ୍ଷତାରେ ହୋଇଥିବାStanding Finance Committee (SFC)ବୈଠକରେ ଅନୁମୋଦନ କରାଯାଇଛି। ଚଳିତ ଆର୍ଥିକ ବର୍ଷରୁ ଏହାକୁ କାର୍ଯ୍ୟକାରୀ କରିବା ପାଇଁ ଅର୍ଥ ବିଭାଗ ମଧ୍ୟ ସବୁଜ ସଙ୍କେତ ଦେଇଛି।

ସରକାର ବହନ କରିବେ ସୁଧ ଖର୍ଚ୍ଚ

ଏହି ଯୋଜନା ଅନୁଯାୟୀPACSଓLAMPCSସମବାୟ ସମିତିମାନେ ଚାଷ ଋତୁ ପୂର୍ବରୁ ସାର କ୍ରୟ ଓ ମହଜୁଦ କରିବା ପାଇଁ ନେଉଥିବାCash Credit (CC) Loanଉପରେ ଲାଗୁଥିବା ସମସ୍ତ ସୁଧ ରାଜ୍ୟ ସରକାର ବହନ କରିବେ। ଏହା ଫଳରେ ସମବାୟ ସମିତିମାନେ ସୁଧ ବୋଝ ବିନା ପର୍ଯ୍ୟାପ୍ତ ପରିମାଣର ସାର ମହଜୁଦ ରଖିପାରିବେ।

ଯୋଜନାର ପ୍ରମୁଖ ବିଶେଷତା

• ୨୦୨୬-୨୭ ରୁ ୨୦୩୦-୩୧ ପର୍ଯ୍ୟନ୍ତ୫ ବର୍ଷ ପାଇଁ ୪୨ କୋଟି ଟଙ୍କାବ୍ୟୟ।
• ଚଳିତ ଆର୍ଥିକ ବର୍ଷରେ୫ କୋଟି ଟଙ୍କାବ୍ୟବସ୍ଥା।
• ରାଜ୍ୟର ପ୍ରାୟ୨,୭୦୦ PACS ଓ LAMPCSଏହି ଯୋଜନାର ସୁବିଧା ପାଇବେ।
• ଯୋଗ୍ୟ ସମବାୟ ସମିତି ପ୍ରତି୧୦ ଲକ୍ଷ ଟଙ୍କା ପର୍ଯ୍ୟନ୍ତ Cash Creditସୁବିଧା।
• ଖରିଫ ୨୦୨୬ରୁ ସମବାୟ ସଂସ୍ଥା ମାଧ୍ୟମରେ ସାର ବଣ୍ଟନକୁ ୨୫-୩୦%ରୁ ବଢ଼ାଇ ୬୦% କରିବା ଲକ୍ଷ୍ୟ।
• ସାର ବିକ୍ରିରେ ସ୍ୱଚ୍ଛତା ଆଣିବାକୁQR Code Paymentବ୍ୟବସ୍ଥାକୁ ପ୍ରୋତ୍ସାହନ।

ଚାଷୀଙ୍କୁ ମିଳିବ ସମୟରେ ସାର

ସରକାରଙ୍କ ମତାନୁସାରେ, ଏହି ଯୋଜନା ଦ୍ୱାରା ସମବାୟ ବ୍ୟବସ୍ଥା ଆହୁରି ସୁଦୃଢ଼ ହେବ। ଚାଷୀମାନେ ସରକାର ନିର୍ଦ୍ଧାରିତ ଦରରେ ଠିକ୍ ସମୟରେ ସାର ପାଇପାରିବେ। ଏହା ସହ ସାରର କଳାବଜାରି ଓ ବେଆଇନ ମହଜୁଦକୁ ରୋକିବା ସହ ବଣ୍ଟନ ବ୍ୟବସ୍ଥାକୁ ଅଧିକ ସ୍ୱଚ୍ଛ ଓ ଦକ୍ଷ କରାଯିବ।