ବିଶ୍ୱ ସିନେମା ଜଗତରେ ଏବେ ଚର୍ଚ୍ଚାରେ ଜାପାନୀ ଫିଲ୍ମ ‘Godzilla Minus Zero’। ବକ୍ସ ଅଫିସରେ ଧମାକାଦାର ଓପନିଂ କରି ଏହି ଫିଲ୍ମ ଭାରତର ବହୁଚର୍ଚ୍ଚିତ ଫିଲ୍ମ ‘Ramayana: Rise of a Legend’କୁ ପଛରେ ପକାଇ ଦେଇଛି। ରିଲିଜ୍ର ପ୍ରଥମ ୱିକେଣ୍ଡରେ ବିଶ୍ୱବ୍ୟାପୀ ୬୩ ନିୟୁତ ଡଲାର ଅର୍ଥାତ୍ ପ୍ରାୟ ୫୬୭ କୋଟି ଟଙ୍କା ଆୟ କରି ଗ୍ଲୋବାଲ୍ ବକ୍ସ ଅଫିସରେ ଶୀର୍ଷ ସ୍ଥାନ ହାସଲ କରିଛି ଏହି ଜାପାନୀ ଫିଲ୍ମ।
ନଭେମ୍ବର ୫ରୁ ୮ ତାରିଖ ମଧ୍ୟରେ ରିଲିଜ୍ର ପ୍ରଥମ ୱିକେଣ୍ଡରେ ‘Godzilla Minus Zero’ ପ୍ରାୟ ୬୩ ନିୟୁତ ଡଲାର ଆୟ କରିଛି। ଏହାର ବିଶ୍ୱବ୍ୟାପୀ ଆୟ ଭାରତୀୟ ଫିଲ୍ମ ‘ରାମାୟଣ’ର ଆରମ୍ଭିକ ଆୟଠାରୁ ଅଧିକ ରହିଛି।
ରିପୋର୍ଟ ଅନୁସାରେ, ନିତେଶ ତିୱାରୀଙ୍କ ନିର୍ଦ୍ଦେଶିତ ‘Ramayana: Rise of a Legend’ ଚାରି ଦିନର ଓପନିଂ ୱିକେଣ୍ଡରେ ପ୍ରାୟ ୫୫ ନିୟୁତ ଡଲାର ଅର୍ଥାତ୍ ୫୦୦ କୋଟି ଟଙ୍କା ଆୟ କରିଛି। ଏହି ଫିଲ୍ମ ଭାରତରେ ଭଲ ପ୍ରଦର୍ଶନ କରିଥିଲେ ମଧ୍ୟ ବିଶ୍ୱବ୍ୟାପୀ ଆୟରେ ଗଡଜିଲା ଆଗରେ ରହିଛି।
ଉତ୍ତର ଆମେରିକାର ବକ୍ସ ଅଫିସରେ ‘Godzilla Minus Zero’ର ପ୍ରଦର୍ଶନ ଆହୁରି ଚମତ୍କାର ରହିଛି। ଶୁକ୍ରବାରରୁ ରବିବାର ମଧ୍ୟରେ ଏହି ଫିଲ୍ମ ୩୧.୬ ନିୟୁତ ଡଲାର ଆୟ କରିଛି।
ଅନ୍ୟପଟେ, ଉତ୍ତର ଆମେରିକାରେ ‘Ramayana: Rise of a Legend’ ଏହି ସମୟ ମଧ୍ୟରେ ୮.୭ ନିୟୁତ ଡଲାର ଆୟ କରି ପଞ୍ଚମ ସ୍ଥାନରେ ରହିଛି। ଫଳରେ ସମାନ ତିନି ଦିନର ତୁଳନାରେ ଗଡଜିଲା ପ୍ରାୟ ୨୬୦ ପ୍ରତିଶତ ଅଧିକ ଆୟ କରିଛି। ଭାରତୀୟ ଫିଲ୍ମର ଚାରି ଦିନର ମୋଟ ଉତ୍ତର ଆମେରିକା ଆୟ ୧୨.୨ ନିୟୁତ ଡଲାର ରହିଛି।
ଏହି ଦୁଇ ଫିଲ୍ମର ବଜେଟ୍କୁ ନେଇ ମଧ୍ୟ ଚର୍ଚ୍ଚା ଜୋର ଧରିଛି। ରିପୋର୍ଟ ଅନୁସାରେ, ‘Godzilla Minus Zero’ ପ୍ରାୟ ୧୯ ନିୟୁତ ଡଲାର (୧୭୧ କୋଟି ଟଙ୍କା) ବଜେଟ୍ରେ ନିର୍ମିତ ହୋଇଥିବା ବେଳେ ‘ରାମାୟଣ’ର ଆନୁମାନିକ ବଜେଟ୍ ପ୍ରାୟ ୨୧୦ ନିୟୁତ ଡଲାର (୧,୮୯୦ କୋଟି ଟଙ୍କା) ବୋଲି କୁହାଯାଉଛି।
ଅର୍ଥାତ୍ ‘ରାମାୟଣ’ର ବଜେଟ୍ ତୁଳନାରେ ମାତ୍ର ଏକ ଦଶମାଂଶରୁ କମ୍ ବଜେଟ୍ରେ ନିର୍ମିତ ଜାପାନୀ ଫିଲ୍ମଟି ଆରମ୍ଭରୁ ବିଶ୍ୱ ବକ୍ସ ଅଫିସରେ ବଡ଼ ସଫଳତା ହାସଲ କରିଛି।
ତାକାଶି ୟାମାଜାକିଙ୍କ ନିର୍ଦ୍ଦେଶିତ ଏହି ଫିଲ୍ମର କାହାଣୀ ୧୯୪୯ ମସିହାର ପରିପ୍ରେକ୍ଷୀରେ ଗତି କରୁଛି। ଦ୍ୱିତୀୟ ବିଶ୍ୱଯୁଦ୍ଧ ପରେ ଜାପାନ ପୁନର୍ବାର ନିଜକୁ ଗଢ଼ିବାକୁ ଚେଷ୍ଟା କରୁଥିବା ସମୟରେ ଏକ ନୂଆ ବିପଦ ସାମ୍ନାକୁ ଆସେ।
ଏଥର ଗଡଜିଲାର ମୁକାବିଲା ହେବ ତିନି ମୁଣ୍ଡ ଥିବା ବିଶାଳ ଡ୍ରାଗନ୍ ଭଳି ରାକ୍ଷସ 'King Ghidorah' ସହ। ୨୦୨୩ରେ ଆସିଥିବା ‘Godzilla Minus One’ରେ ପରାଜିତ ହୋଇଥିବା ଗଡଜିଲା ପୁଣିଥରେ ବିକିରଣ ପ୍ରଭାବରେ ନୂଆ ରୂପରେ ଫେରିଥିବା ଦେଖାଯାଇଛି।
ଏହି ଫିଲ୍ମର ଦମଦାର ଓପନିଂ ଜାପାନୀ ସିନେମା ଜଗତ ପାଇଁ ଏକ ବଡ଼ ସଫଳତା ଭାବେ ଦେଖାଯାଉଛି।
ଯୁଦ୍ଧ ବନ୍ଦ କଲେ ୪୮ ଘଣ୍ଟାରେ ଖୋଲିବ ହର୍ମୁଜ୍ ପ୍ରଣାଳୀ! ଆ...
ରୂପାନ୍ତରିତ ହେଲା ଭୋରର ନିରବତା ଭୟଙ୍କର ଆତଙ୍କରେ। କଟକ ସହ...
ବେଜିଂ: ବିଶ୍ୱର ଅନ୍ୟତମ ଶକ୍ତିଶାଳୀ ଅର୍ଥନୀତି ଭାବେ ପରିଚି...
ଭୁବନେଶ୍ୱର: ଓଡ଼ିଶା ଆସିବେ କେନ୍ଦ୍ର ଗୃହମନ୍ତ୍ରୀ ଅମିତ ଶା...
କଟକ: ପବିତ୍ର କାର୍ତ୍ତିକ ମାସର ସୋମବାର ଅବସରରେ ଶିବମୟ ହୋଇ...
ଚୀନ୍ ଗୁପ୍ତଚର ଅଭିଯୋଗ ମଧ୍ୟରେ Nvidia CEOଙ୍କ ପକ୍ଷରେ ଟ୍...
ଛତ୍ରପୁର: ବାତ୍ୟା ଅର୍ଣ୍ଣବ ପ୍ରଭାବରେ ଗଞ୍ଜାମ ଜିଲ୍ଲାରେ ଦ...
♈ ମେଷ ରାଶି (Aries) ଏହି ସପ୍ତାହ ମେଷ ରାଶିର ବ୍ୟକ୍ତ...
